1. Leathann an eagna go láidir ó imeall go himeall na cruinneagus riarann sí gach uile ní go maith.
2. Dise a thug mé gean;is í a bhí á lorg agam ó m'oige anall;ba mhian liom í a bheith agam mar nuachar,óir chuir a háilleacht draíocht orm.
3. Is maise ar a huaisleacht chine í a bheith ar aontíos le Dia;tá grá ag Tiarna na nUile di;
4. Óir ligeadh léi rúneolas Déagus is í a roghnaíonn na hoibreacha atá le déanamh aige.
5. Más earra inmhianaithe é an saibhreas sa saol seo,cad is saibhre ná an eagna? Nach í a dhéanann an uile ní?
6. Más gníomhú gaoise atá i gceist,cé is mó is ceardaí a bhfuil ann seachas í?
7. Agus má ghránn aon duine an fhíréantacht,is suáilcí iad torthaí a saothair.Óir múineann sí an mheasarthacht agus an chríonnacht,an ceartas agus an chrógacht;agus níl rud ar bith sa saol seoatá níos tairbhí do dhaoine ná iad sin.
8. Más mian le haon duine eolas fairsing a fháil,bíonn iarbhios ar ar tháinigagus réamhfhios ar a dtiocfaidh aici;agus tuigeann sí conas nathanna a chumadhagus tomhaiseanna a réiteach;comharthaí agus éachtaí,torthaí na dtráthanna agus na n‑aoiseanna,is eol dise iad go léir.
9. Ar an ábhar sin, shocraigh méar í a thabhairt chun aontís liom,mar bhí a fhios agam go dtabharfadh sí domcomhairle le linn an tséin agus sólás in aimsir na himníagus an bhróin.
10. Tríthi dar liom, gheobhainn moladh ó na sluaite,agus dá óige féin mé, thabharfaí gradam domi gcomhluadar seanóirí.
11. Nuair a thabharfainn breith, d'aithneofaí géire m'intinne,agus bheadh meas ag na huaisle orm.
12. Dá bhfanfainn i mo thost, d'fhanfaidís-seango dtosóinn ag caint;agus thabharfaidís aird orm, nuair a labhróinn;agus dá leanfainn liom ag labhairt ar feadh i bhfad,leagfaidís lámh ar a mbéal le barr iontais.
13. Tríthi leis gheobhainn bua na neamhbhásmhaireachtaagus bheadh cuimhne orm go deo acu siúda thiocfadh i mo dhiaidh.
14. Bheinn i mo rí ar a lán náisiún,agus chuirfinn mórán ciníocha faoi mo smacht.
15. Thiocfadh critheagla ar thíoránaigh fhíochmhara,nuair a chloisfidís iomrá orm.Chruthóinn go maith mar rí i leith mo mhuintire féinagus bheinn cróga sa chogadh.
16. Nuair a d'fhillfinn abhaile, ligfinn mo scíth ina teannta;mar ní rachadh mo chaidreamh léi chun searbhais choíche.Óir, ní buaireamh ach áthas agus lúcháira chuireann aontíos léi ar dhuine.
17. Tar éis dom na nithe sin a mheá i m'aigne,agus a mheabhrú dom féin i mo chroí istigh,go bhfaightear neamhbhásmhaireacht ó bheithgaolmhar leis an eagna,
18. agus fíoraoibhneas ó chairdeas a shnaidhmeadh léiagus saibhreas do-ídithe ó shaothar a lámh,agus gaois óna comhluadar a thaithíagus dea-chlú ó chomhrá a dhéanamh léi,chuaigh mé timpeall chun a fháil amachcén chaoi a ngabhfainn chugam féin í.
19. Ba thréitheach an leanbh mé féin ó dhúchasagus thit sé de chrann orm go bhfuair mé anam uasal,
20. nó, ba chirte dom a rá, toisc mé a bheith uasal,chuaigh mé isteach i gcorp gan smál.
21. Ach ó thuig mé nach raibh aon slí eile ann domchun seilbh a fháil uirthi ach go dtabharfadh Dia dom í- agus ba chomhartha tuisceana é a aithintcé uaidh a dtiocfadh an tabhartas seo -d'iompaigh mé chun an Tiarna á agairtagus dúirt mé leis ó mo chroí amach: