1. Yehova, Thixo ongumsindisi wam,Mhlenikweni ndikhalayo ebusuku phambi kwakho,
2. Mawuze phambi kwakho umthandazo wam;Thoba indlebe yakho ekuhlahlambeni kwam.
3. Ngokuba umphefumlo wam uhluthi zizinto ezimbi,Ubomi bam bufike kwelabafileyo.
4. Ndibalelwe kwabahla baye emhadini,Ndisuke ndanjengomfo ongenamandla.
5. Ndingumkhululwa phakathi kwabafileyo,Njengababuleweyo, belele engcwabeni,Ongasabakhumbuliyo;Bona banqunyulweyo esandleni sakho.
6. Ùndibeké emhadini ongaphantsi,Ezindaweni ezimnyama, ezinzulwini.
7. Ubushushu bakho bundishicilele,Ùndithobele onke amaza akho alwayo. (Phakamisani.)
8. Ùbashenxisele kude kum abo ndazana nabo,Ùndenzé isikizi kubo;Ndìvalelwe, andinakuphuma.
9. Iliso lam liyaphela yingcinezelo.Ndidanduluka kuwe, Yehova, yonke imini,Ndizolulela kuwe izandla zam.
10. Ùya kuyenzela abafileyo na imisebenzi ebalulekileyo?Kuya kuvuka abangasekhoyo, kusini na, babulele kuwe? (Phakamisani.)
11. Ibaliswa engcwabeni na inceba yakho?Enzonzobileni na, ukunyanisa kwakho?
12. Yàziswa emnyameni na imisebenzi yakho ebalulekileyo? Bàziswa ezweni lokulibala na ubulungisa bakho?
13. Ke mna, Yehova, ndizibika kuwe,Kwakusasa umthandazo wam wókuhlangabeza.
14. Ùwuhlambelani na, Yehova, umphefumlo wam?Ùbusitheliselani na ubuso bakho kum?
15. Ndilusizana, ndiyinto efayo kwasebuncinaneni bam,Ndithwele izothuso zakho, lindikhohlile.
16. Kugqithé phezu kwam ukuvutha kwakho,Izidandathekiso zakho zindibhangisile;
17. Zindijikelezile njengamanzi imini yonke,Zindizungulezile kwaphela.
18. Ùmsusile kum ondithandayo nonguwethu;Abo ndazana nabo babubumnyama.