1. Gaiscíoch i gcath ab ea Iósua mac Nún,agus ba é comharba Mhaois é i bhfáidheoireacht;rinneadh de, mar ba dhual dó óna ainm,slánaitheoir mór ar an bpobal tofale díoltas a imirt ar na naimhde a d'éirigh ina choinne,d'fhonn go gcuirfeadh sé Iosrael i seilbh a oidhreachta.
2. Nár ghlórmhar é ag ardú a lámh,agus ag síneadh a chlaímh in aghaidh na gcathracha!
3. Cé a sheas chomh daingean leis riamh roimhe sin?óir rinne sé cogaí an Tiarna a fhearadh.
4. Nár choimeád a lámh an ghrian ar gcúl?nach ndearnadh amhail dhá lá den aon lá amháin?
5. Ghlaoigh sé ar an té is Airde, an Tréan,agus na naimhde á thimpeallú ó gach taobh;d'fhreagair an Tiarna Mór é le clagarnach clocha.
6. D'fhear sé cogadh ar an gcine údagus ag Fána [Bhéit Horon] scrios sé an céile comhraic,i dtreo go mbeadh eolas ag na ciníocha ar a ghaisce,agus go mbeadh a fhios acu gur in aghaidh an Tiarna a bhí a gcogadh.
7. Óir leanadh sé an Tréan,agus le linn Mhaois thug sé seirbhís dhúthrachtach,eisean agus Cálaeb mac Iafuna;mar sheas siad an fód in aghaidh an chomhthionóil go léir,agus chosc siad an peaca ar an bpobal,agus chiúnaigh siad a monabhar coiriúil.
8. Caomhnaíodh an bheirt sin amháin,as sé chéad míle a bhí sa siúl,lena dtabhairt isteach ina n‑oidhreacht,i dtír ina bhfuil bainne agus mil ina slaoda.
9. Thug an Tiarna neart do Chálaeb,neart a mhair aige go dtí a sheanaois,i dtreo go ndeachaigh sé faoi na hardáin suasagus go bhfuair a chlann iad mar oidhreacht;
10. Le go bhfeicfeadh clann Iosrael uilegur maith é an Tiarna a leanúint.
11. Na breithiúna chomh maith, gach duine díobh, de réir a ghlaoch,nár thit a gcroí in íoladhradh,agus nár thug cúl riamh leis an Tiarna,go raibh beannachtaí ar a gcuimhne!
12. Go raibh bláth as a gcnámha in áit a lonnaithe,agus go raibh ainm na muintire a fuair onóirbeo arís ina gclann mhac.
13. Ba é Samuéil muirnín an Tiarna;ba fháidh leis an Tiarna é agus bhunaigh sé an ríocht,agus d'ungaigh sé rialtóirí ar a phobal.
14. Thug sé breith ar an gcomhthionól de réir dhlí an Tiarna,agus thug an Tiarna aire do Iacób.
15. Aithníodh ina fháidh é de bharr a dhílseachta,agus ba fhios gur físí iontaofa é ar a bhriathra.
16. Ghlaoigh sé ar an Tiarna, an té atá cumhachtach,nuair a bhrúigh a naimhde air ó gach taobh,agus d'ofráil sé uan diúil mar íobairt.
17. Bhúir an Tiarna ó na flaithis,agus thug a ghlór á chloisteáil ina thoirneach thréan.
18. Scrios sé ceannairí na Tuíre,agus rialtóirí uile na bhFilistíneach.
19. Roimh uair a shuaimhnis shíoraíthug [Samúéil] fianaise i láthair an Tiarna agus a ungthaigh:“Níor thóg mé maoin aon duine, fiú péire cuarán,”agus níor chúisigh aon duine é.
20. Fiú tar éis dó dul chun suain, thug sé fáistine arís,agus nocht don rí go raibh an bás chuige;d'ardaigh sé a ghlór ón talamh i dtairngreacht,le hurchóid an phobail a scuabadh chun siúil.