1. Ndiya kubulela kuYehova ngentliziyo yam yonke;Ndiya kuyibalisa yonke imisebenzi yakho ebalulekileyo.
2. Ndiya kuvuya ndidlamke ngawe;Ndiya kulibethela uhadi igama lakho,Wena usenyangweni.
3. Ekubuyeni kweentshaba zam umva,Ziyawa, zibhubhe ebusweni bakho.
4. Ngokuba ùlifezile ityala lam nebango lam;Ùhleli etroneni ungumgwebi olilungisa.
5. Ùzikhalimele iintlanga, wabatshabalalisa abangendawo;Igama lazo ùlicimile ngonaphakade kanaphakade.
6. Iintshaba zona zigqibele, yangamanxuwa kwaphela;Imizi ùyinyothule,Yadaka inkumbulo yayo yona.
7. Ke yena uYehova uhleli ngonaphakade,Uyizinzisele ugwebo itrone yakhe.
8. Úya kugweba yena kwelimiweyo ngobulungisa,Agwebe phakathi kwezizwe ngokuthe tye.
9. UYehova makabe yingxonde kotyunyuziweyo,Ingxonde ngamaxesha engxingongo;
10. Bakholòse ngawe abalaziyo igama lakho;Ngokuba akubashiyanga abakuquqelayo wena, Yehova.
11. Vumani ngendumiso kuYehova ohlala eZiyon;Xelani ezizweni izenzo zakhe ezincamisileyo;
12. Ukuba umphindezeli wamagazi ubakhumbule,Akakulibalanga ukukhala kwabalulamileyo.
13. Ndíbabale, Yehova;Zíbone iintsizi zam ezikhoyo ngabandithiyayo,Mphakamisi wam emasangweni okufa;
14. Ukuze ndibalise yonke indumiso yakho,Emasangweni entombi uZiyon,Ndigcobe ngosindiso lwakho.
15. Iintlanga zitshoné esihogweni ezasenzayo,Emnatheni ezawugqumelayo kubanjiswe kwaolwazo unyawo.
16. Úzazisile uYehova; wenza umgwebo,Emthiyela ngomsebenzi wezandla zakhe ongendawo. (Bethani uhadi ngofefe. Phakamisani.)
17. Baya kubuyela kwelabafileyo abangendawo,Kwaiintlanga zonke ezimlibalayo uThixo;
18. Ngokuba aliyi kuhlala lilityalwa ihlwempu,Ithemba leentsizana aliyi kudaka ngonaphakade.
19. Khawusuk' ume, Yehova; malungàngcwangushi uluntu,Mazigwetywe iintlanga phambi kwakho,
20. Zimisele ukoyika, Yehova,Zazi iintlanga ukuba ziluluntu kuphela. (Phakamisani.)