1. ‘Ua āfua mai le tofi o le fānauga a Iosefa i Ioritana e lata ane i Ieriko, e o‘o atu i le vai o Ieriko i sasa‘e, i le vao e alu a‘e mai Ieriko i le mauga o Peteli;
2. e alu atu mai Peteli i Lusa, ma ui ane i le tuā‘oi o Araki-atarota;
3. e alu ifo i sisifo i le tuā‘oi o Iafeleti, e o‘o atu i le tuā‘oi o Peteorana i lalo e o‘o atu i Kasera; a o lona gata‘aga o le sami lea.
4. Na maua fo‘i e le fānauga a Iosefa, o Manase ma Efaraima, o latou tofi.
5. O le tuā‘oi fo‘i lenei o le fānauga a Efaraima, e tusa ma o latou ‘āiga; o le tuā‘oi o lo latou tofi i le itū i sasa‘e o Atarota-atara, e o‘o atu i Peteorana i luga.
6. ‘Ona alu atu lea o le tuā‘oi i le sami i Mekemeta i le itū i matū; e afe le tuā‘oi i sasa‘e i Taana-sailo ma ui atu ai i sasa‘e i Ianoka;
7. ‘ona alu ifo ai lea mai Ianoka i Atarota ma Naarata, ma o‘o atu i Ieriko; ‘ona i‘u atu ai lea i Ioritana.
8. ‘Ua alu atu le tuā‘oi a‘i Tapua i sisifo i le alia o Kana; o lona gata‘aga o le sami lea o le tofi lea o le itū‘āiga o le fānauga a Efaraima, e tusa ma o latou ‘āiga.
9. O ‘a‘ai fo‘i na vavae‘eseina mo le fānauga a Efaraima o i totonu o le tofi o le fānauga a Manase, o ‘a‘ai uma ma o latou faoa ‘a‘ai.
10. Na lē tulia e i latou o sa i Kananā o ē nonofo i Kasera; a ‘ua nonofo sa Kananā fa‘atasi ma sa Efaraimā e o‘o i le aso nei, a ‘ua fai taulaga i latou.#