Le mataupu

  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14
  15. 15
  16. 16
  17. 17
  18. 18
  19. 19
  20. 20
  21. 21
  22. 22
  23. 23
  24. 24
  25. 25
  26. 26
  27. 27
  28. 28
  29. 29
  30. 30
  31. 31
  32. 32
  33. 33
  34. 34
  35. 35
  36. 36
  37. 37
  38. 38
  39. 39
  40. 40
  41. 41
  42. 42
  43. 43
  44. 44
  45. 45
  46. 46
  47. 47
  48. 48
  49. 49
  50. 50
  51. 51

Feagaiga Tuai

Feagaiga Fou

Sirako 15 O LE TUSI PA'IA - Ekalesia Katoliko Roma (RSCB)

Vi‘iga o le Poto

1. O le tagata ‘ua mata‘u i le Atua e amio lelei lava ia;o lē tumau i le amiotonu e maua e ia le poto.

2. E fa‘afetaia‘i le poto ‘iā te ia e pei o se tinā fa‘aaloalogia,na te tali ‘iā te ia e pei o se taupou i lana tane.

3. Na te fafaga ‘iā te ia i le areto o le ola ma le mafaufau ma fa‘ainu ‘iā te ia le vai fa‘aola o le poto;na te fa‘amausalī ‘iā te ia, ‘ona lē mafa‘agae‘etia lea o ia.

4. Na te tāofi mau ‘iā te ia, ‘ona lē māsiasi ai lea o ia;na te fa‘amamaluina ia i luma o ona soa.

5. Na te tālā ona laugutu i totonu o le fa‘apotopotoga ma fa‘atumu ‘iā te ia i le agaga o le potoma le mafaufau ma fa‘a‘ofu ‘iā te ia i le ‘ofu o le mamalu.

6. Na te fa‘aputuputu mo ia se tu‘ugā‘oa o le fiafia ma le ‘oli‘oli,na te faia mōna tofi le ta‘uleleia e fa‘avavau.

7. E lē maua le poto e tagata vālelea, ‘ae fa‘afetaia‘i ‘iā te ia tagata mafaufau.E lē iloa lava ia e tagata vālelea, auā e tu mamao lava ia ma le fa‘amaualuga ma le pepelo.

8. E lē manatua ia e tagata talapepelo;‘ae fa‘atasia ia ma tagata fa‘amaoni,latou te manuia ai e o‘o atu i le fa‘amasinoga a le Atua.

9. E lē matagofie le vi‘iga i le gutu o le tagata agasala,

10. auā o le Atua na puna mai ai le poto; e soa le poto ma le vi‘iga o le Atua,e faula‘i lava ia i laugutu o lē fa‘amaoni, e foa‘iina mai ‘iā te ia e le Ali‘i mamana.

O le Loto Faitalia

11. ‘Aua ne‘i e fa‘apea ifo, “O le Atua lava ‘ua ‘ou lē maua ai le poto.”Auā o mea ‘ua ‘inosia e le Atua sa lē tatau lava ‘ona e faia.

12. ‘Aua ne‘i e fa‘apea ifo, “O ia lava ‘ua na fa‘asesē ‘iā te a‘u.”Auā e lē aogā ‘iā te ia tagata amio leaga.

13. E ‘ino‘ino le Ali‘i i mea fa‘asesē uma o le amio leaga;‘aua lava ne‘i naunau i ai o ē matata‘u ‘iā te ia.

14. Na faia le tagata e le Atua i le amataga ma ‘ua tu‘ua ia i le pule a lona loto faitalia.

15. ‘Ua tu‘u atu fo‘i ‘iā te ia ana poloa‘iga māna tulafono.

16. ‘Āfai ‘ua e fia tausi i poloa‘iga, e tausia ai lava oe;‘e te tausi ai fo‘i e o‘o i le fa‘avavau i le fa‘amaoni e fiafia i ai le Atua.

17. ‘Ua tu‘u mai ‘iā te oe le vai ma le afi,‘e te fa‘aloaloa lou lima i le mea ‘e te loto i ai.

18. O i luma o le tagata le ola ma le oti, le lelei ma le leaga:o le mea e filifili i ai o ia, o le mea lava lea e tu‘uina mai ‘iā te ia;

19. auā ‘ua faula‘i le poto, o le Atua, ‘ua malosi o ia i lona mana,‘ua silasila ifo o ia i tagata uma e lē aunoa lava.

20. O fofoga o le Ali‘i o lo‘o fa‘asaga i ē amiotonu,ma ‘ua silafia e ia o galuega uma lava a le tagata.

21. ‘Ua lē poloa‘i mai e ia i se to‘atasi ‘ia amio leaga o ia,‘ua na lē fa‘agafua fo‘i i se to‘atasi le fai o le agasala.

22. Auā e lē mana‘o o ia i se vao fānau vaogatatā ma le lē aogā.