1. O lo‘o fa‘apea ‘ona fetalai mai o le ALI‘I o ‘au, le Atua o Isaraelu, ‘iā Moapi:‘Oi talofa ‘iā Nepo!auā ‘ua fa‘atafunaina ‘ia.‘Ua fa‘amāina Kiriataima, ‘ua ā‘ea;‘ua fa‘amāina Mesekavo ma ‘ua fa‘amata‘utia.
2. E lē toe vi‘ia Hesepona e Moapi,‘ua fai togafiti i latou e malaia ai o ia.‘Ua latou fa‘apea, “‘Inā ō mai ia,‘ia tatou fa‘aumatia o ia,‘ia lē toe fai ma nu‘u.”Matameni e, e fano lava oe;e mulimuli atu le pelu ‘iā te oe.
3. O le leo o le ‘alaga mai Horonaima,“O i ai le fa‘atafunaga ma le malaia tele.”
4. “‘Ua malaia Moapi;”‘ua pā mai le ‘alaga a ona tamaiti.
5. Auā ‘ua latou ō a‘e lava i le ā‘ega o Luita o fētāgisi;o le ifo a‘i fo‘i mai Horonaima,‘ua lagona ai e ‘ua ita mai le ‘alaga ‘ina ‘ua malaia.
6. ‘Inā sōsōla ia,‘ia sao ‘outou ma ia ‘avea ‘outoue pei o le tula i le vao.
7. ‘Ua e fa‘atuatua i mea ‘ua e faia ma au ‘oloa,o le mea lea e pu‘ea ai lava oe.E alu atu fo‘i Kimosa i le tāfeaga,o ana ositaulaga ma ona ali‘i fa‘atasi ma ia.
8. E sau fo‘i lē na te fa‘atafunaina i ‘a‘ai uma,e leai se ‘a‘ai e sao.E fano fo‘i le vanu, e fa‘aumatia fo‘i le ‘ele‘ele laugatasi,auā ‘ua fetalai mai ai le ALI‘I.
9. ‘Ia fai ni ‘apa‘au mo Moapi,‘ina ‘ia lele o ia ma alu ‘ese.Auā e fai ma fa‘atafunaga ona ‘a‘ai,e leai sē nofo ai.
10. ‘Ia fa‘afanoina lē na te faia le galuega a le ALI‘I ma le fa‘avaivai, ‘ia fa‘afanoina lē ‘ua tāofia lana pelu a‘i le toto.
11. ‘Ua nofo filemū Moapi talu ‘ina o taule‘ale‘a o ia, ‘ua nofo o ia i luga o lona ‘alu, e le‘i fesaaa‘iina o ia a‘i lea ipu i lea ipu, e le‘i alu fo‘i o ia i se tāfeaga; o le mea lea ‘ua tumau ai lona nanamu, ‘ua lē liua lona manogi.
12. O le mea lea fa‘auta, e o‘o ai i ona po, ‘ua fetalai mai ai le ALI‘I, ‘Ou te ‘a‘auina atu ai ‘iā te ia nisi latou te fa‘ata‘oto ‘iā te ia ma sasa‘a ai ana ipu ma ta‘ei i ona fagu.
13. E mā fo‘i Moapi ‘iā Kimosa, e pei ‘ona mā o le ‘āiga o Isaraelu ‘iā Peteli, o lo latou fa‘atuatuaga.
14. Pe fa‘apefea ‘ona ‘outou fai mai,“O toa i matou, o tagata malolosi e tau ai le tau‘a?”
15. ‘Ua fa‘atafunaina Moapi ma ‘ua ō a‘e ona ‘a‘ai;o ona taulele‘a fo‘i na filifilia ‘ua ō ifo i latou ‘ia fasiotia,o lo‘o fetalai mai ai le Tupu, o le ALI‘I o ‘au lona suafa.
16. O le malaia o Moapi ‘ua latalata ‘ona o‘o mai,o le mea fo‘i e leaga ai o ia e vave mai lava lea.
17. O ‘outou uma o ē vagavagai ‘iā te ia,‘ia ‘outou fa‘anoanoa ‘ona o ia.O ‘outou uma fo‘i o ē iloa lona igoa,‘ia ‘outou fa‘apea atu,“E! ‘ua gausia le to‘oto‘o malosi,o le la‘au matagofie.”
18. O oe na le tama fafine ‘ua nofo i Tipona,‘inā alu ifo ia a‘i le mamaluma nofo i le nu‘u naumati.Auā e alu a‘e ‘iā te oe lē fa‘atafunaina Moapi,na te fa‘aumatia ou ‘olo.
19. O oe na ‘ua nofo i Aroeru,‘ia e tu i le ala, ma va‘ai atu;fesili atu i lē ‘ua sola, ma lē ‘ua sao,‘ia fa‘apea atu, “Po o le a ‘ea le mea ‘ua fai?”
20. ‘Ua fa‘amāina Moapi;auā ‘ua lafoia o ia;‘inā uiō ia ‘outou ma ‘alalaga;‘Inā ta‘uina atu i Arinona,‘ua fa‘atafunaina Moapi.
21. ‘Ua o‘o fo‘i le sala i le ‘ele‘ele laugatasi; o Holona ma Iaesa ma Mefata,
22. ma Tipona ma Nepo ma Petetipelata,
23. ma Kiriataima ma Petekamulo ma Petemeona,
24. ma Kiriota ma Posara ma ‘a‘ai uma i le nu‘u o Moapi, ē ‘ua mamao ma ē ‘ua lata mai.
