Le mataupu

  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14
  15. 15
  16. 16
  17. 17
  18. 18
  19. 19
  20. 20
  21. 21
  22. 22
  23. 23
  24. 24
  25. 25
  26. 26
  27. 27
  28. 28
  29. 29
  30. 30
  31. 31
  32. 32
  33. 33
  34. 34
  35. 35
  36. 36
  37. 37
  38. 38
  39. 39
  40. 40
  41. 41
  42. 42
  43. 43
  44. 44
  45. 45
  46. 46
  47. 47
  48. 48
  49. 49
  50. 50
  51. 51

Feagaiga Tuai

Feagaiga Fou

Sirako 47 O LE TUSI PA'IA - Ekalesia Katoliko Roma (RSCB)

O Natano

1. ‘Ona tula‘i lea o Natano o le perofeta, i aso o Tavita.

O Tavita

2. Fa‘apei ‘ona vavae‘eseina o le ga‘o mai le ‘a‘ano,e fa‘apea ‘ona vavae‘eseina Tavita mai le fānauga o Isaraelu.

3. Na ta‘alo o ia i leona i aso o lona taule‘ale‘a, e peiseaī o ni tama‘i mamoe;e fa‘apea fo‘i i urosa, e peiseaī o ni tama‘i mamoe ‘ua tasi le tausaga.

4. Pe na lē fasiotia ‘ea e ia le toa ma ‘ave‘esea ai le māsiasi o le nu‘u?

5. ‘Ua si‘i a‘e lona lima ma ‘ua ia fa‘ato‘ilaloina i le ma‘a,o le ma‘a o le ma‘atā le fa‘amaualuga o Koliata.

6. Auā ‘ua ia vala‘au atu i le Ali‘i, o le Silisili‘ese,ma ‘ua foa‘iina mai i lona lima taumatau ‘ia faia‘ina ai le tagata malosi i le tau‘a,ma ‘ia fa‘amaualugaina ai le nifo o lona nu‘u.

7. O le mea lea ‘ua ta‘uta‘ua ai o ia i le sefulu o afe,‘ua vi‘ia o ia ‘ona o fa‘amanuiaga a le Ali‘i,‘ua tu‘uina atu ‘iā te ia le pale mamalu.

8. Auā ‘ua na fa‘aumatia le fili i itū uma, ‘ua na tatao i lalo le ‘au Filisitia loto leaga,e o‘o mai i le aso nei, ‘ua na tu‘imomomo lo latou nifo e o‘o i le fa‘avavau.

9. O ana galuega uma ‘ua ia fa‘afetai atu ai i le Pa‘ia,o ana ‘upu ‘ua ia fa‘amamalu ai i le Silisili‘ese.

10. Na ia vivi‘i atu i le Ali‘i ma lona loto ‘atoa, ‘ua na alofa atu i le Atua,‘ua na faia o ia ma tu‘u mai ‘iā te ia le malosi e tete‘e atu i ona fili.

11. ‘Ua na tofia le ‘au faipese e tutū i luma o le fatafaitaulaga,‘ua na lagi mai i o latou leo ni fati mālie.

12. ‘Ua na fa‘amamaluina o sauniga pa‘ia, ‘ua na tausi lelei i aso ma vaitausaga e o‘o i le fa‘ai‘uga o lona ola,‘ina ‘ia vi‘ia ai le suafa pa‘ia o le Ali‘i ma ‘ia āfua mai i le vaveao ona ta‘alili i pese le malumalu o le Atua.

13. Na sōloi‘esea e le Ali‘i ana agasala ma ‘ua na fa‘amaualugaina lona nifo e o‘o i le fa‘avavau;ma ‘ua tu‘u mai ‘iā te ia le tofi o le tupu ma le nofoāli‘i mamalu o Isaraelu.

O Solomona

14. ‘Ua soloa‘i ane ‘iā te ia lona atali‘i ‘ua tumu i le potoma ‘ua fa‘aumatia le malosi uma o le fili ‘ona o ia.

15. Na fai Solomona ma tupu i aso manuia, na tu‘uina i lalo e le Atua ona fili uma,‘ina ‘ia ati a‘e e ia se maota i lona suafa ma ia saunia e ia se malumalu e fa‘avavau.Ma‘eu le a‘oa‘oina o oe i aso o lou taule‘ale‘a,

16. ma ‘ua fa‘atumuina oe i le poto e pei o se vaitafe.Na so‘o le lalolagi i lou atamai,

17. na e fa‘ateleina o ‘upu lilo ma fa‘ata‘oto.Na ‘avea lou igoa e o‘o atu i motu mamao ma ‘ua alofagia oe i lou mālō filemū.

18. O au pese, o au fa‘ata‘oto, o au fa‘atusa ma au fa‘amatalaga na ofo ai le lalolagi.

19. Na ofo fo‘i i le suafa o le Ali‘i le Atua, lē ‘ua fa‘aigoaina le Atua o Isaraelu.

20. ‘Ua e fa‘aputuina le auro e pei o le ‘apa,‘ua e fa‘ateleina le ario e pei o le pulu.

21. ‘Ona e punou ai lea i fafine, ‘ua fa‘apologaina oe e lou tino.

22. ‘Ua e fa‘a‘ele‘elea lou mamalu, ‘ua e fa‘aleagaina lou gafa,‘ua e fa‘atō ifo le to‘asā i luga o lau fānau, e tigā i latou ‘ona o lou fa‘avalea.

23. ‘Ua e fa‘atupuina le vaeluaina o le mālō ma le pule‘aga faigatā i le pule mai o Efaraima.

24. ‘Ae le tu‘ulafoa‘i e le Atua lona agaalofa, na te lē fa‘aleagaina ma sōloi‘esea ana galuega,na te lē fa‘aumatia i lo latou tupu‘aga o fānau a lē na ia filifilia,na te lē sōloi‘esea le gafa o lē alofa i le Ali‘i.

25. ‘Ua na tu‘u mai ni ē totoe o Iakopo, o le tātupu mai le a‘a o Tavita.

O Reopoamo

26. Ma ‘ua mapu o Solomona fa‘atasi ma ona tua‘ā,

27. ma ‘ua na tu‘u mai lona atali‘i e soloa‘i ane ‘iā te ia, lē na fa‘aoso le valea o le nu‘u.

28. O Reopoamo, ‘ua leai sona mafaufau,‘ua na fa‘ate‘a le nu‘u ‘ona o lana taupulepulega.

O Ierepoamo

29. O Ierepoamo, le atali‘i o Nepata,o lē na fa‘aoso ‘iā Isaraelu i le agasala ma tatala ‘iā Efaraima le ala o le solitulafono. Ma ‘ua fa‘ateleina anoanoa‘i a latou agasala.

30. ‘Ua matuā tuli‘eseina ai i latou mai lo latou lau‘ele‘ele,

31. ma ‘ua latou tuliloa i amio leaga uma, se‘ia o‘o mai ‘iā te i latou le fa‘asalaga,na lavea‘iina ai i latou a‘i a latou agasala uma.