1. Vir die musiekleier: ’n gedig met instrumentale musiek; ’n lied. Roep uit tot eer van God, alle lande!
2. Sing en maak musiek tot eer van Sy Naam (Karakter en Outoriteit), lofprys die lof en eer van Sy Majesteit!
3. Sê vir God: “Hoe wonderlik is U werke!” Deur die grootheid van U krag sal U vyande hulle aan U onderwerp.
4. Die hele aarde sal neerval voor U en sing en musiek maak tot U eer; hulle sal U Naam (Karakter en Outoriteit) vir ewig hoog oplig.
5. Hulle sal sê: “Kom en sien die dade van God,” want Sy wonderwerke is groot teenoor die seuns van die mens.
6. Hy het die see verander in droë land; hulle het te voet deur die rivier gegaan. Daar het ons ons verheug in Hom.
7. Hy heers vir ewig deur Sy krag; Sy oë sien die nasies raak. Laat die rebelses hulleself nie oplig nie.
8. Kniel voor God en seën Hom julle volke en laat die stem van Sy lofprysing gehoor word;
9. Hy wat ons in die lewe hou en nie toelaat dat ons voete wankel nie,
10. want U het ons getoets, o God, U het ons gesuiwer soos ’n mens silwer suiwer.
11. U het ons in die net ingebring, ’n las op ons heupe gelê.
12. U het ons slawe gemaak, ons het deur vuur en deur water gegaan, maar eindelik het U ons uitgelei na ’n bevredigende plek.
13. Ek sal in U huis ingaan met brandoffers; ek sal my geloftes teenoor U nakom,
14. wat my lippe geuiter het en my mond gepraat het toe ek in die moeilikheid was.
15. Vetgemaakte brandoffers sal ek vir U bring saam met die reukoffer van ramme; ek sal beeste en bokke offer.
16. Kom, luister en hoor, al julle diensknegte van God en ek sal verklaar wat Hy vir my lewe gedoen het.
17. Ek het na Hom uitgeroep met my mond en Hy het my geantwoord; ek het Hom geloof met my tong.
18. As U boosheid in my verstand, wil en emosie sien, o יהוה, moet my nie red nie,
19. maar waarlik het God my gehoor; Hy het aandag gegee aan die stem van my gebed.
20. Geseënd is God wat my gebed nie verwerp het of Sy onverdiende guns van my af weggedraai het nie.