1. Chruthaigh an Tiarna an duine as an talamh,agus chas sé ar ais uirthi é.
2. Thug sé an áirithe sin laethanta dóibh mar théarma saoil,agus thug sé údarás dóibh ar a raibh ar talamh.
3. Bhronn sé neart orthu mar a neart féinagus rinne sé iad de réir a dheilbhe féin.
4. Thug sé ar gach ní beo eagla a ghlacadh rompu,agus rinne sé máistrí díobh ar bheithígh agus ar éanlaith.
5. (Fuair siad feidhm na gcúig chumhacht ón Tiarna, agus, mar shéú ceann,roinnt den intleacht, agus, mar sheachtú, an réasún a mhíníonn a chumhachtaí.)
6. Dhealbhaigh sé béal, teanga, súile agus cluasa dóibhagus croí chun machnamh a dhéanamh.
7. Líon sé iad le heolas agus le tuiscintagus thaispeáin sé dóibh an mhaith agus an t‑olc.
8. Chuir sé a sholas féin ina gcroí,chun mórgacht a oibreacha féin a léiriú dóibh.
9. (Chuir sé ar a gcumas a éachtaí féin a ghlóiriú go brách.)
10. Molfaidh siad a ainm naofachun a chuid gníomhartha glórmhara a fhógairt don saol.
11. Bhronn sé orthu bua na tuisceana,agus thug sé dlí na beatha dóibh mar oidhreacht.
12. Rinne sé conradh síoraí leo,agus d'fhoilsigh sé dóibh a bhreitheanna.
13. Chonaic a súile a mhórgacht ghlórmhar,agus chuala a gcluasa glóir a ghutha.
14. Dúirt sé leo: “Seachnaígí an uile shaghas urchóide”;agus thug sé aithne do gach duine díobh i dtaobh a chomharsan.
15. Bíonn a mbealaí i gcónaí os a chomhair;ní cheilfear óna shúile iad.
16. (Tá a mbealaí ag seoladh chun na hurchóide óna n‑óige;ní féidir leo an croí cloiche úd a mhalartú ar chroí feola;
17. Óir, ag roinnt ciníocha na cruinne dó) cheap sé rialtóir ar gach cine;ach sé Iosrael cuid an Tiarna féin.
18. (Sé a chéadghin é, a oileann sé le smacht,ar a mbronnann sé solas a ghrá gan é a threigean.)
19. Tá a n‑oibreacha go léir ar nós na gréine os a chomhair,agus tá a shúile de shíor ar a slite.
20. Níl a gcionta i bhfolach uaidh,tá a bpeacaí go léir os comhair an Tiarna.
21. (Is maith é an Tiarna, agus is eol dó a chréatúirí;ní dhéanann sé iad a scriosadh ná a thréigean, ach iad a choigilt.)
22. Is cuma déirc duine nó fáinne séala os comhair [an Tiarna];déanann sé féile duine a chaomhnú mar mhac imreasan a shúl.
23. Éireoidh sé ina dhiaidh seo agus déanfaidh sé aisíoc leo;tabharfaidh sé luach a saothair sa mhullach orthu.
24. Ligeann [Dia] do lucht na haithrí filleadh air,agus cuireann sé misneach ar na daoine a bhfuil a ndóchas ag meath.
25. Iompaigh chun an Tiarna agus fág do pheacaí i do dhiaidh;guigh os a chomhair agus laghdaigh do choir.
26. Fill ar ais ar an Té is Airde agus tabhair do chúl leis an urchóid,agus bíodh an dearg-ghráin agat ar an ngráiniúlacht.
27. Cé chanfaidh moltaí don Té is Airde i Seólmura ndéanann na beo é a thugann glóir dó?
28. Ní mó an moladh a fhaightear ó na mairbh ná ó dhaoine nach bhfuil ann chor ar bith.Is é an duine beo folláin ar féidir leis an Tiarna a mholadh.
29. Nach mór é trócaire an Tiarna,agus an maithiúnas a thugann sé dóibh siúd a iompaíonn chuige.
30. Ní féidir gach ní a bheith ag an duine,mar níl mac an duine dobhásaithe.
31. Céard is gile ná an ghrian? Ach tagann urú uirthi;ní bhíonn fuil agus feoil ag machnamh ach ar an olc.
32. Déanann sé sluaite na spéire thuas a iniúchadh;níl ach cré agus luaithreach sa chine daonna go léir.