Caibidlí

  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14
  15. 15
  16. 16
  17. 17
  18. 18
  19. 19
  20. 20
  21. 21
  22. 22
  23. 23
  24. 24
  25. 25
  26. 26
  27. 27
  28. 28
  29. 29
  30. 30
  31. 31
  32. 32
  33. 33
  34. 34
  35. 35
  36. 36
  37. 37
  38. 38
  39. 39
  40. 40
  41. 41
  42. 42
  43. 43
  44. 44
  45. 45
  46. 46
  47. 47
  48. 48
  49. 49
  50. 50
  51. 51

Sean-Tiomna

Tiomna Nua

Síorach 11 An Bíobla Naofa 1981 (ABN)

Ní mar a Shíltear

1. Tabharfaidh eagna an duine umhail ardú cinn dó,agus cuirfidh ina shuí é i measc na gceannasach.

2. Ná mol duine ar son a scéimhe,agus ná bíodh an ghráin agat ar dhuine ar son a dhealraimh.

3. Is beag í an bheach ar an bpór sciathánach,ach milse na milse a fómhar.

4. Ná bíodh clóchas ort faoi d'éidí breátha,agus ná bíodh éirí in airde ort lá d'onóra,óir is iontach iad oibreacha an Tiarna,agus tá a oibreacha ceilte ar dhaoine.

5. Is iomaí rí a thug seal ina shuí sa deannach,agus an té nach raibh aird ag aon duine air, chaith sé an choróin.

6. Is iomaí rialtóir a fuair táir agus tarcaisne,agus cuireadh daoine táscúla faoi bhois daoine eile.

Machnamh

7. Ná lochtaigh roimh iniúchadh a dhéanamh;déan do mhachnamh ar dtús, agus ansin ceartaigh.

8. Ná tabhair freagra gan an scéal a chlos;ná cuir isteach ar dhuine i lár a chuid cainte.

9. Ná bí ag aighneas faoi ghnó nach mbaineann leat;agus ná suigh le peacaigh agus iad i mbun breithiúnais.

10. A mhic, ná tarraing an iomad cúraimí ort féin;má mhéadaíonn tú ar líon do ghnóthaí, beidh tú síos leis;má dhéanann tú tóraíocht, ní bhfaighidh tú greim;má theitheann tú, ní éalóidh tú.

11. Fear an tsaothair, na fuirse, agus na deifre,níl aige dá mbarr ach a bheith níos mó chun deiridh.

Muinín as Dia

12. Tá ainniseoir eile ann agus cabhair á lorg aige;tá neart de dhíth air, agus an bhochtaine ar snámh air;ach tá súil an Tiarna air le gnaoi,agus ardaíonn sé é as clais na hainnise,

13. Agus tugann sé ardú cinn dó,rud a chuireann alltacht ar a lán.

14. Sonas agus donas, beatha agus bás,bochtaine agus saibhreas, is ón Tiarna a thagann siad.

15. (Is ón Tiarna a thagann an eagna, tuiscint, agus eolas ar an dlí;Is uaidh an déirc agus bealaí na ndea-oibreacha;

16. Cruthaíodh an seachrán agus an dorchadas mar aon leis na peacaigh;rachaidh an t‑olc in aois leo siúd a bhaineann taitneamh as an olc.)

17. Maireann tabhartas an Tiarna do na fíréin,agus beidh rith an rása go brách leis an ní is gean leis.

18. Éiríonn fear saibhir le barr díchill agus sprionlaitheachta,agus seo é an luach saothair is dual dó:

19. Nuair a deir sé: “Tá suaimhneas faighte agam,agus anois is féidir dom sásamh a bhaint as mo mhaoin,”ní eol dó cén fad a mhairfidh an scéal amhlaidh,agus go bhfágfaidh sé ag daoine eile í, agus go bhfaighidh sé bás.

20. Cloígh le do mhargadh, agus bain taitneamh as;agus téigh in aois i mbun do ghnó.

21. Ná cuireadh éachtaí an pheacaigh ionadh ort,ach bíodh muinín agat as an Tiarna agus lean ort le do shaothar;mar ní aon dua é i súile an Tiarnabochtán a shaibhriú go tobann gan choinne.

22. Bíonn beannacht an Tiarna mar luach saothair ag an bhfíréan,agus cuireann Dia bláth ar a bheannacht gan mhoill.

23. Ná habair: “Cad tá de dhíth orm,agus cén rath a bheidh orm as seo amach?”

24. Ná habair: “Níl beann agam ar aon duine,agus cén donas atá le teacht orm as seo amach?”

25. Lá an tséin bíonn dearmad ar an mírath,agus lá an mhíratha bíonn dearmad ar an séan.

26. Ní aon nath é i láthair an Tiarnaluach saothair a thabhairt do dhuine lá a bháis de réir a bheart.

27. Cuireann mí-ádh uaire sonas ó chuimhne;foilseofar bearta duine ag deireadh a shaoil.

28. Ná habair gur méanar d'aon duine roimh bhás dó;is trína chlann a aithneofar an duine.

Na Peacaigh

29. Ná tabhair an saol mór abhaile leat,óir is líonmhar iad cleasa an duine ghlic.

30. Tá aigne an uaibhrigh mar an bpatraisc bhréige i gcliabh;agus tá sé ag faire na faille ort dála an spiaire.

31. Téann sé i luíochán agus déanann olc den mhaith;caithfidh sé asachán ar bhearta fiúntacha.

32. As sméaróid aonair, is iomaí spré a adhntar:agus bíonn an peacach i luíochán ag súil le fuil a dhoirteadh.

33. Seachain an coirpeach, mar tá an urchóid á beartú aige,le heagla go bhfágfadh sé aithis go brach ort.

34. Tabhair strainséar chun do thí, agus déanfaidh sé thú a shuaitheadh le tríoblóidí,agus a chur in earraid le do chlann.