1. *Ndikhoyo, ndihlangule kubantu abagwenxa;ndilondoloze ndingenzakaliswa zizijama-nkungwini,
2. kwabasoloko beyila amayelenqe,behamba bephemba uchuku,
3. abalwimi zilenca njengezeenyoka,abamilomo inobuhlungu obunjengoberhamba.
4. Ndikhoyo, ndaluse ndingabi lixhoba lezikhohlakali;ndilondoloze ndingawi ezandleni zezijama-nkungwiniezifutha amacebo okunditshabalalisa.
5. Izibhoxi zindimbela umhadi,zona ziyandithiyisela zindigcayisele;ewe, zindibekela izabatha endleleni.
6. Hoyina! Ndibhenela kuwe, Ndikhoyo; ndithi:“Wena unguThixo wam.”Ndive, ndiyatarhuzisa, Mhlekazi.
7. Athi ke wena, Ndikhoyo, Nkosi yam,Mandlandini andisindisayo,wena ulixhadi lam mhla ngedabi.
8. Mayingafezeki iminqweno yezikhohlakali, Ndikhoyo;mazibuye nembande yesikhova kumayelenqe azo.
9. Abo bandirhawulayo bayabhobhoza;izisongelo zabo mazenzakalise kwabona.
10. Akwaba bebengabuxulwa ngamalahle avuthayo,bahalakatsheke enzonzobileni, bangaze babuye.
11. Abaphixanisi mabangaze bahlume;izijama-nkungwini mazonganyelwe bububi, zitshabalale.
12. Ndiyazi ukuba wena uyabalungiselela abacinezelweyo;ewe, Ndikhoyo, uyababonelela abo bagqush' eluthulini.
13. Ngenene amalungisa aya kukudumisa;ewe, kaloku wona aya kuhlala nawe.