1. Vir die leier van die koor: Van Dawid, die dienaar van die Here. Hy het hierdie lied vir die Here gesing op die dag toe die Here hom gered het van sy vyande en van Saul.
2. Dawid het gesing:Here, ek is baie lief vir U, U maak my sterk.
3. Here, U is my Rots, my veilige plek in die berge,U maak my vry.My God, U is my rots, ek voel veilig by U,U is vir my soos ’n skild,U is sterk en U red my, U is vir my ’n veilige plek.
4. Here, ek wil U prys,want U het my gered van my vyande.
5. Die dood wou my vasbind met toue,waterstrome het oor my gespoelen wou my doodmaak.
6. Toue van die doderyk het my vasgebind, vangstrikke van die dood het my vasgevang.
7. Wanneer dit sleg gaan, dan skree ek: Here!Ek roep na my God, ek vra dat Hy my moet help.Hy hoor my stem in sy paleis,Hy hoor wanneer ek na Hom roepen vra Hy moet my help.
8. Die aarde het geskud en gebewe,die fondamente van die bergehet gebewe en geskud,want die Here was kwaad.
9. Rook het uit sy neus gekom,vuur het uit sy mond gebrand,kole vuur het uit Hom gekom.
10. Hy het die hemel oopgeskuif en Hy het afgekom,daar was donker wolke onder sy voete.
11. Hy het op ’n gerub geklim en Hy het gevlieg,Hy het verskyn op die vlerke van die wind.
12. Dit was donker rondom Hom,donker water en dik wolke het Hom toegemaak.
13. Dit het geblink voor Hom, wolke het verbygegaan,en daar was hael en kole vuur.
14. Die Here het die donderweer laat raas in die lug,die Hoogste God het hard gepraat,en daar was hael en kole vuur.
15. Die baie weerligstrale was sy pyle,Hy het sy vyande na al die kante toe gejaagen Hy het hulle laat vlug.
16. Wanneer die Here met sy vyande raas,wanneer die asem uit sy neus ’n stormwind word,dan word die see leeg,en die fondamente van die wêreld lê oop.
17. Die Here steek sy hand uit die hemelen Hy gryp my,Hy tel my op uit die baie water.
18. Hy red my van my sterk vyande,van die mense wat my haat,want hulle is te sterk vir my.
19. Hulle val my aan wanneer ek swaarkry,maar die Here hou my regop.
20. Hy bring my na ’n plek waar ek vry is,Hy red my, want Hy is lief vir my.
21. Ek is onskuldig,en die Here gee vir my wat ek moet kry,ek het niks verkeerd gedoen nie,en die Here beloon my.
22. Ja, ek het gedoen wat die Here wil hê.Wanneer my God my oordeel,dan is ek nie skuldig nie.
23. Ek het onthou wat Hy gesê het ek moet doenen ek het gedoen wat Hy beveel het.
24. Ek het alles gedoen wat Hy gesê het,ek het aangehou om reg te doen.
25. Ek is onskuldig,my God het gesien ek doen niks verkeerd nie,en Hy het my beloon.
26. U doen wat U belowe hetvir die mense wat doen wat húlle belowe,U is altyd goed vir die mense wat net goed doen.
27. Wanneer mense rein is en by U mag wees,dan is U by hulle.Wanneer mense vals is,dan is U te slim vir hulle.
28. Ja, dit is U wat mense redwat hulleself nie kan beskerm nie,dit is U wat mense vernederwat dink hulle is belangrik.
29. Ja, Here, dit is U wat vir my lig gee,dit is U, my God, wat lig maakwanneer dit donker is om my.
30. Ja, wanneer U by my is,dan kan ek ’n klomp mense aanval,wanneer my God by my is,dan kan ek oor ’n hoë muur spring.
31. Wat God doen, is alles reg,wat die Here sê, is altyd waar.Hy is soos ’n skild vir almal wat na Hom toe vlug.
32. Die Here is die enigste God,net ons God is ’n rots.
33. Hy is die God wat my sterk maak vir die oorlog,Hy laat my veilig lewe.
34. Hy laat my so vas staan soos ’n ribbok,Hy laat my veilig staan op hoë plekke.
35. Hy leer vir my om oorlog te maak,Hy maak my arms sterksodat ek die snaar van ’n brons-boog styf kan trek.
36. Die skild wat U vir my gee, red my lewe,U help my om regop te bly staan,U help my, en dit gaan goed met my.
37. U laat my vinnig hardloop, my voete gly nie.
38. Ek volg en jaag my vyande,ek kom tot by hulle, ek draai nie omvoordat hulle almal dood is nie.
39. Ek slaan hulle, en hulle val,hulle kan nie weer opstaan nie,hulle lê voor my voete.
40. U maak my sterk om oorlog te maak,U laat my vyande op hulle knieë staan voor my.
41. U laat hulle vlug, weg van my,en ek kan die mense wat my haat, vir altyd stilmaak.
42. Hulle skree en vra dat iemand hulle moet help,maar niemand red hulle nie,hulle roep na die Here, maar Hy antwoord hulle nie.
43. Ek slaan hulle fyn soos stofwat wegwaai in die wind,ek trap op hulle soos ek trap op die modder in die paaie.
44. U red my van my eie mensewat opstandig is teen my,U maak my die hoof van volke en U beskerm my.Mense wat ek nie geken het nie,doen nou wat ek sê.
45. Wanneer hulle hoor van my,dan luister hulle dadelik.Mense uit ander lande kom kruip voor my.
46. Hulle skrik en hulle kom uit hulle stede,die stede wat sterk mure het.
47. Die Here lewe!Ek wil my Rots prys.Ek sê die God wat my red,is belangriker as alles.
48. Hy is die God wat my help om mense te strafoor die dinge wat hulle aan my gedoen het.Hy laat volke voor my buig,
49. Hy red my van my vyande,Hy laat my staan hoog bo die mense wat teen my is,Hy red my wanneer wrede mense my wil seermaak.
50. Daarom, Here, ek sal U prys sodat die volke dit kan hoor,ek sal sing oor u Naam.
51. Die Here laat die koning wat aan Hom behoort,altyd wen teen sy vyande,Hy doen wat Hy vir sy gesalfde belowe het,vir Dawid en sy nageslag, vir altyd.