1. O lona sefulu ma le tasi o tausaga, o le aso muamua o le masina, na o‘o mai ai le afioga a le ALI‘I ‘iā te a‘u, ‘ua fa‘apea mai:
2. Le atali‘i e o le tagata, ‘ua fai mai Turo ‘iā Ierusalema,“Ue! ‘ua lepetia o ia na fai ma faitoto‘a o nu‘u,‘ua liliu mai o ia ‘iā te a‘u,e fa‘atamao‘āigaina ai a‘u; ‘ua fa‘atafunaina ia.”
3. O le mea lea na fa‘apea ‘ona fetalai mai ai o le Ali‘i le ATUA:Turo e, fa‘auta, ‘ou te fai oe mo‘u fili,‘ou te ‘aveina a‘e nu‘u e tele, latou te tau ma oe,e pei ‘ona fafati mai o galu o le sami.
4. Latou te sōloia pā o Turo ma lepetia ona ‘olo,‘ou te tafi‘esea lona lau‘ele‘ele,‘ou te faia fo‘i o ia ma papa ‘i‘ila.
5. E ‘avea ia ma mea e fofola ai ‘upega i totonu o le sami;auā o a‘u ‘ua ‘ou fai atu.O lo‘o fetalai mai ai le Ali‘i le ATUA.E ‘avea fo‘i o ia ma vete mo nu‘u ‘ese,
6. o ana tama teine fo‘i o ē o i utae fasiotia i latou i le pelu.‘Ona latou iloa ai lea o a‘u lava o le ALI‘I.
7. Auā ‘ua fa‘apea ‘ona fetalai mai o le Ali‘i le ATUA: Fa‘auta, ‘ou te ta‘ita‘iina mai i Turo o Nepukanesa le tupu o Papelonia, o le tupu o tupu, mai le itū i matū ma solofanua ma kariota ma ē ti‘eti‘e i solofanua ma ‘au ma tagata e to‘atele.
8. Na te fasiotia au tama teine o i uta;na te faia se ‘olo ‘iā te oema tanu se mea mauti‘eti‘e ‘iā te oema fa‘atūina se talipupuni ‘iā te oe.
9. Na te fa‘atūina atu fo‘i i ‘au pā o mea e lepeti a‘i,na te lepetia fo‘i ou ‘olo i ana mea ma‘ama‘ai.
10. O ana solofanua ‘ina tele e ufitia ai oe i le efuefu;o le ta‘alili o ē ti‘eti‘e i solofanuama mea ta‘avavale ma kariota e lūlūina ai ‘au pāi lona ulu atu i ou faitoto‘a,e pei ‘ona ulu atu o tagata i le ‘a‘ai ‘ua lepetia.
11. E solia ou ala uma i atigivae o ana solofanua;na te fasiotia ou tagata i le pelu,e lafoina i lalo i le ‘ele‘ele tupua e i ai lou malosi.
12. Latou te faoa lou ‘oa ma fai ma vete au mea e fa‘atau;latou te lepetia ‘au pā ma sofaia ou fale lālelei;o ou ma‘a fo‘i ma ou la‘au ma lou ‘ele‘elelatou te lafo i totonu o le sami.
13. ‘Ou te fa‘ai‘uina le ta‘alili o au pese;o le leo fo‘i o ou kitara e lē toe lagona lava.
14. ‘Ou te faia oe ma papa ‘i‘ila;e ‘avea oe ma mea e folasia ai ‘upega;e lē toe faia lava oe;auā o a‘u o le ALI‘I ‘ua ‘ou fai atu ai,o lo‘o fetalai mai ai le Ali‘i le ATUA.
15. ‘Ua fa‘apea ‘ona fetalai mai o le Ali‘i le ATUA ‘iā Turo: E le lūlūina ‘ea nu‘u tu matāfaga i le ta‘alili o lou pa‘ū, pe a uiō ē manunu‘a, pe a tō fasi i totonu ‘iā te oe?
16. ‘Ona ō ifo ai lea o ali‘i sili uma o nu‘u tu matāfaga ai o latou nofoāli‘i ma latou tu‘u‘eseina o latou ‘ofu talaloa ma tō‘eseina o latou ‘ofu lanu ‘ese‘ese; latou te ‘o‘ofu i le gatete, latou te nonofo i le ‘ele‘ele ma saga gatete pea ma femēmēa‘i ‘ona o oe.
17. Latou te sauni fo‘i se pese e aualofa a‘i ‘iā te oe ma latou fai ane ‘iā te oe,E! ‘ua fa‘aumatia oe, sa mau ai tautai,o le ‘a‘ai tāua, o lē na malosi i le sami,o ia ma ē na nonofo ai,o ē na fa‘ao‘o lo latou mata‘utia ‘iā te i latou uma o ē na nonofo ai.
18. ‘Ona gatete ai lea o nu‘u tu loto i le aso e pa‘ū ai oe;o nu‘u tu loto o i le sami,latou te atuatuvale ‘ina ‘ua e mavae atu.
19. Auā ‘ua fa‘apea ‘ona fetalai mai o le Ali‘i le ATUA: A o‘o ‘ina ‘ou fai oe ma ‘a‘ai fa‘atafunaina e pei o ‘a‘ai ‘ua lē ‘ainā; a o‘o ‘ina ‘ou fa‘aaluina a‘e le moana i luga ‘iā te oe ma ufiufitia ai oe i le sami tele;
20. ma ‘ou ‘ave ifo ‘iā te oe i lalo, e fa‘atasi ma ē ō ifo i le lua, o nu‘u o le vavau ia ma tu‘uina oe i mea aupitoalalo o le ‘ele‘ele, o mea ‘ua gaogao talu anamua, e fa‘atasi ma ē ō ifo i le lua, ‘ina ‘ia lē ‘ainā oe; ‘ou te tu‘uina fo‘i le mamalu i le nu‘u o tagata ola.
21. ‘Ona ‘ou faia lea o oe ma mea e ala ai le mata‘u, e lē toe i ai lava oe; e sā‘ilia oe ‘ae lē toe maua lava e fa‘avavau, ‘ua fetalai mai ai le Ali‘i le ATUA.#