1. Wyn is moeilikheid en dronkenskap is skandelik en wie ook al oormatig drink, is nie wys nie.
2. Die woede van ’n koning is soos die gebrul van ’n leeu; hy wat hom tot woede tart, sondig teen sy eie lewe.
3. Dit is ’n eer vir ’n man om op te hou met twis, maar elke dwaas sal homself daarin verheug.
4. Wanneer die luiaard bestraf word, sal hy nie ophou nie; daarom sal hy tydens oestyd bedel, maar sal selfs nie water ontvang nie.
5. Die raad in ’n koning se verstand is diep, maar ’n wyse man sal dit uittrek.
6. Baie mense word as goedgunstig beskou, maar wie kan ’n betroubare man vind?
7. Die regverdige man lewe in sy integriteit; geseënd is sy kinders na hom.
8. ’n Koning wat op die regterstoel sit, jaag alle boosheid van voor hom weg.1 Yog 1:8
9. Wie kan sê: “Ek het my verstand, wil en emosie skoongemaak, ek is rein van my sondes”?
10. Wisselende gewigte en wisselende mates, hulle is beide verwerplik in die Teenwoordigheid van יהוה.
11. Selfs ’n jongman word geken deur sy dade, of hulle suiwer is en of hulle reg is.
12. ’n Oor wat hoor en ’n oog wat sien; יהוה het hulle albei gemaak.
13. Moenie die slaap liefhê sodat jy arm word nie; maak jou oë oop en jy sal met brood versadig word.
14. “Dit is niks, dit is niks,” sê die koper en gaan dan weg en roem.
15. Weer sê hy: “Hier is goud en ’n menigte kosbare stene en kosbare houers,” maar die lippe van kennis is kosbare juwele.
16. Neem die kleed van hom wat borg staan vir ’n vreemdeling en vat dit as borg vir ’n vreemdeling.Spr 6:1,2; Spr 11:15; Spr 17:18
17. Hy wat borg staan vir ’n man deur onregverdige wins, sal agterna sy mond vol gruisklippies kry.
18. ’n Goeie plan word gevestig deur beraadslaging, maar deur uittarting word oorlog gemaak.
19. Hy wat ’n geheim openbaar, veroorsaak stories; moet daarom nie meng met hom wat gou met sy lippe is nie.
20. Wie sy vader of sy moeder vloek, sy lamp sal geblus word.
21. ’n Erfenis wat aan die begin haastig verkry is, sal nie teen die einde geseënd wees nie.
22. Moenie sê: “Ek sal boosheid terugbetaal,” nie, maar wag op יהוה dat Hy jou kan help.
23. Wisselende gewigte is verwerplik in die Teenwoordigheid van יהוה en vals weegskale is nie goed nie.
24. ’n Man se voetstappe word deur יהוה gerig; wie is die man dan, wat sy eie lewenswyse kan rig?
25. Dit is ’n strik vir die man wat belowe het om iets vir ’n afgesonderde plek te gee en dan agterna spyt is.
26. ’n Wyse koning verstrooi die bose en vermorsel hulle onder die wiel.
27. Die gees van die mens is ’n lamp van יהוה, wat die dieptes van die innerlike deursoek.
28. Liefdevolle goedheid en waarheid beskerm ’n koning en sy troon word gevestig deur goedheid.
29. Die versiering van die jongmanne is hulle krag en die prag van ou manne is hulle grys hare.
30. Ellende en foltering val op bose manne en houe slaan die binnekant van hulle liggame.