1. O atali‘i nei o Isaraelu; o Reupena, o Simeona, o Levi ma Iuta, o Isakara ma Sepulona,
2. o Tanu, o Iosefa ma Peniamina, o Nafatali, o Kato ma Asera.
3. O atali‘i o Iuta; o Eru ma Onani ma Sila, e to‘atolu i latou na fānau ‘iā te ia i le afafine o Sua o le sa Kananā. A o Eru le ulumatua a Iuta, sa leaga o ia i luma o le ALI‘I, ‘ona ia fasioti lea ‘iā te ia.
4. O Tamara fo‘i le avā a lona atali‘i na fānau ia ‘iā te ia o Faresa ma Sera. O atali‘i uma o Iuta e to‘alima ia.
5. O atali‘i o Faresa, o Esarona ma Hamulu.
6. O atali‘i fo‘i o Sera, o Semeri ma Etano ma Hemana ma Kalakolu, ma Tarata; o i latou uma ia e to‘alima.
7. O le atali‘i fo‘i o Karame; o Akara, o ia na fa‘atigāina Isaraelu, o lē na agasala i le mea na fa‘atoina.
8. O le atali‘i fo‘i o Etano; o Asaria.
9. O atali‘i fo‘i o Esarona, na fānau mai ‘iā te ia; o Ieramaelu ma Rama ma Kalepo.
10. Na fānaua fo‘i e Rama o Aminatapu; na fānaua fo‘i e Aminatapu o Naasona, o le ali‘i sili lea o le fānauga a Iuta;
11. na fānaua fo‘i e Naasona o Salemona; na fānaua fo‘i e Salemona o Poasa;
12. na fānaua fo‘i e Poasa o Opeta; na fānaua fo‘i o Opeta o Iese;
13. na fānaua fo‘i e Iese lana ulumatua o Eliapo, o Apinatapa o lona to‘alua lea, o Sama o lona to‘atolu lea,
14. o Natanielu o lona to‘afa, o Ratai o lona to‘alima,
15. o Osema o lona to‘aono, o Tavita o lona to‘afitu;
16. o latou tuafafine fo‘i o Seruia ma Apikaila. O fānau fo‘i a Seruia; o Apisai, ma Ioapo ma Asaeli e to‘atolu.
17. Na fānau mai fo‘i e Apikaila o Amase, o le tamā o Amase o Ietero lea o le sa Isamaelī.
18. Na fānaua fo‘i atali‘i o Kalepo le atali‘i o Esarona ‘iā Asopa lana avā ma Ieriota; o ana tama ia; o Iesera ma Sopapa ma Aretonu.
19. ‘Ua oti Asopa, ‘ona fai avā ai lea o Kalepo ‘iā Efarata, ‘ua fānau fo‘i ‘iā te ia o Huro.
20. Na fānaua fo‘i e Huro o Auri, na fānaua fo‘i e Auri, o Pesaleli.
21. E mulimuli ane fo‘i ‘ona alu ane ai lea o Esarona i le afafine o Makiro o le tamā o Kiliata, na ia fai avā ai ‘ina ‘ua o‘o i ona tausaga e ono sefulu; na fānau fo‘i o ia ‘iā te ia o Sekupu.
22. Na fānaua fo‘i e Sekupu o Iairo; sa ‘iā te ia o ‘a‘ai e lua sefulu ma le tolu i le nu‘u o Kiliata.
23. Na faoa e ia o Kasuri ma Arama nai ‘iā te i latou, ‘atoa ma Havota-iairo, ma Kinata, ‘atoa ma ona faoa ‘a‘ai, o ‘a‘ai ia e ono sefulu. O ‘a‘ai uma ia na i ai i atali‘i o Makiro o le tamā o Kiliata.
24. ‘Ua oti Esarona i Kalepoefarata, ‘ona fānau lea ‘iā te ia e Avia le avā a Esarona o Asura o le tamā o Tikoa.
