Le mataupu

  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14
  15. 15
  16. 16
  17. 17
  18. 18
  19. 19
  20. 20
  21. 21
  22. 22
  23. 23
  24. 24
  25. 25
  26. 26
  27. 27
  28. 28
  29. 29
  30. 30
  31. 31
  32. 32
  33. 33
  34. 34
  35. 35
  36. 36
  37. 37
  38. 38
  39. 39
  40. 40
  41. 41
  42. 42
  43. 43
  44. 44
  45. 45
  46. 46
  47. 47
  48. 48

Feagaiga Tuai

Feagaiga Fou

Esekielu 21 O LE TUSI PA'IA - Ekalesia Katoliko Roma (RSCB)

O le Fa‘atafunaga o Ierusalema

1. ‘Ua o‘o mai fo‘i le afioga a le ALI‘I ‘iā te a‘u, ‘ua fa‘apea mai:

2. Le atali‘i e o le tagata, ia fa‘asaga ou mata i Ierusalema ma fa‘apa‘ū atu lau ‘upu i mea pa‘ia, ma ē vavalo atu i le lau‘ele‘ele o Isaraelu,

3. ma e fai atu i le lau‘ele‘ele o Isaraelu, O lo‘o fa‘apea ‘ona fetalai mai o le ALI‘I: Fa‘auta, ‘ua ‘ou fai oe mo‘u fili, ‘ou te tō a‘e la‘u pelu a‘i lona fa‘amoega, ma ‘ou fa‘aumatia lē na amiotonu ma lē ‘ua amio leaga ‘ua ‘iā te oe.

4. O le a ‘ou fa‘aumatia le ‘ua amiotonu ma le ‘ua amio leaga ‘ua ‘iā te oe, o le mea lava lea e alu atu ai la‘u pelu a‘i lona fa‘amoega i tagata uma, e pau mai i le itū i saute, e pau mai i le itū i matū;

5. e iloa ai e tagata uma, o a‘u o le ALI‘I, ‘ua ‘ou tōina a‘e la‘u pelu a‘i lona fa‘amoega; e lē toe fo‘i ane ai lava.

6. O oe fo‘i, le atali‘i o le tagata, ‘ia e mapuitigā ‘ona ‘ua gau o lou pāpātua; ‘ia e mapuitigā ma le ‘o‘ono tele i o latou luma.

7. A latou fai mai fo‘i ‘iā te oe, “Pe se a le mea ‘e te mapuitigā ai?” ‘E te tali atu, “‘Ona o le tala, auā o le a o‘o mai; e liu suāvai loto uma, e vaivai lima uma, e fa‘avaivai loto uma, o liu suāvai fo‘i tulivae uma; fa‘auta, o lo‘o sau, e fa‘ataunu‘uina lava,” o lo‘o fetalai mai ai le Ali‘i le ATUA.

8. ‘Ua o‘o mai fo‘i le afioga a le ALI‘I ‘iā te a‘u, ‘ua fa‘apea mai:

9. Le atali‘i e o le tagata, ‘ia e vavalo, ‘ia fa‘apea atu, O lo‘o fa‘apea ‘ona fetalai mai o le ALI‘I, Fai atu ia:O le pelu, o le pelu ‘ua fa‘ama‘aia ma ‘ua fa‘apupulaina.

10. ‘Ua fa‘ama‘aia ‘ina ‘ia tele ai le fasi,‘ua fa‘apupulaina, ia pupula.A tatou ‘oli‘oli ‘ea?O le to‘oto‘o o lo‘u atali‘i ‘ua fa‘alēaogāina ai la‘au uma.

11. ‘Ua ia avatu ai ‘ia fa‘apupulaina,‘ina ‘ia uma i le lima;‘ua fa‘ama‘aia lenei pelu ma ‘ua fa‘apupulaina‘ina ‘ia tu‘uina atu i le lima o lē na te fasioti.

12. ‘Alaga ia ma uiō, le atali‘i e o le tagata,auā e i ai ia i lo‘u nu‘u,e i ai i ali‘i sili uma o Isaraelu.‘Ua tu‘uina atu i latou i le pelu fa‘atasi ma lo‘u nu‘u;o le mea lea ia e pōpō ai i lou vae.

13. Auā ‘ua tofotofoina ia.I le fa‘apefea pe a fa‘alēaogāina le to‘oto‘o e le pelu? E mavae lava ia,o lo‘o fetalai mai ai le Ali‘i le ATUA.

14. O oe na fo‘i, le atali‘i o le tagata,‘ia e vavalo atu ma ‘ia e pati limama ‘ia fo‘i fa‘alua le pelu,‘ia fa‘atolu lava.O le pelu ‘ua oti ai e ‘ua fasia;o le pelu lea o le ‘ua fasia,le ‘ua sili, e puipui atu ‘iā te i latou.

