1. Le Atua e,se a le mea ‘ua e lafoa‘iina mai ai i matou e fa‘avavau?Se a fo‘i le mea e pusa mai ai lou to‘asā i le lafu mamoe o lo‘o e fagaina?
2. ‘Ia e manatua mai lau fa‘apotopotoga na e fa‘atauina anamua;o le ‘āiga o lou tofi na e fa‘aolaina;o lenei mauga o Siona na e afio ai.
3. ‘Ia e afio a‘e i mea ‘ua fa‘atafunaina e fa‘avavau;o ē ‘ua ita mai ‘ua fa‘atauma‘oi mea uma i le malumalu.
4. ‘Ua pisapisaō o ē ita ‘iā te oe i totonu o au fa‘apotopotoga;‘ua latou fa‘atūina o latou fa‘ailoga e fai ma fa‘ailoga.
5. ‘Ua iloa i latou, e pei o tagata,‘ona si‘i a‘e o mātau i le vao filifili e tua a‘i.
6. O lenei, ‘ua uma ai ana mea togitogi,‘ua lepetia e i latou i mātau ma samala.
7. ‘Ua latou susunuina lou malumalu i le afi,‘ua latou solia le malumalu o i ai lou suafa,‘ua o‘o i le ‘ele‘ele.
8. ‘Ua latou fa‘apea ifo i o latou loto,“‘Ia tatou fa‘atauma‘oi fa‘atasi i latou;”‘ua latou susunuina mea uma i le nu‘u sa fai ai potopotoga i le Atua.
9. ‘Ua tatou lē iloa o tatou fa‘ailoga;e leai fo‘i se perofeta e totoe;e leai fo‘i so tatou na te iloa pe i‘u afea nei mea.
10. Le Atua e,e fāifai lē ‘ua ita mai se‘ia afea?Pe fa‘avavau ‘ea ‘ona ‘ino‘ino i lou suafa lē ‘ua ita?
11. Se a le mea ‘ua e toe fa‘afo‘i atu ai lou ‘a‘ao,o lou ‘a‘ao taumatau lava?‘ia e tomai ai nai lou fatafata,‘ia e fa‘aumatia i latou.
12. A o le Atua, o lo‘u lea Tupu talu anamua;o lo‘o galue e fa‘aola ai i luma o le lalolagi.
13. Na e vaeluaina le sami i lou mana;na e tu‘imomomoina ulu o tanimo o le sami.
14. O ulu o leviatana na e nutinini‘i ai lava;na e tu‘uina atu ai e ‘aina e i latou ‘ua nonofo i nu‘u naumati.
15. O oe lava, na e foa‘iina le vaipuna ma le alia;o oe lava, na mamate ai vaitafe tafe tetele.
16. O lo‘o ‘iā te oe le ao, o lo‘o ‘iā te oe ma le po;o oe lava na e saunia le malamalama ma le lā.
17. O oe, na e tu‘uina tuā‘oi uma o le lalolagi;o le tausaga vevela ma le tausaga ma‘alili,o oe na e faia.
18. ‘Ia manatua lenei mea,‘ua fāifaia le ALI‘I e i latou ‘ua ita mai;o le nu‘u valea fo‘i ‘ua latou ‘ino‘ino i lou suafa.
19. ‘Aua ‘e te tu‘uina atu lau manutagi i le manu fe‘ai;‘aua ne‘i e fa‘agalogaloina pea o ou tagata ‘ua puapuagātia.
20. ‘Ia e manatua le feagaiga;auā ‘ua tūtūmu mea pouliuli o le lalolagii mea e nofo ai le sauā.
21. ‘Aua ne‘i fo‘i mai ma le mā lē ‘ua sauāina;a ‘ia vi‘ia lou suafa e lē ‘ua puapuagātia ma lē ‘ua mativa.
22. Le Atua e,‘ia e tula‘i mai ma e faia lau lava finauga;‘ia e manatua lou faiga e le tagata valea i aso uma lava.
23. ‘Aua ne‘i galo ‘iā te oe le leo o ē ‘ua ita ‘iā te oe;‘ua tupu pea lava le vāvāō o ē laga atu ‘iā te oe.