Le mataupu

  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14
  15. 15
  16. 16
  17. 17
  18. 18
  19. 19
  20. 20
  21. 21
  22. 22
  23. 23
  24. 24
  25. 25
  26. 26
  27. 27
  28. 28
  29. 29
  30. 30
  31. 31
  32. 32
  33. 33
  34. 34
  35. 35
  36. 36
  37. 37
  38. 38
  39. 39
  40. 40
  41. 41
  42. 42
  43. 43
  44. 44
  45. 45
  46. 46
  47. 47
  48. 48
  49. 49
  50. 50
  51. 51
  52. 52

Feagaiga Tuai

Feagaiga Fou

Ieremia 16 O LE TUSI PA'IA - Ekalesia Katoliko Roma (RSCB)

O le Malaia tele o Iuta ‘ona o a Latou Agasala

1. Na o‘o mai le afioga a le ALI‘I ‘iā te a‘u, ‘ua fa‘apea mai:

2. ‘Aua ‘e te fai avā, ‘aua ne‘i i ai fo‘i ‘iā te oe o atali‘i po o afafine i lenei mea.

3. Auā ‘ua fa‘apea ‘ona fetalai mai o le ALI‘I i atali‘i ma afafine ‘ua fānanau i lenei mea ma o latou tinā o ē ‘ua fānanau mai ai i latou ma o latou tamā ‘ua fānaua i latou i lenei nu‘u

4. e oti i latou i ma‘i e oti ai; e leai ni e taufaitagitu‘i ‘iā te i latou; e le tanumia fo‘i i latou; e ‘avea i latou ma otaota i luga o le lau‘ele‘ele; e fa‘aumatia i latou i le pelu ma le oge, e fai fo‘i o latou tino ‘ua oti ma mea e ‘ai mā manu felelei ma manu e tata‘a.

5. Auā ‘ua fa‘apea ‘ona fetalai mai o le ALI‘I: ‘Aua ‘e te ulufale i le fale o i ai le auega, ‘aua fo‘i ‘e te alu e tagitu‘i ai, ‘aua fo‘i ‘e te fa‘anoanoa ‘iā te i latou; auā ‘ua ‘ou ‘ave‘eseina lo‘u manuia i lenei nu‘u, o le alofa lava, ma le alofa mutimutivale, o lo‘o fetalai mai ai le ALI‘I.

6. E oti ali‘i ‘atoa ma tagata nu‘u i lenei nu‘u; e le tanumia i latou, e le taufaitagitu‘i nisi ‘ona o i latou, e le selei fo‘i o latou tino, e le sele mamā fo‘i o latou ulu ‘ona o i latou.

7. E le tofitofia mea e ‘ai o le fa‘anoanoa ‘ona o i latou e fai ma fa‘amafanafana ‘iā te i latou ‘ona o lē ‘ua oti; latou te lē avatu ‘iā te i latou le ipu o le fa‘amafanafanaga latou te inu ai ‘ona o latou tamā, po o latou tinā.

8. ‘E te lē ulufale fo‘i i le fale e fai ai le tausamiga, e lē nonofo ma i latou e ‘ai ai ma inu ai.

9. Auā ‘ua fa‘apea ‘ona fetalai mai o le ALI‘I o ‘au, le Atua o Isaraelu, Fa‘auta, ‘ou te fa‘ai‘uina le leo fiafia ma le leo ‘oli‘oli, o le leo o le fa‘ato‘āfaiavā ma le leo o le fa‘ato‘ānofotane a‘i lenei mea i o ‘outou luma, a o ola mai ‘outou.

10. A uma ‘ona e fa‘aali atu i lenei nu‘u ia ‘upu uma ma latou fai mai ‘iā te oe, “Se a le mea ‘ua fai mai ai le ALI‘I ‘iā te i matou lenei malaia uma e tele? pe se a ‘ea sa matou amioletonu? pe se a fo‘i sa matou agasala ‘ua matou agasala atu ai i le ALI‘I lo matou Atua?”

11. ‘Ona e fa‘apea atu ai lea ‘iā te i latou, Auā ‘ua lafoa‘iina a‘u e o ‘outou tamā, o lo‘o fai mai ai le ALI‘I, a ‘ua latou mulimuli atu i atua ‘ese ma ‘au‘auna i ai, ma ifo atu ‘iā te i latou, a ‘ua lafoa‘iina a‘u ma ‘ua lē ‘ana‘ana i latou i la‘u tulafono.

12. A o ‘outou, ‘ua faia e ‘outou amio leaga e sili i o ‘outou tamā; fa‘auta fo‘i, ‘ua ta‘itasi le tagata ma savali i le finau vale o lona loto leaga, ‘ua lē fa‘alogo mai ‘iā te a‘u.

13. O lea ‘ou te tutuli ai ‘iā te ‘outou a‘i lenei nu‘u i le nu‘u ‘ua ‘outou lē iloa; o ‘outou po o ‘outou tamā; tou te ‘au‘auna fo‘i i lea mea i atua ‘ese i le ao ma le po; auā ‘ou te lē alofa ‘iā te ‘outou.

O le Fo‘i mai o le Tāfeaga

14. ‘Ae ui i lea fa‘auta, e o‘o mai ai ona po, o lo‘o fetalai mai ai le ALI‘I, e lē toe fai ane ai tagata, “O lo‘o soifua le ALI‘I, o lē na ‘aveina a‘e le fānauga a Isaraelu nai le nu‘u o Aikupito;”

15. ‘ae “fa‘apea, o lo‘o soifua ALI‘I, o lē na ‘aveina a‘e le fānauga a Isaraelu nai le nu‘u i le itū i matū ma nu‘u uma na ia tulia ai i latou.” Auā ‘ou te fa‘afoisia mai i latou i lo latou lau‘ele‘ele, na a‘u foa‘iina atu ai i o latou tamā.

O Fa‘asalaga o i le Lumana‘i

16. Fa‘auta, ‘ou te ‘a‘auina atu tagata fai faiva e to‘atele, o lo‘o fetalai mai ai le ALI‘I, latou te fai faiva ‘iā te i latou; e mulimuli ane ‘ou te ‘a‘auina atu tagata tuli manu e to‘atele, latou te tutuli ‘iā te i latou mai atu mauga uma ma mauga uma ma māvaevae o papa.

17. Auā ‘ua ‘ou va‘ai i o latou ala uma; e le lilo i latou i o‘u luma, e le natia fo‘i la latou amioletonu ‘iā te a‘u.

18. ‘Ae muamua ‘ona ‘ou taui fa‘aluaina atu la latou amioletonu ma la latou agasala; auā ‘ua latou fa‘aleagaina lo‘u nu‘u, ‘ua latou fa‘atumuina lo‘u tofi i tino o a latou mea leaga ma a latou mea e ‘inosia.

O le Tatalo a Ieremia

19. Le ALI‘I e, o lo‘u malosi ma lo‘u ‘olo,o lo‘u malu fo‘i i le aso o le puapuagā,e ō mai ‘iā te oe nu‘u mai tulu‘iga o le lalolagi ma latou fai mai,E moni, ‘ua fai ma tofi o matou tamā mea pepeloma mea fa‘atauva‘a ma mea e lē o i ai se aogā.

20. E faia ‘ea e le tagata o atua mo ia,‘ae lē ni atua i latou?

21. “O le mea lea, fa‘auta, ‘ou te fa‘ailoa atu ai ‘iā te i latou, e atu tasi lava, ‘ou te fa‘ailoa atu ‘iā te i latou lo‘u lima ma lo‘u malosi; latou te iloa ai o le ALI‘I o lo‘u igoa lea.”