1. ‘Ua fa‘apea ‘ona fetalai mai o le ALI‘I ‘iā te a‘u, “Alu ia, ‘ia e fai mo oe le fusi lino ma fusi a‘i lou sulugātiti, ‘aua fo‘i ‘e te tu‘u i le vai.”
2. ‘Ona ‘ou maua lea o le fusi e tusa ma le afioga a le ALI‘I ma ‘ou fusi a‘i lo‘u sulugātiti.
3. ‘Ona fo‘i fa‘alua mai ai lea o le afioga a le ALI‘I ‘iā te a‘u, ‘ua fa‘apea mai,
4. “‘Ia e ‘ave le fusi ‘ua e maua o i ai i lou sulugātiti ma e tula‘i ma alu i Eufirate ma nanā ai i lea mea i se mea māvae o le papa.”
5. ‘Ona ‘ou alu ai lea ma nanā ai i Eufirate, e pei ‘ona fetalai mai ai o le ALI‘I ‘iā te a‘u.
6. ‘Ua mavae aso e tele, ‘ona fa‘apea mai ai lea o le ALI‘I ‘iā te a‘u, “‘Inā tula‘i ia, alu i Eufirate ma ‘aumai ai le fusi na ‘ou fai atu ai ‘iā te oe e nanā i lea mea.”
7. ‘Ona a‘u alu ai lea i Eufirate ma a‘u ‘eli ma ‘ava‘e nai lea mea le fusi na ‘ou nanā ai; fa‘auta fo‘i, ‘ua leaga le fusi, ‘ua lē aogā i se mea e tasi.
8. ‘Ona tulei mai lea o le afioga a le ALI‘I ‘iā te a‘u, ‘ua fa‘apea mai:
9. ‘Ua fa‘apea ‘ona fetalai mai o le ALI‘I, E fa‘apenā ‘ona ‘ou fa‘aleagaina le fa‘amaualuga o Iuta ma le fa‘amaualuga tele o Ierusalema.
10. O lenei nu‘u amio leaga, ‘ua lē mafafai i latou ‘ona fa‘alogo mai i a‘u ‘upu, ‘ua sāvavali ma le loto finau vale ma mulimuli atu i atua ‘ese, e ‘au‘auna ma ifo ‘iā te i latou, e ‘avea lava i latou e pei o lenei fusi, e lē aogā i se mea e tasi.
11. Auā e pei ‘ona pipi‘i le fusi i le sulugātiti o le tagata, sa fa‘apea ‘ona a‘u fa‘apipi‘i ‘iā te a‘u o le ‘āiga uma o Isaraelu ma le ‘āiga uma o Iuta, o lo‘o fetalai mai ai le ALI‘I; ‘ina ‘ia fai i latou mo‘u nu‘u, ‘ia fai fo‘i ma igoa ma vi‘iga ma matagofie; a ‘ua latou lē fa‘alogo mai.
12. O le ‘upu fo‘i lenei ‘e te fai atu ai ‘iā te i latou, O lo‘o fa‘apea ‘ona fetalai mai o le ALI‘I le Atua o Isaraelu: E fa‘atūtūmuina fagu uma i le uaina; latou te fai mai fo‘i ‘iā te oe, “E lē ‘ua matou matuā iloa ‘ea e fa‘atūtūmuina fagu uma i le uaina?”
13. ‘Ona e fai atu lea ‘iā te i latou, o lo‘o fa‘apea ‘ona fetalai mai o le ALI‘I: Fa‘auta, ‘ou te fa‘atūtūmuina i le ‘onā o i latou uma o ē nonofo i lenei nu‘u, o tupu o ē nonofo i le nofoāli‘i o Tavita, ‘atoa ma ositaulaga ma perofeta ma i latou uma o ē nonofo i Ierusalema.
14. ‘Ou te fa‘afeto‘ai i latou, o le tasi i le tasi, o tamā, fo‘i ‘atoa ma fānau, o lo‘o fetalai mai ai le ALI‘I. ‘Ou te lē fa‘apelepele ‘iā te i latou, pe fa‘asaoina, pe alofa atu, ‘ae fa‘aumatia i latou.
15. ‘Ia ‘outou fa‘alogologo mai ma ua‘i mai o ‘outou taliga;‘aua tou te fa‘amaualuga,auā ‘ua fetalai mai le ALI‘I.
16. ‘Ia avatu le vi‘iga i le ALI‘I lo ‘outou Atua,manū e le‘i fa‘apouliuligia e ia,manū e le‘i tausuai o ‘outou vae i luga o mauga pouliulima ‘outou fa‘atalitali i le malamalama.A ‘ua liua lea e ia ma ata o le oti,‘ua fai ma pogisā tele.
17. ‘Ae ‘āfai tou te lē fa‘alogo mai,‘ona tagi ai lea o lo‘u loto i mea lilo ‘ona o lo ‘outou fa‘amaualuga,ma ‘ou matuā tagi lava, e tafe ifo loimata i o‘u mata,auā ‘ua tāfea le lafu mamoe a le ALI‘I.
18. ‘Ia fai atu i le tupu ma le sa‘o tama‘ita‘i,“‘Ia ‘oulua fa‘amaulalo, ‘ia nofo i lalo;auā e pa‘u‘ū ifo o ‘oulua paleali‘i matagofie i o ‘oulua ao.”
19. ‘Ua punitia ‘a‘ai o i le itū i saute,e le tatalaina e se tasi;‘ua tāfea Iuta uma, ‘ua tāfea ‘atoa uma lava.
20. ‘Ia e tepa a‘e ma va‘ava‘ai atu i ē ‘ua ō mai mai le itū i matū,Po o ifea le lafu mamoe na avatu ‘iā te oe,o a‘u mamoe matagofie?
21. Pe se a ‘ea lau na ‘e te fai atu ai pe a tauia oe e ia?Auā na e a‘oa‘o atu ‘iā te i latou e fai ma ali‘i sili e pule ‘iā te oe.E lē maua ‘ea oe e le tigā e pei o le fafine a fānau?
22. ‘Āfai fo‘i ‘e te fai ifo i lou loto,“Pe se a le mea ‘ua o‘o mai ai ‘iā te a‘u ia mea?”O le tele o lau agasala ‘ua susu‘eina a‘e aiou pito ‘ofu ma fa‘asaunoa ai i ou mulivae.
23. E mafai ‘ea ‘ona liua e le Aitiope o lona pa‘u,pe liua e le nameri ona ila?A mafai lea, ‘ona mafai fo‘i lea ona amio leleio ‘outou ‘ua masani i amio leaga.
24. ‘Ou te fa‘ata‘ape‘ape ‘iā te i latoue pei o aputi o saito ‘ua lelea i le matagi mai le vao.
25. O lo‘u tofi lenei,o le tofi mai ‘iā te a‘u ‘ua fuatia mo oe,o lo‘o fetalai mai ai le ALI‘I;auā ‘ua e fa‘agalogalo ‘iā te a‘u,a ‘ua e fa‘atuatua i le mea pepelo.
26. O a‘u lava, ‘ou te susu‘eina a‘e ou pito ‘ofu i luga i ou mata,‘ina ‘ia iloa ai lou mā.
27. ‘Ua ‘ou iloa au muliluagama au tagi fa‘asolofanua ma le leaga o lou talitanema au mea fa‘asoesā i luga o mauga i le vao.Ierusalema e, talofa ‘iā te oe;e le fa‘amamāina ‘ea oe se‘ia afea?#