1. Tugann fear na trócaire a dhéanamh iasacht dá chomharsa,agus an té a thugann lámh chúnta dó, comhlíonann sé na haitheanta.
2. Tabhair iasacht do do chomharsa in am a ghátair,agus arís tabhair ar ais don chomharsa in am trátha.
3. Déan beart de réir do bhriathair agus ná loic air,agus ar gach ócáid gheobhaidh tú a mbeidh de dhíth ort.
4. Is dóigh lena lán gur fáltas í an iasacht,agus bíonn siad ag cur as dá lucht cúnta.
5. Déanfaidh duine lámh a phógadh nó go bhfaighidh sé an ailpagus beidh sé ag caint de ghlór íseal faoi mhaoin a chomharsan;ag am an aisíoctha, déanfaidh sé moill;íocfaidh sé le focail gan aird,agus déanfaidh gearán faoin am.
6. Má bhrúnn [an t‑iasachtóir] air, is ar éigean a gheobhaidh sé a leath ar ais,agus is geall le fáltas dar leis an méid sin.Ach mura ndéanann, fágfar in éagmais a choda é,agus beidh namhaid gnóthaithe aige in aisce;déanfaidh mo dhuine aisíoc leis le mallachtaí agus asacháin,agus in áit na hurraime, tabharfaidh sé masla dó.
7. De bharr a leithéid sin de choirpeacht, dhiúltaigh a lán iasacht a thabhairt;níl ann ach nach áil leo go meallfaí iad gan chúis.
8. Bí foighneach dá ainneoin sin le fear an ghátair,agus ná bíodh sé ag feitheamh le do dhéirc.
9. Tar i gcabhair ar an mbochtán ar son na haithne,agus ná scaoil uait folamh é agus é ar an ngannchúis.
10. Caith do chuid airgid ar do bhráthair nó ar do chara,agus ná lig do mheirg teacht air faoi chloch agus dul amú.
11. Cnuasaigh do stór de réir aitheanta an té is Airde,agus rachaidh sé chun sochair duit níos fearr ná ór.
12. Cuir déirc i dtaisce i do chiste,agus fuasclóidh sí thú as gach tubaiste.
13. Troidfidh sí in aghaidh do namhad,níos fearr ná sciath dhaingean nó sleá throm.
14. Rachaidh an fear maith i mbannaí ar a chomharsa;ach an té a chaill a náire, loicfidh sé air.
15. Ná déan dearmad de chumaoin d'urra,mar thug sé a anam ar do shon.
16. Is cuma leis an bpeacach faoi chonách a urra;agus an duine míbhuíoch, déanann sé dearmad den té a d'fhuascail é.
17. Is iomaí duine acmhainneach a scriosadh trí dhul i mbannaí;chroith sé iad mar a dhéanfadh tonn farraige.
18. Chuir sé fir chumasacha ar ionnarba,agus d'fhág ar fán iad i measc ciníocha coimhthíocha.
19. An peacach a thit faoi bhannaíagus a bhíonn sa tóir ar an mbreis, beidh sé i ngreim sa dlí.
20. Tar i gcabhair ar do chomharsa de réir do chumais,agus seachain agus ná tit!
21. Tús na beatha uisce, agus bia, agus éadachagus teach mar bhrat ar an náire.
22. Is fearr beatha an bhochtáin faoi dhíon a fhrathacha,ná sócamas bia i dteach duine eile.
23. Bí sásta leis an mbeagán nó leis an mórán,[agus ní bheidh masla le clos agat faoi do chuairt].
24. Is ainnis an saol é a bheith ó theach go teach,agus cibé áit ina mbuailfidh tú fút, ní bheidh focal asat.
25. Is deoraí thú agus [blaisfidh tú searbhas na haithise],agus seachas sin cloisfidh tú focail ghéara:
26. Tar anseo, a strainséir, agus cóirigh an bord,agus má tá aon ní i do láimh, tabhair dom le hithe é.”
27. “Fág an áit, a strainséir, ó dhuine measúil;tháinig mo dheartháir le fanacht faram agus tá gá leis an teach.”
28. Is deacair do dhuine goilliúnach éisteacht lena leithéid seo -doiceall faoi lóistín, agus aithis an iasachtóra.