1. ‘Ona fa‘alatalata mai lea o matai sili o sa Levī ‘iā Eleasaro le ositaulaga, ma Iosua le atali‘i o Nuno, ma matai sili o itū‘āiga o le fānauga a Isaraelu;
2. ma latou fai atu ‘iā te i latou i Sailo i le nu‘u o Kanana, ‘ua fa‘apea atu, “Na poloa‘i mai le ALI‘I ‘iā Mose, ‘ia tu‘uina mai ‘iā te i matou o ‘a‘ai e nonofo ai, ma o latou tuāfanua mo a matou manu.”
3. ‘Ona tu‘uina atu lea e le fānauga a Isaraelu i sa Levī, ai o latou tofi, e pei o le afioga a le ALI‘I, o ia ‘a‘ai ma o latou tuāfanua.
4. ‘Ua fa‘asaga le vili i ‘āiga o sa Koatō; o atali‘i fo‘i o Arona le ositaulaga, o sa Levī na maua e i latou le tofi ai le itū‘āiga o Iuta, ma le itū‘āiga o Simeona, ma le itū‘āiga o Peniamina, o ‘a‘ai e Sefulu ma le tolu.
5. O ē na totoe o atali‘i o Koato, na auā e i latou le tofi ai ‘āiga o le itū‘āiga o Efaraima, ma le itū‘āiga o Tanu, ma le tasi vaega o le itū‘āiga o Manase, o ‘a‘ai e sefulu.
6. Na maua fo‘i le tofi o atali‘i o Keresona ai ‘āiga o le itū‘āiga o Isakara, ma le itū‘āiga o Asera, ma le itū‘āiga o Nafatali, ma le tasi vaega o le itū‘āiga o Manase i Vasana, o ‘a‘ai e sefulu ma le tolu.
7. Na maua le tofi o atali‘i o Merari e tusa ma o latou ‘āiga, ai le itū‘āiga o Reupena, ma le itū‘āiga o Kato, ma le itū‘āiga o Sepulona, o ‘a‘ai e sefulu ma le lua.
8. Na tofia i le vili e le fānauga o Isaraelu i sa Levī o ia ‘a‘ai ma o latou tuāfanua, e pei ‘ona fetalai mai ai o le ALI‘I ‘iā Mose.
9. ‘Ona tu‘uina atu lea e i latou ai le itū‘āiga o le fānauga a Iuta, ma le itū‘āiga o le fānauga a Simeona, o ia ‘a‘ai ‘ua ta‘ua o latou igoa,
10. sa i ai i atali‘i o Arona, o i latou ‘ua ‘āiga ma Koato, o le fānauga a Levī auā sa ‘iā te i latou le tofi muamua.
11. ‘Ua tu‘uina atu fo‘i ‘iā te i latou le ‘a‘ai o Arapa le tamā o Anaki, o Heperona lea, i le atu mauga o Iuta, ma ona tuāfanua e si‘osi‘o ai.
12. A o fanua o le ‘a‘ai ma ona faoa ‘a‘ai, ‘ua tu‘uina atu e i latou ‘iā Kalepo le atali‘i o Iefune, e fai mōna.
13. ‘Ua latou tu‘uina atu i atali‘i o Arona le ositaulaga, o Heperona ma ona tuāfanua, e fai ma ‘a‘ai o sulufa‘iga mo le fasioti tagata ma Lipena ma ona tuāfanua,
14. ma Iatira ma ona tuāfanua ma Esetemoa ma ona tuāfanua;
15. ma Holona ma ona tuāfanua ma Tiperi ma ona tuāfanua;
16. ma Aino ma ona tuāfanua ma Iutaa ma ona tuāfanua ma Petesemesa ma ona tuāfanua; o ‘a‘ai e iva mai ia itū‘āiga e lua.
17. Mai le itū‘āiga fo‘i o Peniamina, o Kipeona ma ona tuāfanua; ma Kipea ma ona tuāfanua,
18. ma Anatota ma ona tuāfanua ma Alemoni ma ona tuāfanua; o ‘a‘ai e fa.
19. o ‘a‘ai uma o le ‘au ositaulaga, o atali‘i o Arona, o ‘a‘ai e sefulu ma le tolu, ma o latou tuāfanua.
20. O ‘āiga o atali‘i o Koato, o sa Levī na totoe o atali‘i o Koato, sa i ai ‘a‘ai o latou tofi ai le itū‘āiga o Efaraima.
21. ‘Ua latou tu‘uina atu ‘iā te i latou o Sekema ma ona tuāfanua, i le mauga o Efaraima, e fai ma ‘a‘ai o sulufa‘iga mo le fasioti tagata ma Kasera ma ona tuāfanua;
22. ma Kipesaima ma ona tuāfanua; ma Peteorana ma ona tuāfanua; o ‘a‘ai e fa.