25. ‘Ua vavae‘eseina le nifo o Moapi ma lona lima ‘ua gausia, o lo‘o fetalai mai ai le ALI‘I.
26. ‘Ia ‘outou fa‘ainu ‘iā te ia ‘ia ‘onā; auā ‘ua ia fa‘amaualuga i le ALI‘I; e ta‘afili Moapi i lona pua‘iga, e fai lava o ia ma tauemuga.
27. E le‘i faia ‘ea Isaraelu ma tauemuga ‘iā te oe? na maua ‘ea o ia fa‘atasi ma tagata gaoi? auā e ‘iloga ‘ona e tautala ‘iā te ia, ‘ua e lialia‘i lou ulu.
28. O ‘outou o ē nonofo i Moapi,‘ia ‘outou tu‘ua ‘a‘ai ma ‘outou mau i le papa;‘ia pei o le lupe fo‘i ‘outou, o lē ‘ua fai lona ōfaga i itū o le gutu o le lua.
29. ‘Ua matou fa‘alogo i le fa‘amaualuga o Moapi,o lona matuā fa‘amaualuga ma lona fa‘asausilima lona fa‘asiasia ma lona fa‘amaualugama le fa‘afefeteina o lona loto.
30. O lo‘o fetalai mai le ALI‘I;O a‘u nei ‘ua ‘ou iloa lona ita,‘ae fa‘atauva‘a lava;o ana mea fa‘atauva‘a e lē faia lava ia.
31. O le mea lea ‘ou te uiō ai ‘ona o Moapima ‘ou ‘alaga ‘ona o Moapi uma; e ōi o ia ‘ona o tagata o Kiriaresa.
32. Le vine e o Sepema,‘ou te tagi ‘ona o oe ma le tagi o Iasaru;‘ua sopo‘ia le sami e ou moemoe,‘ua o‘o atu i le sami o Iasaru;‘ua osofia e lē na te fa‘atafunaina ou fua otata ma lou taugāvine.
33. ‘Ua ‘ave‘esea le fiafia ma le ‘oli‘oli i le fanua lafulemū,o le nu‘u o Moapi lea;‘ua ‘ou fa‘ai‘uina le uaina i le soligāvine;e le solia ma le ‘alaga fiafia;o le ‘alaga fiafia e lē se ‘alaga fiafia lea.
34. ‘Ona o le ‘alaga a Hesepona ‘ua latou fevala‘aua‘i e o‘o i Eleale, e o‘o lava i Iaesa, e āfua mai i Soara e o‘o i Horonaima, o le povi fafine ‘ua tolu ona tausaga; auā ‘ua ‘avea le vai o Nimara lava ma mea naumati.
35. ‘Ua fetalai mai le ALI‘I, ‘ou te fa‘aumatia i Moapi, lē fai taulaga i le mea maualuga ma lē fa‘amū mea manogi i ona atua.
36. O le mea lea e tagi ai lo‘u loto e pei o fagufagu ‘ona o Moapi, e tagi ai fo‘i lo‘u loto e pei o fagufagu ‘ona o tagata o Kiriaresa; auā o le tele o mea na na maua ‘ua fano.
37. Auā ‘ua selemamāina o latou ulu uma ma ‘ua sala ‘ava uma; ‘ua selei fo‘i lima uma, ‘ua fusia sulugātiti i ‘ie talatala.
38. E pā le lauaitu i luga o fale uma i Moapi ma ona malae uma; auā ‘ua ‘ou nutililia Moapi, e pei o se ipu e lē fiafia i ai, ‘ua fetalai mai ai le ALI‘I.
39. Latou te uiō e fa‘apea, E! ‘ua fa‘atafunaina o ia. E! ‘ua liutuaina Moapi ma le mā. E fai fo‘i Moapi ma tauemuga ma mea e matata‘u ai ‘iā te i latou i ona itū uma.
40. Auā o lo‘o fa‘apea ‘ona fetalai mai o le ALI‘I:Fa‘auta, e lele o ia e pei o le aetoma fālō ona ‘apa‘au i luga o Moapi.
41. ‘Ua ā‘ea Kiriota, ‘ua maua fo‘i ‘olo,e ‘avea loto o toa o Moapi i lea lava asoe pei o le loto o le fafine ‘ua fa‘atigā.
42. E fa‘aumatia Moapi, e lē fai ma nu‘u,auā na ia fa‘amaualuga i le ALI‘I.
43. E ‘iā te oe lē nofo i Moapi,lē mata‘u ma le lua ma le mailei,‘ua fetalai mai ai le ALI‘I.
44. O lē ‘ua sola i le mata‘u e pa‘ū o ia i le lua;o lē ‘ua alu a‘e ai le lua e lavea o ia i le mailei;auā ‘ou te fa‘ao‘o ‘iā Moapi lavale tausaga e tauia mai ai i latou,‘ua fetalai mai ai le ALI‘I.
45. O i latou na sōsōla, ‘ua latou tutū i le paolo o Hesepona,‘ua leai so latou malosi;a ‘ua alu atu le afi a‘i Heseponama le afi mumū mai totonu o Sekono,‘ua mū ai le itū o Moapi ma le tumua‘i o tagata vāvāō.
46. Moapi e, ‘oi talofa ‘iā te oe!‘ua fa‘aumatia le nu‘u o Kimosa;auā ‘ua ‘avea ou atali‘i i le tāfeaga,ma ou afafine i le tāfeaga.
47. ‘Ae peita‘i ‘ou te fa‘afoisia le tāfeaga a Moapi i ona po amulī,‘ua fetalai, mai ai le ALI‘I.‘Ona gata lea o le fa‘asalaina o Moapi.#