1. Ansin tháinig an fáidh Éilias ar nos tine,agus a bhriathar ag bladhmadh amach mar lóchrann.
2. Thug seisean gorta orthuagus le teann díograise laghdaigh sé a líon.
3. Le briathar an Tiarna dhún sé suas na spéartha,agus tharraing sé tine anuas orthu faoi thrí chomh maith.
4. Nach glórmhar a bhí tú, a Éilias, de bharr na nithe iontacha a rinne tú!an bhfuil ábhar maíte ag aon duine eile mar atá agatsa?
5. Thóg tú duine ó mhairbhagus ó Sheól le briathar an Té is Airde.
6. Rinne tú léirscrios ar rítheagus díothú ar fhir cháiliúla ina leaba tinnis.
7. Chuala tú milleán á chur ort ar Shíonái,agus daorbhreith díoltais á thabhairt ar Horaeb.
8. Rinne tú ríthe a ungadh le díoltas a imirt,agus fáithe le bheith ina gcomharbaí ort.
9. Tógadh suas ar neamh thú le tine ghuairneáin,i gcarbad a bhí á tharraingt ag capaill tintrí.
10. Ainmníodh thú sna bagarthaí brátha le teachtchun fearg an Tiarna a mhaolú roimh an rabharta,chun croíthe na n‑aithreacha a iompú i leith a gclainne,agus chun treibheanna Iacóib a athbhunú.
11. Is méanar dóibh siúd a fheicfidh thú,agus iad siúd a chuaigh chun suain sa ghrá,óir mairfimidne beo chomh maith.
12. Folaíodh Éilias i ngaoth ghuairneáin,ach líonadh Eilíseá lena spiorad;i gcaitheamh a shaoil níor fhéad aon rialtóir é a shuaitheadh;ná níor éirígh le haon duine é a chur faoi smacht.
13. Ní raibh aon obair róthrom dó,agus fiú nuair a bhí sé marbh rinne a chorp tairngreacht.
14. Nuair a bhí sé beo, rinne sé éachtaí,agus b'iontach freisin na nithe a rinne sé tar éis a bháis.
15. Dá ainneoin sin ní dhearna an pobal aithríná níor éiríodar as a bpeacaí,nó gur sciobadh ina gcimí óna dtír iad,agus gur scaipeadh iad ar fud an domhain;
16. Níor fágadh ach beagán den phobal,ach rialtóir acu de theaghlach Dháiví;rinne cuid acu an rud a thaitin [le Dia],ach rinne cuid eile coir ar choir.
17. Dhaingnigh Hiziciá a chathair,agus thug uisce isteach ina lár,rinne sé tollán tríd an gcarraig le hiarann,agus thóg umair don uisce.
18. Rinne Sanaichéiríb ionradh lena linn,agus sheol isteach an príomhchornaire [agus d'imigh leis];d'ardaigh sé a lámh in aghaidh Shíón,agus mhaígh go hard le teann díomais.
19. Ansin tháinig crith croí agus lámh orthu,agus bhí pianta orthu mar a bheadh ar mhná i mbreith clainne.
20. Ach ghlaoigh siad ar Thiarna na trócaire,agus leath siad a lámha ina threo;thug an Neach Naofa aird orthu gan mhoill ó neamh;agus d'fhuascail sé iad trí láimh Íseáia.
21. D'ionsaigh [án Tiarna] longfort na nAsaíreach,agus scrios a aingeal iad.
22. Óir rinne Hiziciá mar ba ghean leis an Tiarna,agus lean sé go dlúth ar bhealaí Dháiví, a athair,na bealaí a d'ordaigh Íseáia fáidhduine éachtach a bhí iontaofa ina fháistine.
23. Lena linn chuaigh an ghrian ar gcúlagus chuir sé fad le saol an rí.
24. Chonaic sé na críocha déanacha le cumhacht an spioraid,agus thug sé sólás do lucht caointe Shíón.
25. Nocht sé a raibh le teacht go bruinne an bhrátha,agus a raibh i bhfolach sular tháinig siad chun críche.