1. O le ‘upu na fai atu ai Ieremia le perofeta ‘iā Paruka le atali‘i o Neria ‘ina o tusia e ia ia ‘upu mai le gutu o Ieremia i le tusi, i le fa o tausaga o Ioakima le atali‘i o Iosia le tupu o Iuta, ‘ua fa‘apea atu:
2. O lo‘o fa‘apea ‘ona fetalai mai o le ALI‘I le Atua o Isaraelu ‘iā te oe, Paruka:
3. na e fa‘apea, “‘Oi talofa ‘iā te a‘u! auā ‘ua fa‘aopoopoina e le ALI‘I le fa‘anoanoa i lo‘u tigā; ‘ua ‘ou lailoa i lo‘u mapuitigā, ‘ou te lē maua fo‘i sina mapu.”
4. ‘Ia fa‘apea ‘ona e fai atu ‘iā te ia, O lo‘o fa‘apea ‘ona fetalai mai o le ALI‘I, “Fa‘auta, o le mea na ‘ou atiina a‘e, ‘ou te lepetia, o le mea fo‘i na ‘ou totōina, ‘ou te lia‘iina, o lenei nu‘u uma lava lea.
5. O oe fo‘i, ‘ua e sā‘ili ‘ea mo oe mea tetele? ‘Aua ‘e te sā‘ilia; auā fa‘auta, ‘ou te fa‘ao‘o le malaia i luga o tagata uma, ‘ua fetalai mai ai le ALI‘I; a ‘ou te avatu ‘iā te oe lou ola e fai ma vete i mea uma ‘e te alu i ai.”#