1. Vir die leier van die koor: ’n Lied, ’n psalm.Al die mense op die aarde,julle moet skree en God prys.
2. Julle moet sing oor die Naam van die Koning,julle moet die Koning prys.
3. Julle moet vir God sê:Die dinge wat U doen, laat ons bang word.U is baie sterk, u vyande gaan lê voor U.
4. Al die mense op die aarde buig en sing vir U,hulle sing oor u Naam. Sela
5. Julle moet kom kykwatter wonderwerke God gedoen het.Die dinge wat Hy vir mense gedoen het,laat ’n mens bang word.
6. Hy het die see verander,en dit het droë grond geword,sy volk het deur die see geloop.Hulle was daar baie bly oor wat Hy gedoen het.
7. God is sterk, Hy regeer altyd,Hy kyk wat die volke doen.Die mense wat opstandig is,moenie dink hulle is sterker as God nie. Sela
8. Volke, julle moet ons God prys,almal moet hoor hoe julle Hom prys.
9. Hy het ons laat aanhou lewe,Hy het ons voete nie laat gly nie.
10. Ja, o God, U het ons getoetssoos ’n mens silwer in ’n vuur smeltom dit te toets.
11. U het ons in ’n vangnet laat val,U het ons swaar goed laat dra,
12. U het mense op ons laat trap,ons het deur vuur en deur water gegaan.Maar U het dit weer goed laat gaan met ons.
13. Ek sal na u tempel kom en brand-offers bring,ek sal die dinge doen wat ek belowe het,
14. die dinge wat ek gesê het,die dinge wat ek belowe hettoe dit sleg gegaan het met my.
15. Ek sal vir U brand-offers bring, vet diere,saam met skaap-ramme wat op die altaar brand.Ek sal bulle offer saam met bok-ramme. Sela
16. Julle wat vir God dien, julle moet kom luister.Ek wil vertel wat Hy vir my gedoen het.
17. Ek het geroep en gevra dat Hy my moet help.Ek het Hom geprys.
18. As ek my sonde weggesteek het,dan sou die Here nie gedoen hetwat ek gevra het nie.
19. Maar God hét geluister,Hy het gedoen wat ek gevra het.
20. Nou prys ek vir God.Hy het geluister na my gebed,Hy het gedoen wat Hy belowe het.