Le mataupu

  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14
  15. 15
  16. 16
  17. 17
  18. 18
  19. 19
  20. 20
  21. 21
  22. 22
  23. 23
  24. 24
  25. 25
  26. 26
  27. 27
  28. 28
  29. 29
  30. 30
  31. 31
  32. 32
  33. 33
  34. 34
  35. 35
  36. 36
  37. 37
  38. 38
  39. 39
  40. 40
  41. 41
  42. 42
  43. 43
  44. 44
  45. 45
  46. 46
  47. 47
  48. 48
  49. 49
  50. 50
  51. 51

Feagaiga Tuai

Feagaiga Fou

Sirako 5 O LE TUSI PA'IA - Ekalesia Katoliko Roma (RSCB)

O le Fa‘aeteete i ‘Oloa Fa‘alelalolagi

1. ‘Aua ‘e te tauivi atu i ‘oloa o le amioletonu,‘aua fo‘i ‘e te fa‘apea ifo, “‘Ua lava a‘u mea ‘ou te ola ai.”Auā e lē aogā lava ia i ona po o le fa‘asalaga ma le tofotofoga.

2. ‘Aua ‘e te ‘ana‘ana i tu‘inanau o lou loto ma lou tino malosi.

3. ‘Aua fo‘i ‘e te fa‘apea ifo, “‘Ua ‘ou malosi lava! po o ai e tāofi ‘iā te a‘u i a‘u amioga?”Auā o le Atua lava na te taui ma sui ‘iā te oe.

4. ‘Aua ‘e te fa‘apea ifo, “‘Ua ‘ou agasala, se ā se leaga ‘ua o‘o mai ai ‘iā te a‘u!”Auā e telegese le fa‘asalaga a le Silisili‘ese.

5. ‘Ia i ai pea sina ou fefe i agasala ‘ua fa‘amāgaloina,‘aua ‘e te fa‘aopoopo ai le agasala i luga o le agasala.

6. ‘Aua fo‘i ‘e te fa‘apea ifo, “E tele le agaalofa o le Ali‘i,e alofa lava ia i le faula‘iga o a‘u agasala;”

7. auā e vāvālalata lona agaalofa ma lona to‘asā,e fa‘asaga atu fo‘i lona to‘atama‘i i tagata agasala.

8. ‘Aua ne‘i e fa‘atuai lau liliu atu i le Ali‘i,‘aua le tolo i tua i lea aso ma lea aso,

9. auā e fa‘afuase‘i ‘ona pesi mai lona to‘asā;e fa‘aumatia oe i le aso o le fa‘asalaga.

10. ‘Aua ‘e te fa‘alagolago i ‘oloa o le amioletonu,auā e lē aogā lava ‘iā te oe i le aso o le tofotofoga ma le fa‘asalaga.

O le Fa‘amaoni ma le Amio Pulea

11. ‘Aua ne‘i lūlūina oe i matagi uma, ‘aua fo‘i ‘e te savali i ala uma,auā e fa‘apea ‘ona mautinoa o le tagata agasala, ‘ona ‘ua fa‘agutugutulua.

12. ‘Ia e mautū i le ala o le Ali‘i ma le fa‘amaoni o lou mafaufau ma lou malamalama;‘ia fa‘atasi pea ma oe le ‘upu o le filemū ma le amiotonu.

13. ‘Ia e to‘aga i fa‘alogo i le ‘upu, ‘ina ‘ia malamalama ai ‘iā te oe,‘ona e fai ai lea ma le mafaufau le tali e tatau ai.

14. ‘Āfai ‘ua e atamai, ‘ia e tali i lē lua te tuā‘oi;a leai, ‘ia e tu‘u lou lima e tāofi a‘i lou gutu, ‘ina ne‘i lavea oe ‘ona o sau ‘upu e lē tusa, ‘ona e māsiasi ai lea.

15. O le mamalu ma le vi‘iga i le ‘upu a le tagata mafaufau,a o le laulaufaiva o lē ‘ua leai sona mafaufau e fa‘aumatia a‘i o ia.

‘Ia Pulea le Laulaufaiva

16. ‘Aua ne‘i ta‘ua oe o le faitatala, ‘ina ne‘i lavea oe ‘ona o lou laulaufaiva, ‘ona e māsiasi ai lea.

17. Auā o le māsiasi ma le salamōvale e maua ai le tagata gaoi,a o le igoa matuā leaga e igoa ai le tagata fa‘agutugutulua;a o le faitatala, na te maua le ‘ino‘ino, le loto leaga ma le tauemuga.

18. ‘Ia e fa‘amasino tonu i le tagatanu‘u,‘ia tusa ma lau fa‘amasino i le tagata mamalu.