1. Van Dawid. Beoordeel my regverdig, o יהוה, want ek het in my integriteit geleef en ek het op יהוה vertrou; daarom sal ek nie huiwer nie.
2. Toets my, יהוה en beproef my, deursoek my motiewe en my verstand, wil en emosie,
3. want u liefdevolle omgee is voor my oë en ek het in U waarheid geloop.
4. Ek sit nie by mense wat mislei nie en assosieer nie met mense wat voorgee nie.
5. Ek haat die vergadering van wetsoortreders en sit nie by die kwaaddoeners nie.
6. Ek was my hande in onskuld en het rondom U altaar geloop, o יהוה,
7. sodat ek die Stem van U lof kan hoor en vertel van al U wonderwerkende dade.
8. יהוה, ek het die gebruike van U huis lief en die plek waar U lof, eer en aanbidding bly.
9. Vernietig my nie saam met die sondaars en my lewe saam met die manne van bloedvergieting,
10. in wie se hande bose planne is en wie se regterhand vol is van omkopery, nie,
11. maar ék sal loop in my integriteit; koop my vry en gee vir my onverdiende guns.
12. My voete staan op gelyke grond; in die vergadering sal ek kniel en יהוה seën.Heb 13:6