1. O lona sefulu ma le tasi o tausaga, o lona tolu o masina, o le aso muamua o le masina, na o‘o mai ai le afioga a le ALI‘I ‘iā te a‘u, ‘ua fa‘apea mai:
2. Le atali‘i e o le tagata, ia e fai atu ‘iā Farao le tupu o Aikupito, ma ona tagata e to‘atele.Pe fa‘atusaina oe ‘iā te ai i lou mamalu?
3. Fa‘auta, o Asuria o le arasi ia i Lepanona,‘ua matagofie ‘ona la,‘ua malu fo‘i lona paolo,‘ua tele fo‘i lona maualuga;sa i totonu o la felefele lona tumutumu.
4. O le vai na tupu tele ai o ia,o vai loloto fo‘i na maualuga ai o ia,o ona vaitafe na tafe fa‘ata‘amilomilo i lana fa‘ato‘aga,ma ona vaitai na tafe atu i la‘au uma o le vao.
5. O le mea lea na fa‘asilisili ai lona maualuga i la‘au uma o le vao,na tele fo‘i ona lālā,ma ‘ona la na loloa i le vai tetele i lona tupu atu.
6. Na ōfaga manu felelei uma i ona lālā,na fanafānau fo‘i manu tata‘a uma i lalo ifo o ‘ona la;sa nonofo fo‘i nu‘u tetele uma i lalo ifo o lona paolo.
7. Na matagofie fo‘i o ia i lona tele,ma le loloa o ‘ona la;auā na i ai ona a‘a i tafatafa o vai tetele.
8. Na le lilo lava ia i arasi o i le fa‘ato‘aga o le Atua;na lē tutusa perosi ma ona lālā;na lē tutusa fo‘i aremoni i ‘ona la;e leai fo‘i se tasi la‘au i le fa‘ato‘aga o le Atuana tusa ma ia i lona matagofie.
9. Na ‘ou fa‘amatagofieina o ia i le tele o ‘ona la,na matatau‘a ai ‘iā te ia o la‘au uma o Etenai le fa‘ato‘aga o le Atua.
10. O le mea lea o lo‘o fa‘apea ‘ona fetalai mai ai o le Ali‘i le ATUA, Na fa‘asilisili oe i lou maualuga ma ‘ua ‘avea i luga lona tumutumu i totonu o la felefele, ‘ua fa‘amaualugaina fo‘i lona loto i lona sili.
11. O le mea lea ‘ua ‘ou tu‘uina atu ai o ia i le lima o lē ‘ua malosi silisili i nu‘u; na te faia lona lava loto ‘iā te ia; ‘ua ‘ou tuli‘eseina o ia, ‘ona o lana amio leaga.
12. O tagata ‘ese o ē ‘ua mata‘utia i nu‘u, na latou tu‘u i lalo ‘iā te ia ma latou tu‘ua o ia; ‘ua pa‘u‘ū fo‘i ‘ona la i mauga ma vanu uma, ‘ua gauia fo‘i ‘ona la i tafatafa o vaitafe uma o le nu‘u; ‘ua ō ‘ese fo‘i tagata uma o le nu‘u nai lalo ifo o lona paolo ma latou tu‘ua lava o ia.
13. E nonofo fo‘i manu felelei umai ona luga a o ta‘atia;e i ai fo‘i i ‘ona la o manu tata‘a uma.
14. ‘Ina ‘ia lē fa‘asilisili se tasi lava la‘au i tafatafa o vai ‘ona o lo latou maualuluga, pe ‘avea i luga o latou tumutumu i totonu o la felefele; pe tutū i luga i latou ‘iā te i latou i lo latou sili o i latou uma o ē inu vai.Auā ‘ua tu‘uina atu i latou uma‘ia mamate i mea maulalo o le lalolagi,e fa‘atasi ma le fānau a tagata,e fa‘atasi fo‘i ma ē ō ifo i le lua.
15. ‘Ua fa‘apea ‘ona fetalai mai o le Ali‘i le ATUA: O le aso na alu ifo ai o ia i seoli na ‘ou fa‘atupuina ai le fa‘anoanoa; na ‘ou ufiufitia vai loloto ‘ona o ia, na ‘ou tāofi ona tāfega, na punitia fo‘i vai tetele, na ‘ou fa‘atupuina fo‘i le fa‘anoanoa o Lepanona ‘ona o ia; na matapogia ai la‘au uma o le vao ‘ona o ia.
16. Na ‘ou fa‘agateteina fo‘i nu‘u i le ta‘alili o lona pa‘ū, ‘ina ‘ua ‘ou lafoina o ia i lalo i seoli fa‘atasi ma ē ō ifo i le lua; o la‘au uma fo‘i o Etena o ē silisili ma lelei i Lepanona, o i latou uma e inu vai, ‘ua fa‘amafanafanaina i latou i mea maulalo o le lalolagi.
17. O i latou lava, na latou ō ifo fa‘atasi ma ia i seoli ‘iā te i latou o ē ‘ua fasia i le pelu; o lona lima fo‘i, o ē sa nonofo i lalo ifo o lona paolo i nu‘u.
18. Pe fa‘atusaina oe ‘iā te ai i le mamalu ma le tele i la‘au o Etena? ‘ae lafoina oe i lalo fa‘atasi ma la‘au o Etena i mea maulalo o le lalolagi; ‘e te ta‘atia fa‘atasi ma ē le peritomeina ma ē ‘ua fasia i le pelu. O Farao lea ma lona vao tagata uma, o lo‘o fetalai mai ai le Ali‘i le ATUA.#