23. Mai le itū‘āiga o Tanu, o Eliteka ma ona tuāfanua; ma Kipetonu ma ona tuāfanua;
24. ma Ailona ma ona tuāfanua ma Katarimoni ma ona tuāfanua, o ‘a‘ai e fa.
25. Mai le vaeluaga fo‘i o le itū‘āiga o Manase, o Tanaka ma ona tuāfanua ma Katarimoni ma ona tuāfanua; o ‘a‘ai e lua.
26. O ‘a‘ai uma e sefulu ma o latou tuāfanua mo ‘āiga o atali‘i o Koato o ē na totoe.
27. O atali‘i o Keresona o ‘āiga o sa Levī na latou tu‘uina atu i ai, le isi vaega o le itū‘āiga o Manase, o Koleni i Vasana ma ona tuāfanua, e fai ma ‘a‘ai o sulufa‘iga mo le fasioti tagata ma Peseteri, ma ona tuāfanua; o ‘a‘ai e lua.
28. Mai le itū‘āiga fo‘i o Isakara, o Kiseona ma ona tuāfanua ma Taperu ma ona tuāfanua;
29. ma Iaremuta ma ona tuāfanua ma Enekanima ma ona tuāfanua; o ‘a‘ai e fa.
30. Mai le itū‘āiga fo‘i o Asera, o Mesala ma ona tuāfanua ma Apetonu ma ona tuāfanua;
31. ma Kelekata ma ona tuāfanua ma Reopa ma ona tuāfanua; o ‘a‘ai e fa.
32. Mai le itū‘āiga fo‘i o Nafatali, o Katesa i Kalilaia, ma ona tuāfanua, e fai ma ‘a‘ai o sulufa‘iga mo le fasioti tagata; ma Amatatoro ma ona tuāfanua; ma Karetana ma ona tuāfanua; o ‘a‘ai e tolu.
33. O ‘a‘ai uma o sa Keresona, e tusa ma o latou ‘āiga, o ‘a‘ai e sefulu ma le tolu, ma o latou tuāfanua.
34. ‘Ua tu‘uina atu fo‘i i ‘āiga o atali‘i o Merari, o ē na totoe o sa Levī mai le itū‘āiga o Sepulona, o Iokeneama ma ona tuāfanua, ma Karata ma ona tuāfanua;
35. o Timena ma ona tuāfanua; ma Naalali na ona tuāfanua; o ‘a‘ai e fa.
36. Mai le itū‘āiga fo‘i o Reupena, o Peseri ma ona tuāfanua; ma Iaesa ma ona tuāfanua;
37. o Katemoti ma ona tuāfanua; ma Mefata ma ona tuāfanua; o ‘a‘ai e fa.
38. Mai le itū‘āiga fo‘i o Kato, o Ramota i Kiliata, ma ona tuāfanua, e fai ma ‘a‘ai o sulufa‘iga mo le fasioti tagata; ma Maanaima ma ona tuāfanua,
39. o Hesepona ma ona tuāfanua; o Iasaru ma ona tuāfanua; o ‘a‘ai uma e fa.
40. O ‘a‘ai uma o atali‘i o Merari, e tusa ma o latou ‘āiga, o ē na totoe i ‘āiga o sa Levī o lo latou tofi o ‘a‘ai e sefulu ma le lua.
41. O ‘a‘ai uma o sa Levī i totonu o le tofi o le fānauga a Isaraelu, o ‘a‘ai ia e fagafulu ma le valu, ma o latou tuāfanua,
42. o ia ‘a‘ai sa ta‘itasi ma ona tuāfanua e si‘osi‘o ai; sa fa‘apea ia ‘a‘ai uma lava.
43. ‘Ua foa‘iina atu e le ALI‘I ‘iā Isaraelu le nu‘u uma na ia tautō ai e foa‘i atu i o latou tamā, ‘ua latou fai mo latou, ma nonofo ai.
44. ‘Ona avatua lea e le ALI‘I o le mapusaga ‘iā te i latou i itū uma, e pei o mea uma na ia tautō ai i o latou tamā; e le‘i tū mai i o latou luma se tagata o i latou uma e na ita ‘iā te i latou; ‘ua tu‘uina atu e le ALI‘I o i latou uma ē na ita ‘iā i latou i o latou lima.
45. E le‘i i‘uvale se ‘upu i ‘upu lelei uma na fetalai mai ai le ALI‘I i le ‘āiga o Isaraelu; ‘ua taunu‘u uma lava.#