1. ‘Ua o‘o mai fo‘i le afioga a le ALI‘I ‘iā te a‘u, ‘ua fa‘apea mai:
2. O oe na le atali‘i o le tagata, o lo‘o fa‘apea ‘ona fetalai mai o le Ali‘i le ATUA i le lau‘ele‘ele o Isaraelu:O le i‘uga,‘ua o‘o mai lava le i‘uga i pito nu‘u e fa o le nu‘u.
3. ‘Ua o‘o nei lava ‘iā te oe le i‘uga,‘ou te fa‘ao‘o atu fo‘i ‘iā te oe lo‘u itama ‘ou fa‘amasino ‘iā te oe e tusa ma au amio,‘ou te taui atu fo‘i ‘iā te oe i au mea e ‘inosia uma.
4. ‘Ou te lē fa‘asaoina lava oe,‘ou te lē fa‘apelepeleina fo‘i oe;‘ae peita‘i a‘u, ‘ou te taui atu ‘iā te oe i au amioma au mea e ‘inosia e i totonu ‘iā te oe.‘Ona ‘outou iloa ai lea o a‘u lava o le ALI‘I.
5. ‘Ua fa‘apea ‘ona fetalai mai o le Ali‘i le ATUA,O le mea leaga, o le mea leaga e tasi,fa‘auta, ‘ua o‘o mai.
6. O le i‘uga ‘ua o‘o mai, ‘ua o‘o mai lava le i‘uga;o lo‘o ala ia na moe, ‘ua fa‘asaga ‘iā te oe,fa‘auta, ‘ua o‘o mai.
7. ‘Ua o‘o mai le taeao ‘iā te oe o lē nofo i le nu‘u;‘ua o‘o mai ona po, ‘ua taunu‘u mai le aso e atuatuvale ai,‘ae lē o le ta‘alili mai o mauga.
8. O lenei, ‘ua latalata ‘ona ‘ou sasa‘a atuo lo‘u tigā i luga ‘iā te oema fa‘ai‘u atu lo‘u ita ‘iā te oe.‘Ou te fa‘amasino ‘iā te oe e tusa ma au amio,ma ‘ou taui atu ‘iā te oe o au mea uma e ‘inosia.
9. ‘Ou te lē fa‘asaoina,‘ou te lē fa‘apelepeleina;‘ou te taui atu ‘iā te oe e tusa ma au amioma au mea e ‘inosia e i totonu ‘iā te oe.‘Ona iloa ai lea e ‘outou o a‘u o le ALI‘I o lē taia oe.
10. Fa‘auta i le aso, fa‘auta, ‘ua o‘o mai;‘ua alu atu le taeao;‘ua fuga mai le to‘oto‘o,‘ua tupuolaola le fa‘amaualuga.
11. ‘Ua tula‘i le sauā, ‘ua fai ma to‘oto‘o o le amio leaga.E leai so latou e toe,po o so le vao tagata o i latou,po o so latou lava;e leai fo‘i se auega ‘ona o i latou.
12. ‘Ua o‘o mai ona po, ‘ua latalata mai lava le aso;‘aua le ‘oli‘oli lē fa‘atau mai,‘aua fo‘i le fa‘anoanoa lē fa‘atau atu;auā o le ita ‘ua i luga o le vao tagata uma o i latou.
13. Auā, e ui ‘ina ola pea i latou, e lē toe fo‘i le na fa‘atau atu i le mea na fa‘atauina; auā ‘ua fa‘asaga le fa‘aaliga i lona vao tagata uma, e lē toe fo‘i ia; e leai fo‘i sē na te fa‘amalosi ‘iā te ia i lana lava amio leaga.
14. ‘Ua latou ilia le pū ia sauniuni mea uma;‘ae leai sē alu atu i le tau‘a;auā ‘ua i ai lo‘u ita i luga o lona vao tagata uma.
15. O lo‘o i tuāpā le pelu, o lo‘o i totonu le fa‘ama‘i ma le oge;o lē ‘ua i le vao e oti i le pelu,o lē ‘ua i le ‘a‘ai e fano ia i le oge ma le fa‘ama‘i.
16. A o ē sao, e sao lava i latou,e i ai fo‘i i latou i mauga e pei o lupe i vanu,e ta‘ito‘atasi o i latou uma ma ōi ‘ona o lana amio leaga.
17. E vaivai lima uma,e liu suāvai fo‘i tulivae uma.
18. E lavalava i latou i ‘ie talatala,e ufitia i latou i le mata‘u,e mā o latou mata uma,e selemamāina fo‘i o latou ulu uma.
19. E lafoa‘i e i latou a latou ario i fafoma a latou auro e fai ma mea leaga ia.O a latou ario ma a latou auro e lē mafai ai ‘ona lavea‘iina o i latou i le aso o le ita o le ALI‘I; e le malilie ai i latou, e le mā‘o‘ona ai fo‘i o latou manava; auā ‘ua fai a latou amio leaga ma mea e tausuai ai.
20. O le matagofie fo‘i o a latou teuga ‘ua latou faia lea ma mea e fa‘amaualuluga a‘i; ‘ua latou fai ai fo‘i tupua o a latou mea e ‘inosia ma a latou mea leaga; o le mea lea ‘ua ‘ou fai ai ia mea ma mea leaga ‘iā te i latou.
21. ‘Ou te tu‘uina atu ai fo‘i i lima o tagata ‘ese‘ia vetea ma tagata amio leaga o le lalolagi ia faoa,ma latou solia lava.
22. ‘Ou te liliu ‘ese ‘iā te i latou;‘ona latou solia lea o la‘u mea lilo;auā e ulu ane i ai tagata sauā, ma latou solia.
23. ‘Inā fai ia o se maea u‘amea;auā ‘ua tumu le nu‘u i amio e tatau i ai le oti,‘ua tumu fo‘i le ‘a‘ai i le sauā.
24. O le mea lea ‘ou te ‘aumai ai o ē ‘ua sili ‘ona leagai nu‘u ‘ese e fai mo latou o latou fale;‘ou te fa‘ai‘uina fo‘i le fa‘amaualuga o ē malolosi;e solia fo‘i a latou mea pa‘ia.
25. O lo‘o sau le malaia;e sā‘ili‘ili e i latou le filemū, ‘ae leai.
26. E fetaula‘i malaia, e fetaula‘i tala,‘ona sā‘ili lea e i latou i le perofeta se mea na te fa‘aalia mai;‘ae mavae le tulafono nai le ositaulaga ma le pule nai toeaina.
27. E fa‘anoanoa le tupu, e ‘ofu le ali‘i sili i le femēmēa‘i,e gatete lima o tagata o le nu‘u;‘ou te taui atu ‘iā te i latou e tusa ma a latou amioma ‘ou fa‘amasino ‘iā te i latou e tusa ma a latou amioga.Latou te iloa ai o a‘u lava o le ALI‘I.#