1. O le tagata poto ‘ua na sā‘ili le poto o ē mai anamua uma lava,e fa‘aaogā ona itūlā avanoa i le faitau i le ‘au perofeta.
2. E tāofia e ia le tala i tagata ta‘uta‘ua,na te mafaufau i uiga sautualasi o fa‘ata‘oto.
3. Na te sā‘ilia le ‘a‘ano lilo o ‘upu tāua,na te su‘esu‘eina o uiga lilo o fa‘ata‘oto.
4. E mafuta o ia ma tagata mamalu,e tu o ia i luma o le ali‘i sili.
5. E malaga atu o ia i le ‘ele‘ele o nu‘u ‘ese;auā e fia tofotofo e ia o mea lelei ma mea leaga o i le tagata.
6. E fa‘asaga atu lona loto e alaala i le vaveao i luma o le Ali‘i ‘ua na faia o ia,na te faia ana talosaga i luma o le Silisili‘ese.
7. E matala lona fofoga i le tatalo,na te fa‘atoga atu mo ana soligātulafono.
8. ‘Āfai e finagalo i ai le Ali‘i mamalu,e fa‘atumuina lava ia i le agaga o le malamalama.
9. E fa‘atō ifo e pei o le timuga o fa‘amatalaga o lona poto,na te vivi‘i atu i le Atua i lana tatalo.
10. Na te fa‘atonu lona mafaufau ma lona loto,na te su‘esu‘eina o mea lilo a le Atua.
11. Na te fa‘asalalauina o matā‘upu o lana a‘oa‘oga,e fai mōna mamalu le tulafono o le feagaiga a le Ali‘i.
12. E vi‘ia lona poto e le to‘atele,e lē galo lava o ia e o‘o i le gata‘aga.
13. E lē āu te‘a le manatu ‘iā te ia,e ta‘uta‘ua lona igoa i lea tupulaga ma lea tupulaga.
14. E talaina mai lona poto e nu‘u uma, e vi‘ia lava ia e le fa‘apotopotoga.
15. O aso e ola ai o ia, e sili ‘ona ta‘uta‘ua o ia i le to‘aafe;e o‘o fo‘i ‘ina mapu o ia, e sili lava ‘ona ta‘uleleia.
16. ‘Ou te tala atu pea o‘u mafaufauga,auā ‘ua fa‘atumuina lava lo‘u loto, e lē ma tāofia.
17. ‘Ua fa‘apea mai le leo:‘Inā fa‘alogo mai ia, ‘outou le fānau pa‘ia,‘ia fua ni ‘outou fua e pei o le la‘au o le rosa ‘ua totōina i tafatafa o le vaitafe.
18. ‘Ia manogi lelei mai e pei o le pulu o Lepanona.
19. ‘Ia ‘outou fua ni o ‘outou fuamātala e pei o le susanama ‘ia pua‘iina mai lo ‘outou nanamu, ‘ia fai ni lālā matagofie;ma ‘ia ‘outou pepese le pese o le vi‘iga, o vivi‘i atu i le Atua i ana galuega.
20. ‘Ia ‘outou vivi‘i i lē Silisili‘ese o lona suafa,‘inā fa‘amanū ia ‘iā te ia i ‘upu a ‘outou laugutuma le kitara ma ‘ia ‘outou ta‘uta‘u o fa‘apea mai:
21. “O galuega uma lava a le Ali‘i ‘ua ma‘eu ‘ona lelei.”‘Aua le fa‘apea mai: “Po o le a le mea nei”“po o le a le mea lenā?”Auā e fa‘aaogāina mea uma i le itū aso e tatau ai.
22. O lana fetalaiga na fa‘apotopoto ai le vai e pei o se fa‘aputuga;o le fetalaiga fo‘i a ona laufofoga na i ai o fa‘atanoa e talia ai o vai.
23. Auā o lana poloa‘i e taunu‘u ai lona finagalo malie ma ‘ua lē matāofia lana fa‘aolataga.
24. O galuega a tagata uma ‘ua i ona lumama ‘ua leai se mea e tasi e lilo i ona fofoga.
25. Na te silasila mai le vavau e o‘o i le vavauma ‘ua leai se mea e ofoofogia i lana silafaga.
26. ‘Aua le fa‘apea mai: “Po o le a le mea nei,” “po o le a le mea lenā?”Auā e fa‘aaogāina mea uma i le itū aso e tatau ai.
27. O le fa‘amanuiaga a le Ali‘i‘ua pei o le vaitafe pe a lofia ona ‘auvai.
28. E pei ‘ona lofia le lau‘ele‘ele i le lolo vai,e fa‘apea o lona to‘asā ‘ona fai ma tofi o nu‘una latou lē sā‘ili‘ili ‘iā te ia.
29. E pei ‘ona ia liliu o vai e fai ma mea matūtū,ona pa‘umatū ai lea le lau‘ele‘elema ‘ua laugatasi ona ala mo ona tagata,e fa‘apea ‘ona maua e tagata agasalai lona to‘asā ni mea e tausuai ai.
30. Na faia mea lelei mo tagata lelei talu mai le amataga,e fa‘apea fo‘i ‘ona faia mea leleima mea leaga mo tagata aupito leaga.
31. O mea ‘ua aogā tupito mo le ola o tagata:o le vai, o le afi, o le u‘amea, o le masima,o le suāsusu, o le areto e gaosi i le falaoa,o le meli, o le fuifuivine, o le suāu‘u ma le ‘ofu.
32. O mea uma ia e ‘avea ma mea lelei mo tagata lelei,‘ae liua ma mea leaga mo tagata amio leaga ma tagata agasala.
33. E i ai ni matagi ‘ua faia e fa‘asala ai tagatama ‘ua latou fa‘amausalī i lo latou ita o puapuagā ‘ua latou fa‘atupu.
34. O ona po o le gata‘aga e fa‘aaogāina lo latou malosi,latou te fa‘alaulelei le to‘asā o lē ‘ua na faia i latou.
35. O le afi, o le uato‘a, o le oge ma le oti,o mea uma ia na faia ma fa‘asalaga;
36. o nifo o manu fe‘ai, o akarava, o gata ma le pelue fai ma sala a ē amio leaga se‘ia fa‘aumatia ai.
37. E fiafia lava i latou i ana poloa‘iga,e nofo sauni i latou i le lalolagi mo le itūlā tatau,a o ona po e tusa ai latou te lē solia lana poloa‘iga.
38. O le mea lea ‘ua ‘ou mautū ai i o‘u manatu talu le amataga; ma ‘ou mafaufau i ai ma ou filifili i ai, ‘ona ‘ou fa‘amau lea i se tusi,
39. “E lelei uma lava galuega a le Ali‘i;e fa‘aaogāina lava mea ta‘itasi i lona lava itū aso.”
40. E lē tatau ‘ona fa‘apea: “O le mea lea e sili lona leaga i lo lenei mea,”auā e fa‘amaonia mea uma i ona po e tatau ai.
41. O lenei la, ‘ia ‘outou pepese ma le loto ‘atoa ma laugutu ma ‘ia ‘outou fa‘amanū i le suafa o le Ali‘i.