1. Graidheochuidh mé thú, a THIGHEARNA mo neart.
2. An TIGHEARNA mo charruic, agus mo dhaingean, agus mfear sáortha; mo Dhía, mo neart, ióna ccuirfe mé mo dhóthchus; mo scíath, agus adharc mo shlánuighthe, mo ionad árd.
3. Goirfe mé air an TTIGHEARNA, nóch is fiú a mholadh: agus saorfuighthear óm naimhdibh mé.
4. Do thimchiolladar doilghiosa an bháis mé: do eagluigheadar tuilte na neimh-dhíadhachda mé.
5. Do thimchiolladar doilghiosa ifrinn fa ccúairt mé: do cuireadh líonta an bháis as mo choinne.
6. Ann mamhgar do ghoireas air mo THIGHEARNA, agus déighios air mo Dhía: do chúaluidh sé ó na theampull mo ghuth, agus do chuáidh méighmhe ós a choinne, iona chlúasaibh.
7. Ann sin do chroith agus do chriothnuigh an talamh; agus do chriothnuigheadar íochdar na ccnoc agus do chriotheadar íad féin, do bhrígh go raibh teas feirge air.
8. Do chuáidh deatach suas tré na shróin phuill agus teine iosa bhéul ag cnaói: do lás gúal úadha.
9. Agus do chláon sé na neamha agus tháinic a núas: agus do bhí dorchadus fa na chosuibh.
10. Agus do bhí ag marcuigheachd ar Cherub, agus deitil sé; deitil go ro lúath ar sciothánuibh na gaóithe.
11. Do rinne a ionad uáigneach don dorchadus; uisgeadh dorcha agus néulla tiugha a naiéir bá páilliúin dóma thimchioll.
12. On deálradh do bhí as a choinne dimthigheadar a néulla tiugha, cloichshneachda, agus gúal teineadh.
13. Agus do rinne an TIGHEARNA tóirneach annsna neamhuibh, agus thug an té is ro áirde a ghuth; cloichshneachda agus gúal teineadh.
14. Fós, do chaith sé a shoighde, agus do spréidh sé íad; agus do chaith tinnteach, agus do chlaói íad.
15. Agus do chonncas aigéun na nuisgeadh, agus do nochtadh íochdar an domhuin ód achmhusansa, a THIGHEARNA, ó shoinnéun anála do shróna.
16. Do chuir sé a núas, do ghabh sé misi, do tharruing sé me as iomad uisgeadh.
17. Do sháor sé me óm námhuid neartmhuir, agus ón druing do fhúathaigh mé: óir do bhádar ro neartmhar orum.
18. Thangadar am aghaidh a ló mo thruáighmhéile: acht do bhí an TIGHEARNA na urrainn agam.
19. Agus thug sé amach a nionad fhairsing mé; do sháor sé mé, do bhrígh go raibh dúil aige ionnam.
20. Do aisig an TIGHEARNA dhamh do réir mfíréantachd; do reír ghloine mo lámh thug sé díoluigheachd dhamh.
21. Do bhrígh gur choimhéud mé slighthe an TIGHEARNA, agus nar fhill mé go cionntach ó mo Dhía.
22. Oír do bhádar a bhreitheamhnusa uile ós mo chomhair, agus níor chuireas a reachda uáim.
23. Agus do bhí mé díreach aige, agus do choimhéadas mé féin ó mo chionntuibh.
24. Agus thug an TIGHEARNA luáigheachd dhamh do reír mfíréuntachda, do reír ghloine mo lámh ós coinne a shúl.
25. Don trócaireach táisbeanfa tú thú féin trócaireach; ris an duine díreach táisbeanfa tú thú féin díreach;
26. Do nfíorghlan foillseachthair thú féin fíorghlan; agus leis an cceannairctheach foillseochthair thú féin ceannairctheach.
27. Oír sáorfa tú na daóine buáidheartha; agus bhéarair na súile ro árda a núas.
28. Oír lasfaidh tú mo chonniol: soillseochthuidh mo THIGHEARNA Día mo dhorchadus.
29. Oír tré do chungnamhso rithfiod thríd shlúagh; agus maille ré mo Dhía rachad do léim thar bhalla.
30. Do tháobh Dé, atá a shlighe iomlán: do dearbhadh bríathra an TIGHEARNA: is scíath é do nuile chuirios a ndóthchus ann.
31. Oír cía is Día acht an TIGHEARNA? cía is carruig acht ar Ndíane?
32. An Día noch ullmhuighios mé le neart, agus do ní mo shlighe iomlán.
33. Noch do ní mo chosa ionann ré cosuibh na neilteadh, agus shuighios mé ar mionaduibh árda.
34. An té mhuinios mo lámha chum cogadh, iondus go mbristior bogha crúadha rem lámhuibh.
35. Agus thuguis dhamh mar an gceudna scíath do shlánuighthe: agus do chonnaimh do lámh dheas súas mé, agus do mhéuduigh do cheansachd mé.
36. Fairseonguidh tú mo choiscéime fúm, agus ní sciorrfuid mo shála.
37. Do bhéar tóruigheacht dom naimhdibh, agus béarad orra: agus ní fhillfe mé go cclaóidhtear íad.
38. Gonfead íad thríotha iondus nach budh éidir léo éirghe: tuitfid fam chosuibh.
39. Uillmheochuidh tú lé neart mé chum an chatha: claoidhfidh tú an luchd éirghios am aghaidh.
40. Agus thugais muinéul mo námhad dhamh; agus na luchd fhuáithighios mé scriosfa mé íad.
41. Do dhéanuid éimhghe, (agus ni bhiáidh áon do dhéanadh a ndídion): chum an TIGHEARNA, agus ní chluinfe sé íad.
42. Agus brúighfe mé íad amhuil luáithreadh roimhe an ngaóith: amhuil lathach annsna sráidibh sailteoruidh mé orra.
43. Saorfa tú mé ó imreasain na ndaóine; cuirfir mé mar cheann air na cineadhachaibh: daóine nar bhaithne dhamh do dhéanuid serbhís damh.
44. Comhluath is chluinfid a ccluas, caithfid bheith umhal damh: caithfidh an coigcrigheach umhla do dhéanamh dhamh.
45. Tuitfid na coigcrígh, agus biáidh eagla orra as a nionaduibh daingne.
46. Mairidh an TIGHEARNA; agus go madh beannuigh bhias mo charruic; agus árduighthear Día mo shlánuighthe.
47. An Día noch do bheir dioghaltas ar mo shonsa, agus a deir ris na daóinibh bheith urramach dhamh.
48. Sáorfa tú mé óm naimhdibh: iseadh, tógfa tú mé ós cionn na druinge éirghios súas am aghaidh: sáorfa tú me ó fhear a nfhoiréigin.
49. Ar a nadhbharsin molfa mé thú, a THIGHEARNA, a measc na ngeinteadh, agus canfad moladh dot ainm.
50. Noch do bheir fúascluithe móra dha rígh; agus fhoillsighios trócaire dhá ungthach, do Dháibhi, agus dá shíol go bráth.