Le mataupu

  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14
  15. 15
  16. 16
  17. 17
  18. 18
  19. 19
  20. 20
  21. 21
  22. 22
  23. 23
  24. 24
  25. 25
  26. 26
  27. 27
  28. 28
  29. 29
  30. 30
  31. 31
  32. 32
  33. 33
  34. 34
  35. 35
  36. 36
  37. 37
  38. 38
  39. 39
  40. 40
  41. 41
  42. 42
  43. 43
  44. 44
  45. 45
  46. 46
  47. 47
  48. 48
  49. 49
  50. 50
  51. 51
  52. 52

Feagaiga Tuai

Feagaiga Fou

Ieremia 22 O LE TUSI PA'IA - Ekalesia Katoliko Roma (RSCB)

O le Sāvali a Ieremia i le ‘Āiga Tupu o Iuta

1. ‘Ua fa‘apea ‘ona fetalai mai o le ALI‘I: ‘Inā e alu ifo ia i le fale o le tupu o Iuta ma ‘ia e fai atu lenei ‘upu i lea mea,

2. ‘ia e fa‘apea atu, ‘Ia ‘outou fa‘alogologo mai i le afioga a le ALI‘I, o oe le tupu o Iuta, o lē ti‘eti‘e i le nofoāli‘i o Tavita ma au ‘au‘auna ma lou nu‘u o ē ulu mai i nei faitoto‘a.

3. O lo‘o fa‘apea ‘ona fetalai mai o le ALI‘I: ‘Ia ‘outou faia le fa‘amasinoga ma le amiotonu ma ia lavea‘iina lē ‘ua faoa ana mea a‘i le lima o le tagata sauā; ‘aua le agaleaga atu, ‘aua le fa‘asauā atu i le tagata ‘ese ma lē ‘ua mātuaoti ma le fafine ‘ua oti lana tane; ‘aua fo‘i tou te fa‘amaligiina i lenei mea le toto o ē ‘ua lē sala.

4. Auā ‘āfai tou te matuā faia lenei mea, ‘ona ulufale mai ai lea i faitoto‘a o lenei fale o tupu o ē ti‘eti‘e i le nofoāli‘i o Tavita, e ti‘eti‘e i nofoa fa‘ata‘avalevale ma solofanua, e ta‘itasi ma ana ‘au‘auna ma lona nu‘u.

5. ‘Ae ‘āfai tou te lē fa‘alogo i nei ‘upu, ‘ou te tautō a‘u ‘iā te a‘u, o lo‘o fetalai mai ai le ALI‘I, e ‘avea lenei fale ma fa‘atafunaga.

6. Auā ‘ua fa‘apea ‘ona fetalai mai o le ALI‘I, i mea a o‘o i le ‘āiga o le tupu o Iuta:‘Ua o Kiliata, oe ‘iā te a‘u,o le tumutumu o Lepanona;‘ae peita‘i e moni, ‘ou te faia oema vao o ‘a‘ai e lē ‘ainā.

7. ‘Ou te tofia tagata e fa‘aumatia mea ‘ia e tigā ai oe,e ta‘itasi le tagata ma ana ‘au‘upega;latou te tatu‘uina o ou arasi silisili ma lafo i le afi.

8. E tele nu‘u e ui ane i lenei ‘a‘ai ma fai ane le tasi i le tasi, “Se a le mea ‘ua fa‘apea ai ‘ona fai e le ALI‘I i lenei ‘a‘ai tele?”

9. ‘Ona fai atu ai lea e i latou, “Auā ‘ua tu‘ua e i latou le feagaiga a le ALI‘I lo latou Atua, a ‘ua latou ifo i atua ‘ese ma ‘au‘auna i ai.”

O le Sāvali a Ieremia ‘iā Saluma

10. ‘Aua tou te fētāgisi ‘ona o lē ‘ua oti,‘aua le fa‘anoanoa ‘ona o ia;a ‘ia tagi tele ‘ona o lē alu ‘ese;auā e lē toe fo‘i mai o ia,e lē toe iloa fo‘i e ia le nu‘u na fānau ai o ia.

11. Auā ‘ua fa‘apea ‘ona fetalai mai o le ALI‘I ‘iā Saluma le atali‘i o Iosia le tupu o Iuta, o lē na fai ma tupu e sui a‘i Iosia lona tamā, o lē ‘ua alu atu nai le mea nei: E lē toe fo‘i mai o ia i lea mea;

12. auā e oti o ia i le mea ‘ua latou ‘avea ai o ia, ‘ae lē toe iloa mai e ia lenei nu‘u.

