1. Hy wat dissipline liefhet, het kennis lief, maar hy wat teregwysing haat, is ’n dwaas.
2. Die goeie man verkry guns van יהוה, maar die bose sal veroordeel word.
3. ’n Man sal nie gevestig word deur boosheid nie, maar die wortel van die regverdiges sal floreer.
4. ’n Moreel goeie vrou is ’n kroon vir haar man, maar een wat boos doen vernietig haar man soos ’n boorwurm en ’n termiet.
5. Die gedagtes van die regverdiges is opreg, maar die berading van die bose is bedrog.
6. Die raad van die bose is om te lê en wag op bloedvergieting, maar die mond van die opregtes sal hulle bevry.
7. Die bose sal omvergewerp word en nie gevind word nie, maar die huis van die regverdiges sal staan.
8. Volgens sy insig sal ’n man aangeprys word, maar hy wat insig kort, sal verag word.
9. ’n Arm man wat homself bedien, is beter as een wat trots is en tog gebrek het aan brood.
10. Die regverdige man neem die lewe van sy dier in ag, maar die omgee van die bose word onderdruk.
11. Hy wat sy land bewerk, sal versadig wees met brood, maar hy wat nietighede najaag, het gebrek aan insig.
12. Die bose begeer om boos te doen, maar die wortel van die regverdiges sal uitspruit.
13. Die bose word gevang deur die rebellie van sy lippe, maar die regverdige sal uit die moeilikheid kom.
14. ’n Goeie man sal versadig word deur die goedheid van sy mond en die beloning van ’n man se hande, sal aan hom gegee word.
15. Die lewenswyse van ’n dwaas is reg in sy eie oë, maar hy wat na raad luister en dit doen is wys.
16. Die dwaas se woede is gou bekend, maar die skrander man verberg sy skande.
17. ’n Regverdige man praat die waarheid soos dit duidelik is, maar ’n valse getuie is bedrieglik.Efe 6:14
18. Daar is hulle wie se woorde soos die steek van ’n swaard is, maar die tong van die wyse genees.
19. Lippe van waarheid gaan reguit vorentoe, maar die tong van ’n leuenagtige getuie is boos.
20. Bedrog is in die verstand, wil en emosie van die bose wat boosheid beplan, maar die wat raad gee oor vrede sal vreugde hê.
21. ’n Bedrieglike ding is nie goed in die oë van die regverdige nie, maar die bose is vol boosheid.
22. Leuenagtige lippe is vir יהוה verwerplik, maar hulle wat getrou optree is Sy vreugde.
23. ’n Skrander mens is die sitplek van kennis, maar die verstand, wil en emosie van die dwase verkondig boosheid.
24. Die hand van die hardwerkendes sal heers, maar die bedrieglike sal moet betaal.
25. ’n Vreesagtige woord bekommer ’n mens se verstand, wil en emosie, maar ’n goeie woord maak dit bly.
26. Die regverdige gee goeie raad vir sy buurman, maar die lewenswyse van die bose sal hulle laat afdwaal.
27. Die bedrieglike man sal nie sy prooi vind nie, maar die skat van die hardwerkende man is kosbaar.
28. Op die pad van onpartydige opregtheid is lewe, maar die pad van vyandigheid lei na die dood.