25. O atali‘i fo‘i nei o Ieramaelu o le ulumatua a Esarona, o Rama o le ulumatua ma Puna ma Orene, ma Osema ma Akia.
26. Sa ‘iā Ieramaelu fo‘i o le tasi avā, o lona igoa o Atara, o ia o le tinā o Onama.
27. O atali‘i fo‘i nei o Rama le ulumatua a Ieramaelu; o Maasa ma Iaminu ma Ekeru.
28. O atali‘i fo‘i nei o Onama; o Samai ma Iata. O atali‘i o Samai; o Natapu ma Apisura.
29. O le igoa o le avā, a Apisura o Aviaila, na fānau e ia ‘iā te ia o Akepana ma Molita.
30. O atali‘i o Natapu; o Seleta ma Apaima; a ‘ua oti Seleta, o leai sana fānau.
31. O le atali‘i o Apaima; o Isai. O le atali‘i o Isai; o Sesani. O le atali‘i fo‘i o Sesani; o Akalai.
32. O atali‘i fo‘i o Iata le uso o Samai; o Ietero ma Ionatana; a ‘ua oti Ietero, e leai sana fānau.
33. O atali‘i fo‘i o Ionatana; o Peleto ma Sasa. O atali‘i ia o Ieramaelu.
34. ‘Ua leai ni atali‘i o Sesani, ‘ua na o afafine; a ‘ua ‘iā Sesani le ‘au‘auna Aikupito, o lona igoa o Iara.
35. ‘Ua avane e Sesani lona afafine ‘iā Iara lana ‘au‘auna e fai māna avā; ‘ua fānau fo‘i e ia ‘iā te ia o Atai.
36. Na fānaua e Atai o Natano, na fānaua e Natano o Sapata.
37. Na fānaua fo‘i e Sapata o Efalalu, na fānaua e Efalalu o Opeta,
38. na fānaua fo‘i e Opeta o Ieu, na fānaua fo‘i e Ieu o Asaria,
39. na fānaua fo‘i e Asaria o Helesa, na fānaua e Helesa o Eliasa,
40. na fānaua fo‘i e Eliasa o Sesemai, na fānaua fo‘i e Sesemai o Saluma,
41. na fānaua e Saluma o Iekamia, na fānaua fo‘i e Iekamia o Elisama.
42. O atali‘i fo‘i o Kalepo o le uso o Ieramaelu; o Mesa o lana ulumatua, o ia o le tamā o Sifi; o atali‘i fo‘i o Maresa o le tamā o Heperona.
43. o atali‘i fo‘i o Heperona; o Koru ma Tapua ma Rekema ma Sema.
44. Na fānaua fo‘i e Sema o Raama, o le tamā o Iorekeama; na fānaua fo‘i e Rekema o Samai.
45. O atali‘i o Samai, o Meona; o Meona fo‘i o le tamā o Petesura.
46. Na fānau mai e Efa le palake a Kalepo, o Karana ma Mosa ma Kasese; na fānaua fo‘i e Karana o Kasese.
47. O atali‘i fo‘i o Iatai; o Rekema ma Iotamo ma Kisani ma Pelete, ma Efa, ma Saapo.
48. Na fānau mai e Maaka le palake a Kalepo, o Severa ma Tirekena.
49. Na fānau fo‘i e ia o Saapo o le tamā o Matamana, o Seva o le tamā o Makapena ma le tamā o Kipea.O le afafine o Kalepo o Akesa ia.
50. O atali‘i fo‘i nei o Kalepo le atali‘i o Huro, o le ulumatua a Efarata; o Sovala o le tamā o Kiriata-iarima,
51. O Salema o le tamā o Peteleema, o Harefa o le tamā o Petekateru.
52. O Sovala o le tamā o Kiriata-iarima, sa ‘iā te ia o atali‘i; o Haroe ma le tasi vaega o Manaka.
53. O ‘āiga o Kiriata-iarima; o sa Ieterō ma sa Putī ma sa Sumatī ma sa Meseraī; o i latou ia na tutupu ai sa Soraā ma sa Esetaolā.
54. O atali‘i o Salema; o Peteleema ma sa Netopā, o Atarota, o Peteioapu ma le tasi vaega o sa Manakā, o sa Soraā.
55. O ‘āiga fo‘i o ē tusi‘upu sa nonofo i Iapesa; o sa Tiratī, o sa Semaiā, o sa Sukā. O sa Kenī ia ē na tutupu ‘iā Hamato, o le tupuga o le ‘āiga o Rakapa.#