Caibidlí

  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14
  15. 15
  16. 16
  17. 17
  18. 18
  19. 19
  20. 20
  21. 21
  22. 22
  23. 23
  24. 24
  25. 25
  26. 26
  27. 27
  28. 28
  29. 29
  30. 30
  31. 31
  32. 32
  33. 33
  34. 34
  35. 35
  36. 36
  37. 37
  38. 38
  39. 39
  40. 40
  41. 41
  42. 42
  43. 43
  44. 44
  45. 45
  46. 46
  47. 47
  48. 48
  49. 49
  50. 50
  51. 51

Sean-Tiomna

Tiomna Nua

Síorach 38 An Bíobla Naofa 1981 (ABN)

Leigheas agus Tinneas

1. Tabhair onóir don lia leis an onóir is dual dó de réir do ghá leis,mar is é an Tiarna a chruthaigh é.

2. Ón Té is Airde a thagann an leigheas,agus [is ionann é agus] tabhartas ón rí.

3. Tugann a ealaín ardú cinn don liaagus déantar iontas de i láthair na bhflatha.

4. Chum an Tiarna cógais as an gcré,agus ní bheidh drochmheas ag an eagnaí orthu.

5. Nach ndearna craobh de chrann uisce milis tráth,rud a chruthaigh a neart.

6. Thug sé ealaín do dhaoine,le go ndéanfaidís é a mhóradh ina éachtaí.

7. Leigheasann sé agus tógann an phian chun siúil le cabhair na gcógas;déanann an poitigéir oideas astu.

8. Ní bheidh clabhsúr go deo lena bhearta,agus leathann an tsláinte uaidh amach ar aghaidh na talún.

9. Nuair a bhíonn tú tinn, a mhic ó, na tagadh drochmhisneach ort;ach guigh chun an Tiarna agus leigheasfaidh sé thú.

10. Scoir de do lochtaí agus ná claon do ghéaga;glan do chroí ó gach peaca.

11. Ofráil túis agus cuimhneachán de mhin mhín,agus doirt ola ar d'íobairt de réir d'acmhainne.

12. Ansin fág faoin lia é, mar sé an Tiarna a chruthaigh é,agus ná himíodh sé uait óir tá gá agat leis.

13. Uaireanta is leo a bhíonn an séan,

14. Mar guífidh siadsan freisin chun an Tiarna,le go gcuirfeadh sé faoiseamh ar a gcumas,agus leigheas leis an mbeatha a chaomhnú.

15. An té a pheacaíonn i láthair a chruthaitheora,go dtite sé faoi chúram lia.

Caoineadh

16. Titeadh de dheora, a mhic ó, ar son an mhairbh,agus cuir ceann ar an gcaoineadh lena thaispeáint gur goirt é do chumha;cuir a chorp faoi chlár leis an ómós is dual dó,agus ná déan faillí ina uaigh.

17. Bíodh do ghol go goirt agus d'olagón géar;comhlíon an caoineadh mar is dual don mharbh,ar feadh lae nó dhó le heagla casaoide,agus ansin glac le sólás de bharr do bhróin;

18. Óir d'fhéadfadh bás a theacht ón mbrón,agus cuireann brón an chroí as don neart.

19. Maireann brón leis an donasagus goilleann saol ainnis ar an gcroí.

20. Ná scaoil an dólás isteach i do chroi,ach tiomáin chun siúil é, ag cuimhneamh duit ar do chríocha déanacha.

21. Ná déan dearmad de nach bhfuil filleadh i ndán;ní fhóireann tú ar an marbh, agus déanann tú díobháil duit féin.

22. “Cuimhnigh ar mo chinniúint; is mar sin a bheidh i do chás féin;inné mise, inniu tusa.”

23. Nuair a théann an marbh chun suain téadh a chuimhneachán chun suain chomh maith;glac le sólás ina thaobh nuair a imíonn an dé as.

Slite Beatha

24. Tá eagna an scríobhaí ag brath ar shaoire ó obair;an té atá ar bheagán cúraim, éireoidh sé eagnaí.

25. Conas a d'éireodh fear an chéachta eagnaí,agus gurb é sá an bhroid a ábhar maite,go seolann sé ba agus go mbíonn sé gafa ina mbun,agus gur eallach amháin a ábhar cainte?

26. Bíonn a chroí dírithe ar scríoba a threabhadh,agus é gafa le beathú a chuid beithíoch.

27. Mar an gcéanna le gach ceardaí agus máistir ceirde;bíonn sé ag obair leis de lá agus d'oíche;lucht greanta séalaí, bíonn gach duine díobh cíocrachchun gréasáin nua a cheapadh;caitheann sé a dhúthracht ag tarraingt íomhá beoga,agus sé a chúram an clabhsúr a chur ar a shaothar.

28. Sé an dála céanna é ag an ngabha ina shuí le hais a inneona,agus é díograiseach i mbun saothar iarainn;déanann an gal ón tine a chneas a ghríosadh,agus bíonn sé ag broic le teas ón sorn;tugann sé cluas do cheol an chasúir,agus a shúile ar ghréasán a shaothair;bíonn a chroí socair ar chlabhsúr a chur ar a chuid oibre,agus é cáiréiseach á maisiú go beacht.

29. Sé an dála céanna é ag an gcriadóir ina shuí le hais a shaothair,é ag casadh an rotha lena chosa,agus é gafa ar fad lena chuid oibre,agus gach rud a dhéanann sé tomhaiste go cruinn.

30. Brúnn sé an chré lena láimh,agus pasálann sé í faoina chosa;caitheann sé a dhúthracht le líomhadh agus snas,agus bíonn sé cáiréiseach ag glanadh an tsoirn.

31. Chuir siad seo go léir a muinín ina lámha,agus tá gach duine díobh oilte ina ghnó féin.

32. Gan iad, ní thógfaí cathair,ní bheadh áitreabh ná cónaí.

33. Ní bhítear á lorg ámh do chomhairle an phobail,ná ní bhíonn gradam acu sa chomhthionól;ní shuíonn siad i suí an bhreithiúnais,ná ní thuigeann siad breith na cúirte.

34. Ní bhíonn bua léinn ná breithiúnais acu,ná ní bhfaightear iad ag nathaireacht;ach is iad a dhaingníonn an chruinne ché,agus bíonn a nguí ag plé le cleachtadh a gceirde.