1. My seun, as jy vir jou vriend borg gestaan het, met ’n vreemde hand geskud het,Spr 11:15; Spr 17:18; Spr 20:16-17
2. dan is jy verstrik in die woorde van jou mond, gevang deur die woorde van jou lippe,
3. doen nou dit, my seun en bevry jouself, want ter wille van jou vriend, het jy in die hande van jou vyande geval; gaan daarom en wek jou vriend op om sy verpligting na te kom,
4. moenie jou oë slaap of jou ooglede sluimering gee nie.
5. Bevry jouself soos ’n wildsbok uit die strik en soos ’n voël uit die hand van ’n voëlvanger.
6. Wees soos die mier, luiaard, oorweeg sy lewenswyse en wees wys!
7. Alhoewel sy geen oes het, of ’n aanvoerder oor haar het nie en ook niemand om te lei nie,
8. voorsien sy haar brood in die somer en samel die kos in in die oestyd.
9. Hoe lank sal jy slaap, luiaard, wanneer sal jy opstaan uit jou slaap?
10. Nog ’n bietjie slaap, nog ’n bietjie sluimer, nog ’n bietjie hande-vou oor die bors;
11. so kom armoede oor jou en benoudheid sal jou inhaal soos ’n gewapende man.
12. ’n Dwaas, ’n boosdoener is gewetenloos,Ps 35:19; Spr 16:30
13. wat met sy oë knip, met sy voete beduie, met sy vingers tekens gee;
14. wat pervers is in sy verstand, wil en emosie, wat altyd boosheid beplan en tweedrag saai;
15. daarom sal sy katastrofe skielik kom, skielik sal hy gebroke wees sonder genesing.
16. Daar is ses dinge wat יהוה haat, ja, die sewende is vir Hom verwerplik:
17. trotse oë, ’n leuenagtige tong en hande wat onskuldige bloed vergiet,
18. ’n verstand, wil en emosie wat bose verbeeldings uitdink, voete wat haastig is om na die boosheid toe te hardloop,
19. ’n valse getuie wat leuens vertel en tweedrag tussen broers saai.
20. My seun, hou jou vader se opdragte en verwerp nie die wet van jou moeder nie.
21. Bind dit stewig vas in jou verstand, wil en emosie en hang dit om jou nek.
22. As jy loop, laat hulle jou volg, laat hulle by jou wees; beskerm hulle sodat hulle jou beskerm en as jy wakker word, oordink hulle,Ps 119:105
23. want die opdragte is ’n lamp en die instruksies ’n lig en die teregwysing wat dissiplineer is die pad tot lewe,
24. om jou te bewaar teen ’n slegte vrou, van die gevlei van die tong van ’n vreemde vrou.
25. Moenie haar skoonheid in jou hart begeer, of jou in ’n strik laat vang deur haar oë of jou laat gevange neem deur haar ooglede nie,
26. want die voorkoms van ’n hoer is so verleidelik soos ’n brood en die egbreekster jag ’n kosbare lewe.
27. Kan iemand vuur in sy skoot dra en sy klere nie verbrand nie?
28. Kan iemand op warm kole loop en sy voete nie verbrand nie?
29. So is hy wat by die vrou van sy naaste ingaan en haar aanraak; hy sal nie onskuldig wees nie.
30. Niemand wonder oor ’n dief as hy gevang word dat hy steel nie, want hy steel om homself te bevredig as hy honger het,
31. maar as hy gevang word, moet hy sewevoudig terugbetaal; hy moet al die goed in sy huis gee.
32. Hy wat egbreuk pleeg met ’n vrou, is sonder insig en hy vernietig sy eie lewe.
33. Hy wat dit doen bring oneer oor homself en sy oneer sal nie uitgewis word nie,
34. want jaloesie wek ’n man se woede op; daarom sal hy nie spaar op die dag van wraak nie;
35. hy sal geen loskoopprys in aanmerking neem nie en ook nie luister as jy die omkoopprys vergroot nie.