1. Tugaidh búidheachus don TIGHEARNA; goiridh air a ainm: foillsighidh a measg na gcineadhach a ghníomhartha.
2. Canuidh dhó, canuidh psalm dhó: labhruidh air a iongantuibh uile.
3. Déanuidh glóir iona ainm náomhtha: déanadh a gcroidhesion gáirdeachus noch shirios an TIGHEARNA.
4. Iarruidh an TIGHEARNA, agus a neart: íarruidh a aghaidh a gcomhnuidhe.
5. Cuimhnighidh a ionganta noch do rinne sé; a chomharthadha, agus breitheamhnuis a bhéil;
6. Sibhsi a shíol Abrahaim a sheirbhiseach, sibhsi a chlann Iacob a áon tóghtha.
7. Is eision an TIGHEARNA ar Ndía: atáid a bhreitheamhnuis annsa talamh uile.
8. Cuimhnighidh sé go síorruidhe, a chunnradh an bhríathar noch do aithin sé go feadh míle ginealach.
9. Noch do cheangail sé le Abraham, agus a mhionna do Isaac;
10. Agus do dhaingnidh sé é do Iacob mar dhligheadh, do Israel mar chunnradh síorruidhe:
11. Gha rádh, Dhuitsi do bhéaras misi talamh Chánáan: line bhur noighreachta:
12. A nuáir do bhádar beagán daóine; ro bheagán, agus na gcoigcríochaibh ansin.
13. Agus do shiúbhladar ó chineadh go cineadh, ó rioghachd go daoinibh oile.
14. Níor fhulaing sé déanduine éagcoir do dhéanamh orra: acht thug aithfior air a son do ríghthibh;
15. Gha rádh, Ná beanaidh lém ungthachaibh, agus dom fháighibh na déanuidh dochar.
16. Agus do ghoir sé gorta air an ttalamh: agus do bhris sé a nuile stór aráin.
17. Agus do chuir sé duine rompa, Ioseph, noch do díoladh mar sheirbhiseach:
18. Do ghortuigheadar ris an ngeimhiol a chosa: do cuireadh a níarann é:
19. Gus a nam a ttáinic a bhríathar: do dheárbh glór an TIGHEARNA é.
20. Dfúagair an rígh agus do scaoileadh é; úachtarán na ndaóine, agus do leig é sáor úadh.
21. Do chuir sé é na THIGHEARNA air a thigh, agus na úachdaran iona shealbhuibh uile:
22. Do cheangail a phrionnsoidhe ar a thoil féin; agus a chomhairleacha chum go ndéanadh eagnuidhe íad.
23. Agus do chúaidh Israel don Négipt; agus do chomhnuidh Iácob a ttalamh Cham.
24. Agus thug air a dhaóinibh méadughadh go mór; agus do rinne íad ní bu láidre ná a naimhde.
25. Do iompóigh sé a ccroidhe chum a dhaoine dfúathughadh, agus chum meabhla do dhéanamh air a sheirbhíseachaibh.
26. Do chuir sé úadh Maóise a sheirbhiseach; agus Aaron noch do thogh sé féin.
27. Do chuireadarsan iona measg bríathra a chomharthadh, agus ionganta a ttalamh Cham.
28. Do chuir sé dorchadas chuca, agus do bhí sé dorcha; agus níor cheannairrgeadar a naghaidh a bhréithre.
29. Do iompoigh sé a nuisgeadha a bhfuil, agus do mharbh sé a níasg.
30. Thug a ttalamh amach luisgionna go líonmhar, a seomradhuibh codalta a ríghthe.
31. Do labhair sé, agus thainic cumasg do chuiléoguibh, míola iona ttéorannuibh uile.
32. Do rinne sé cloichshneachda da gceathaibh, teine lasardha iona ttalamh.
33. Agus do bhuáil sé a bhfíneamhuin agus a ccrann fíge; agus do bhris sé crainn a leithimil.
34. Do labhair sé, agus tháinic an lócuist, agus an caterpiller, agus níor bhféidir a náiriomh,
35. Agus a duádar a nuile luibh iona ttalamh, agus a duádar súas toradh a bhfearuinn.
36. Agus do bhuáil sé a gcéidgheine iona ttalamh, tosach a neirt úile.
37. Agus thug sé leis amach íad maille re hairgiod agus ré hór: agus ní raibh duine meirtneach ann a ttreabhuibh.
38. Do bhí an Négipt lúathgháireach a núair do imgheadar: óir do thuit a neagla orra.
39. Do leathnuigh sé néull mar fholach; agus teine do thabhairt soluis san noidhche.
40. Díarradar, agus thug se chugtha na gearragoirt, agus do shásuidh sé íad re harán ó neamh.
41. Dfosgail sé an charraic, agus do lingeadar na huisgeadha amach; do reathadar a náitibh tiorma mar shruth.
42. Oír do chuimhnigh sé bríathar a náomhthachda, do Abraham a sheirbhíseach.
43. Agus thug se leis amach a mhuinntír lé gáirdeachas, a dháoine toghtha lé lúathgháire;
44. Agus thug sé dhóibh fearann na gcineadhach: agus do ghabhadar sáothar na ndaoine mar oighreachd;
45. Iondus go ccongmhaidís a reachda, agus go ccoimhéadaidís a dhlighthe. Moluidhesi an TIGHEARNA.