1 Nofoaiga a Tupu 3 O LE TUSI PA'IA - Ekalesia Katoliko Roma (RSCB)

O le Gafa o Tavita

1. O atali‘i nei o Tavita na fānau ‘iā te ia i Heperona; o le ulumatua o Amanono le tama a Ainoama o le Isereelu; o lona to‘alua, o Tanielu le tama a Apikaila le Karamelu.

2. O le to‘atolu, o Apisaloma le tama a Maaka, o le afafine o Talemai le tupu o Kasuri; o le to‘afa, o Atonia le tama a Hakita;

3. o le to‘alima, o Sefatia le tama a Apitala; o le to‘aono, o Itereamu le tama a Ekeli lana avā.

4. O le to‘aono ia na fānau ‘iā te ia i Heperona; na fai ai o ia ma tupu i tausaga e fitu ma masina e ono; na tupu fo‘i o ia o i Ierusalema i tausaga e tolu sefulu ma le tolu.

5. O i latou nei fo‘i na fānau ‘iā te ia i Ierusalema; o Sama ma Sopapa ma Natano ma Solomona, e to‘afa, o tama a Patesua, o le afafine o Amueli.

6. O Ivara fo‘i ma Elisama ma Elifaleta,

7. ma Nokaa, ma Nefeku ma Iafia,

8. ma Elisama ma Eliata ma Elifaleta, ‘ua to‘aiva ia.

9. O atali‘i uma ia o Tavita, a ‘ua lē faitauina o tama a palake; o Tamara fo‘i o lo latou tuafafine.

O le Gafa o Solomona

10. O le atali‘i fo‘i o Solomona o Reopoamo, o lona atali‘i o Avia, o lona atali‘i o Asa, o lona atali‘i o Iosefatu,

11. o lona atali‘i o Iorama, o lona atali‘i o Aasaia, o lona atali‘i o Ioasa,

12. o lona atali‘i o Amasia; o lona atali‘i o Asaraia, o lona atali‘i o Iotama,

13. o lona atali‘i o Aasa, o lona atali‘i o Esekia, o lona atali‘i o Manase,

14. o lona atali‘i o Amone, o lona atali‘i o Iosia.

15. O atali‘i fo‘i o Iosia, o le ulumatua o Iokana o le to‘alua o Ioakima, o le to‘atolu o Setekaia, o le to‘afa o Saluma.

16. O atali‘i fo‘i o Ioakima, o lona atali‘i o Iekonia, o lona atali‘i o Setekaia.

O le Gafa o Iekonia

17. O atali‘i o Iekonia o Esara o lona atali‘i o Salatielu,

18. o Malekirama fo‘i ma Petaia ma Senasara, o Iokamia, o Hosama ma Netavia.

19. O atali‘i o Petaia o Serupapelu ma Semi; o atali‘i o Serupapelu, o Mesulama ma Hanania, ‘atoa ma Salome lo latou tuafafine,

20. ma Kasopa ma Oelu ma Perekia ma Kasatia ma Iusapa-keseta, ‘ua to‘alima ia.

21. O atali‘i fo‘i o Hanania; o Peletia ma Isaia; o atali‘i o Refaia, o atali‘i o Arinona, o atali‘i o Opetaia, o atali‘i o Sekania.

22. O le atali‘i o Sekania, o Semaia; o atali‘i o Semaia; o Hatusa, ma Ikalo ma Parea ma Nearia ma Safata, ‘ua to‘aono ia.

23. O atali‘i fo‘i o Nearia; o Elioenai ma Esekia ma Aserikama, ‘ua to‘atolu ia.

24. O atali‘i fo‘i a Elioenai; o Hotaia ma Eliasipa ma Pelaia ma Akopa ma Iokana ma Talaia ma Anani, ‘ua to‘afitu ia.