15. ‘Ua ‘ou tu‘u atu le pelu mata‘utia i o latou faitoto‘a uma,‘ina ‘ia fa‘avaivai ai o latou loto ma ‘ia fa‘ateleina le malaia.Auē! ‘ua fa‘apupulaina ia,‘ua saunia e fasi a‘i.

16. Alu ia i lea itū po o lea itū, o le itū taumatau,po o le itū tauagavale, so se mea ‘ua fa‘asaga i ai ou mata.

17. O a‘u fo‘i, ‘ou te pati limama ‘ou fa‘ai‘uina lo‘u ita;o a‘u o le ALI‘I, ‘ua ‘ou fai atu ai.

O le Pelu a le Tupu o Papelonia

18. ‘Ua o‘o mai fo‘i le afioga a le ALI‘I ‘iā te a‘u, ‘ua fa‘apea mai:

19. O oe na fo‘i, le atali‘i o le tagata, ‘ia e totofi i ala e lua e o‘o mai ai le pelu a le tupu o Papelonia; e ō mai i lā‘ua mai le nu‘u e tasi, filifili ia oe i se mea, filifili i le tulu‘iga o le ala i le ‘a‘ai.

20. ‘Inā totofi ia se ala e o‘o mai ai le pelu i Rapa o le fānauga a Amoni ma Iuta i Ierusalema ‘ua nofo ‘olo.

21. Auā na tu le tupu o Papelonia i fetaulaigāala i le mea e vala lua ai le ala, e fai togafiti fa‘ataulāitu, na ia lūlūina ana ū fanafana, na ia fesili atu i tupua, na ia iloilo i le ate.

22. Na i lona itū taumatau le togafiti fa‘ataulāitu ‘iā Ierusalema e fa‘atū atu ai mea e lepeti a‘i, e tautala atu ai i le tau‘a, e ‘alalaga atu ai ma le leo tele, e fa‘atū atu i faitoto‘a o mea e lepeti a‘i, e tanu ai se mea mauti‘eti‘e ma fai ai se ‘olo.

23. E fai fo‘i lea ‘iā te i latou e peiseaī se togafiti fa‘ataulāitu pepelo i le manatu o ē na tautō i tautoga ‘iā te i latou; ‘ae manatua e ia o amio leaga ‘ina ‘ia pu‘ea i latou.

24. O le mea lea o lo‘o fa‘apea ‘ona fetalai mai ai o le Ali‘i le ATUA: ‘Ua manatua a ‘outou amio leaga ‘ona o ‘outou, ‘ina ‘ua mānu a ‘outou solitulafono ma ‘ua aliali mai a ‘outou agasala ‘iā ‘outou mea uma e fai; ‘ona ‘ua manatua ‘outou, e pu‘ea ‘outou i le lima.

25. O oe na fo‘i, le ali‘i sili o Isaraelu,o lē fa‘alēmata‘u ma le amio leaga,‘ua o‘o mai lona aso, o ona po e i‘u ai le amio leaga.

26. ‘Ua fa‘apea ‘ona fetalai mai o le Ali‘i le ATUA:‘Ave ‘ese ia le pulou ‘ie,tō ‘ese ia le paleali‘i;e lē o lea lenei mea.E fa‘amaualugaina le ‘ua maulalo,‘ae fa‘amaulaloina le ‘ua maualuga.

27. ‘Ou te fulisia, fulisia, fulisia,e lē toe i ai lava lea,se‘ia afio mai o ia ‘ua i ai le tonu,‘ona ‘ou avatua ai lea ‘iā te ia.

O le Pelu ma le Fānauga a Amoni

28. O oe na fo‘i, le atali‘i o le tagata, ‘ia e vavalo, ‘ia fa‘apea atu, O lo‘o fa‘apea ‘ona fetalai mai o le Ali‘i le ATUA i le fānauga a Amoni ma la latou fāifai, fai atu lava i ai:O le pelu, o le pelu, ‘ua tō a‘e e fasi a‘i;na fa‘apupulaina e fa‘aumatia ai ‘ona o le pupula.

29. ‘Ina o latou va‘aia le mea fa‘atauva‘a e fai atu ai ‘iā te oe,‘ina o latou valo‘ia le mea pepelo ‘iā te oe,e tu‘u atu oe i luga o ua o ē ‘ua fasia,o ē ‘ua amio leaga, o ē ‘ua o‘o mai lo latou aso,o ona po e i‘u ai le amio leaga.

30. ‘Ou te fa‘afoisia ‘ea le pelu i lona fa‘amoega?‘Ou te fa‘asalaina oe i le mea na tupu ai oe,o le nu‘u na fānau ai oe.

31. ‘Ou te sasa‘a fo‘i lo‘u ita i luga ‘iā te oe,‘ou te tapili le afi o lo‘u ita ‘iā te oema ‘ou tu‘uina atu oe i lima o tagata vālelea,‘ua popoto i fasi tagata.

32. E fai oe ma fafie mo le afi;e i ai lou toto i totonu o le nu‘u;e lē toe manatua lava oe;auā o a‘u o le ALI‘I ‘ua ‘ou fai atu ai.#