1. O le fa‘amanatuina o Iosia ‘ua ‘avea ma se paluga o mea manogi,o le galuega a lē fai mea manogi.
2. E suamalie e pei o le meli i laugutu uma le fa‘amanatuina o ia,e pei fo‘i o se fati mālie i se faigā‘ai e inua ai le uaina.
3. Na tofia o ia e le Atua e fa‘atupu le salamō o le nu‘uma ‘ua ‘ave‘esea e ia o mea ‘inosia a ē amio leaga.
4. Na ia ua‘i atu lona loto i le Ali‘i ma ‘ua na fa‘amausalī le amiotonu i aso sa faula‘i ai agasala.
5. O Tavita, Esekia ma Iosia ‘ua vavae‘eseina i latou,a o isi tupu o Iuta ‘ua latou faia uma lava le agasala;
6. auā ‘ua latou tu‘ulafoa‘i le tulafono a le Silisili‘esema ‘ua latou ta‘ufa‘atauva‘a le mata‘u i le Atua.
7. ‘Ua latou tu‘uina atu lo latou mālō i tagata ‘ese,o lo latou mamalu fo‘i i se nu‘u ‘ese,
8. na latou susunuina le ‘a‘ai na filifilia ‘ia tu‘u i ai le mea pa‘iama ‘ua latou fa‘agaogao ona auala ‘ona o Ieremia,
9. auā na latou taufa‘ataugā ‘iā te ia,o ia na fa‘apa‘iaina e fai ma perofeta a o le‘i fānau mai o ia,‘ina ‘ia lia‘iina e ia ma lepetia ma fa‘aumatia,‘ia toe fa‘atūina fo‘i e ia ma fa‘afouina.
10. Na iloa e Esekielu le fa‘aaliga o le mamalu na fa‘aalia ‘iā te ia i le nofoa fa‘ata‘avalevale a le ‘au kerupi.
11. Auā ‘ua na manatua o fili i timuga tetele,‘ua agalelei atu i ē fa‘asino i ala tonu.
12. A o ivi o perofeta e to‘asefulu ma le to‘alua,‘ia fua mai ni fua i o latou tu‘ugamau,auā ‘ua latou fa‘amalosia o Iakopo,‘ua latou fa‘aola ‘iā te ia i le fa‘atuatua mausalī.
13. Tatou te fa‘alupe fa‘apefea ‘iā Serupapelu?Auā ‘ua pei o se mama fa‘amaufa‘ailoga i le lima taumatau.
14. E fa‘apea fo‘i o Iosua le atali‘i o Iosatako,na latou ati a‘e i o latou lava aso le maota,ma fa‘atū le malumalu pa‘ia i le Ali‘i,o saunia mo se mamalu e fa‘avavau.
15. E fa‘apea o Neemia, e manatua o ia i aso e tele,o lē ‘ua toe atiina a‘e mo i tatou o ‘aupā vali sa lepetiama ‘ua na toe fa‘atū o puipui ma fa‘amau fa‘alava, toe ati a‘e o tatou fale.
16. ‘Ua leai se tasi e pei o Enoka o ē na fānanau mai i le lalolagi,auā o ia ‘ua ‘avea nai le lalolagi.
17. ‘Ua leai se tasi e pei o Iosefa, lē na fānau mai e fai ma ali‘i o ona uso ma fa‘alagolago o le ‘āiga,o le ta‘ita‘i o ona uso, o le fa‘amausaliga o le nu‘u.
18. Na tausia ma le āva o ona ivi,‘ua fai ai o valo‘aga ‘ina ‘ua maliu o ia.