O le Sāvali a Ieremia ‘iā Ioakima

13. ‘Oi talofa i lē ‘ua faia lona fale ma le amioletonuma ‘ua faia ona potu aupitoaluga ma le amio lē tatau;‘ua fai fua e ia māna ‘au‘auna lē la te tuā‘oima ‘ua lē avatu ‘iā te ia lona totogi;

14. ‘Ua fa‘apea ane o ia,“‘Ou te faia mo a‘u le fale tele ma potualuga e tetele;”‘ua faia fo‘i fa‘amalama mo ia ma ‘ua tapapa i arasi ma vali i le vali mūmū.

15. E fai ‘ea oe ma tupu ‘ina ‘ua e finau e fai fale arasi?O lou tamā na lē ‘ai ‘ea o ia ma inu ma faia le fa‘amasinoga ma le amiotonu?‘ona manuia ai lea o ia.

16. Na fa‘atonuina e ia le finauga o ē ‘ua puapuagāina ma ē ‘ua matitiva;‘ona manuia ai lea o ia.E lē o le iloa ‘ea o a‘u lenā?o lo‘o fetalai mai ai le ALI‘I.

17. A ‘ua na ‘ona fa‘asaga o ou mata ma lou loto i lau ‘oloama le fa‘amaligiina o le toto o le ‘ua lē sala,ma lē fa‘asauā ma le fa‘atigāina, ‘ia faia.

18. O le mea lea o lo‘o fa‘apea ‘ona fetalai mai ai o le ALI‘I i mea a o‘o ‘iā Ioakima le atali‘i o Iosia, le tupu o Iuta:Latou te lē taufaitagitu‘i ‘iā te ia,e fa‘apea, “Auē! lo‘u uso e.” “Auē! le tuafafine e.”Latou te lē taufaitagitu‘i ‘iā te ia e fa‘apea,“Auē! le ali‘i e.”“Auē! le mamalu e.”

19. E tanumia o ia e pei ‘ona tanua o le asini;e tōsina ma tia‘iina i tua o faitoto‘a o Ierusalema.

O le Sāvali a Ieremia e uiga ‘iā Ierusalema

20. ‘Inā alu a‘e ia i Lepanona ma ‘alaga,‘ia e leo tele i Vasana,‘ia e ‘alaga fo‘i mai Aperima;auā ‘ua fa‘aumatia o i latou uma sa manana‘o ‘iā te oe.

21. Na a‘u fai atu ‘iā te oe ‘ina o ē manuia;a ‘ua e fai mai, “‘Ou te lē fa‘alogo atu.”O lau masani lea talu ‘ina e itiiti,‘ua e lē fa‘alogo i lo‘u leo.

22. E fagaina au leoleo mamoe uma i le matagi;e ō i le tāfeaga o ē manana‘o ‘iā te oe;‘ona e mā ai lava lea ma māsiasi ‘ona o au amio leaga uma.

23. O oe na lē mau i Lepanona,ma fai lou ōfaga i arasi,talofa lava ‘iā te oe pe a o‘o ‘iā te oe le fa‘atigā,o le tigā e pei o le fafine a fānau mai.

‘Ua Fa‘amasino e le Atua o Konia

24. O lo‘o fetalai mai le ALI‘I: O lo‘o ola a‘u, pe ‘āfai ana fai Konia le atali‘i o Ioakima le tupu o Iuta ma fa‘amaufa‘ailoga i lo‘u lima taumatau; a ‘ou te se‘i‘esea oe a‘i lea mea.

25. ‘Ou te tu‘uina atu fo‘i oe i lima o ē sā‘ili ‘iā te oe ‘ia oti ma lima o i latou ‘ua e mata‘u i ai, o le lima fo‘i o Nepukanesa le tupu o Papelonia ma lima o tagata o Kaletaia.

26. ‘Ou te tutuli ‘iā te ‘oulua ma lou tinā na fānaua oe e ō i le nu‘u ‘ese na lē fānanau ai ‘oulua; e oti fo‘i ‘oulua i lea mea.

27. A o le nu‘u ‘ua naunau o latou loto e toe fo‘i mai i ai, latou te lē toe fo‘i mai lava i ai.

28. O le ipu ‘inosia ‘ea ma le ta‘eia lenei tagata o Konia? O le ipu ‘ea o ia ‘ua lē fiafia i ai? Se a le mea ‘ua tulia ai i latou e ia ma lana fānau ma ‘ua lafoa‘iina i latou i le nu‘u na latou lē iloa?

29. Le lalolagi e, le lalolagi e, le lalolagi e,‘inā fa‘alogologo mai ia i le afioga a le ALI‘I.

30. O lo‘o fa‘apea ‘ona fetalai mai o le ALI‘I:‘Ia ‘outou tusia lenei tagata e āufānaua,o le tagata e le manuia i lona olaga.Auā e le manuia se tasi o lana fānau,e le ti‘eti‘e i le nofoāli‘i o Tavita pe toe pule i Iuta.