Caibidlí

  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14
  15. 15
  16. 16
  17. 17
  18. 18
  19. 19
  20. 20
  21. 21
  22. 22
  23. 23
  24. 24
  25. 25
  26. 26
  27. 27
  28. 28
  29. 29
  30. 30
  31. 31
  32. 32
  33. 33
  34. 34
  35. 35
  36. 36
  37. 37
  38. 38
  39. 39
  40. 40
  41. 41
  42. 42
  43. 43
  44. 44
  45. 45
  46. 46
  47. 47
  48. 48
  49. 49
  50. 50
  51. 51

Sean-Tiomna

Tiomna Nua

Síorach 50 An Bíobla Naofa 1981 (ABN)

An tArd-Sagart

1. Ba é Simeon an t‑ardsagart, mac Óinias,[ceannasaí a bhráithre, agus bród a mhuintire;]dheisigh sé an Teampall lena linnagus dhaingnigh sé an sanctóir.

2. Leag sé an bonn faoi na ballaí arda dúbailte,agus an balla taca le clos an Teampaill.

3. Lena linn tochladh sistéal d'uisce,taiscumar a raibh a thimpeall mór mar an fharraige.

4. Le hintinn a mhuintir a fhuascailt ó dhíothú,dhaingnigh sé an chathair le léigear a sheasamh.

5. Nár thaibhseach a bhíodh sé agus an pobal ina thimpeall,agus é ag teacht amach ó shanctóir an bhrait.

6. Mar réalta na maidine i measc na scamall,mar an ghealach agus an ré lán;

7. Mar an ghrian ag taitneamh ar Theampall an té is Airde,mar an bogha síne ag glioscarnach i néalta glóire.

8. Mar rósanna i laethanta na gcéadtorthaí,mar lilí le hais thobar uisce,mar phéac glas na Liobáine in aimsir bhrothaill;

9. Mar thine agus túis sa túisteán,mar áras d'ór ceardfaoi ornáid de chlocha lómhara de gach sórt;

10. Mar chrann ológ ag sceitheadh a thoraidh,mar chufróg ag éirí chun na néalta.

11. Nuair a chuireadh sé air féin a éide ghlóireagus a ghléasadh sé é féin le barr maise,agus a ghabhadh suas ar an altóir bheannaithe,agus a líonadh sé cúirt an tsanctóra lena ghlóir,

12. Agus a gheibheadh sé na míreanna ó lámha na sagart,agus é ina sheasamh ag teallach na haltóra,agus coróin dá bhráithre ina thimpeall,ba gheall é le céadar óg sa Liobáin,agus iad ina thimpeall mar a bheadh stocanna pailme.

13. Nuair a sheasadh clann uile Árón ina nglóiragus ofrálacha an Tiarna ina lámha,os comhair chomhthionól Iosrael go léir,

14. Agus eisean ag cur críoch leis an tseirbhís ag na haltóirí,agus ag cóiriú na híobartha don Té is Airde, an tUilechumhachtach,

15. Agus ag síneadh a láimhe chun an chupa,agus ag doirteadh ofrála de shú na fíniúna,á doirteadh ag bonna na haltóra,mar íobairt chumhra don Té is Airde, do Rí na nUile.

16. Ansin dhéanadh clann Árón liú,agus shéididís na trumpaí de mhiotal líofa;dhéanaidís tormán tréanmar chuimhniú i láthair an té is Airde.

17. Ansin thiteadh an pobal go léir gan mhoill,ar a mbéal is ar a bhfiacla ar an talamhag adhradh a dTiarna,an tUilechumhachtach, Dia Ró-Ard.

18. Mholadh na cantairí é in ard a gcinn,agus ba bhinn é claisceadal a nguthanna,

19. Bhíodh an pobal ag guí chun an Tiarna Ró-Aird,agus iad ag impí i láthair an Trócairigh,nó go mbíodh an clabhsúr ar sheirbhís an Tiarna,agus an liotúirge thart acu.

20. Ansin thagadh sé anuas agus d'ardaíodh a lámhaos cionn comhthionól uile chlann Iosrael,le beannacht an Tiarna a ghuí orthu óna bheola,agus mórtas a dhéanamh as a ainm.

21. Shléachtadh an pobal arís,leis an mbeannacht a ghlacadh ón Te is Airde.

Dúnadh agus Guí

22. Beannaigí Dia na nUile anois,an té a dhéanann éachtaí i ngach treo,agus a mhórann ár ré ón mbroinn,agus a phléann linn de réir a thrócaire.

23. Go dtuga sé dúinn lúcháir chroí,agus síocháin lenár linnin Iosrael mar a bhí anallód.

24. Go gcuire sé an trócaire inár n‑iontaoibh,agus go bhfuasclaí sé sinn lenár linn.

25. Tá fuath i mo chroí do dhá náisiún,agus ní náisiún an tríú ceann ar aon chor:

26. Áitritheoirí [Shliabh Shaeír] agus na Filistínigh,agus an mhuintir bhaoth atá ag cur fúthu i Seicim.

27. Scríobh mé teagasc ar an eagna agus ar an eolas sa leabhar seo,mise, Íosa mac Shíorach, mac Eileázár ó Iarúsailéim,a dhoirt an eagna go flaithiúil óna chroí.

28. Is beannaithe an té a bhíonn gafa leis na nithe seo,agus a éiríonn eagnaí trína mhachnamh orthu.

29. Má chleachtann sé iad, beidh sé láidir a dhóthain d'aon ghnó,mar gurb é solas an Tiarna a chosán.