1. Vir die musiekleier: ’n gedig van Dawid, met instrumentale musiek. 2 Geseënd is hy wat vir die armes sorg; יהוה sal hom bevry in die dag van moeilikheid.
2. יהוה sal hom bewaar en hom aan die lewe hou en Hy sal hom seën op die aarde. Hy sal hom nie oorgee in die hand van sy vyande nie.
3. יהוה sal hom versterk op sy siekbed; hy sal heeltemal herstel van sy siekte.
4. Ek het gesê: “יהוה, gee my onverdiende guns en genees my, want ek het teen U gesondig.”
5. My vyande praat boos teen my: “Wanneer sal hy sterf en sy naam vergaan?”
6. Wanneer hulle kom om my te sien, dan praat hulle valshede en hulle verstand, wil en emosie beplan wetsoortredings; hulle gaan uit in die straat en skinder van my.
7. Almal wat my haat fluister saam oor my; hulle beplan boosheid teen my.
8. Hulle dink onregverdige beskuldigings teen my uit en sê: “Noudat hy siek in sy bed lê, sal hy nie weer opstaan nie.”Yog 13:18
9. Selfs die man wat my besoek, in wie ek vertrou het, wat my brood eet, het sy hakskeen teen my opgelig,
10. maar U, o יהוה, gee my onverdiende guns en genees my sodat ek hulle mag terugbetaal!
11. Hieraan weet ek dat U tevrede is met my: dat my vyande nie oor my juig nie.
12. U hou my in my integriteit omhoog en sit my in U Teenwoordigheid vir ewig.Luk 1:68
13. Geseënd is יהוה, die God van Yisra’el, vanaf ewigheid tot in ewigheid! Dit is ’n ewige waarheid.Yo’el 1:20