1. Le lalolagi uma e,‘ia ‘outou ‘alalaga atu i le Atua.
2. ‘Ia ‘outou pepese atu i lona suafa mamalu;‘ia mamalu ‘iā te ‘outou lona vi‘iga.
3. ‘Ia ‘outou fai atu i le Atua,“E matuā mata‘utia oe i au galuega.O lou malosi tele e fa‘atagā vivi‘i atu ai ‘iā te oeo ē ‘ua ita ‘iā te oe.
4. E ifo atu lava ‘iā te oe le lalolagi uma;latou te fai pesega ‘iā te oe,latou te fai pesega i lou suafa.” Selā.
5. Ō mai ia, ‘ia ‘outou matamata i galuega a le Atua;e mata‘utia ia i mea na na faia i le fānau a tagata.
6. Na ia liua le sami ma lau‘ele‘ele matūtū;na latou sopo‘ia atu le vaitafe i o latou vae;na tatou fiafia ‘iā te ia i lea mea.
7. E pule ia e fa‘avavau i lona lava malosi;‘ua matuā silasila atu ona fofoga i nu‘u ‘ese;o ē fouvale, ‘aua ne‘i fa‘amaualuga i latou. Selā.
8. Le nu‘u e, ‘ia ‘outou fa‘afetai atu i lo tatou Atua;‘ia lagona mai le leo o lona vi‘iga.
9. O lē na tu‘uina mai le ola i totonu ‘iā i tatou,na te lē tu‘una i tatou ‘ia mapepeva ai o tatou vae.
10. Auā na e su‘esu‘eina i matou, le Atua e;na e tofotofoina i matou,e pei o le ario ‘ona tofotofoina.
11. Na e ‘aumaia i matou i le ‘upega;na e tu‘uina mai mea mamafa i o matou tua.
12. Na e fa‘ati‘eti‘e tagata i o matou ulu;na matou sāvavali i le afi ma le vai;a ‘ua e ta‘ita‘iina mai i matou i le nu‘u lafulemū.
13. ‘Ou te alu atu i lou fale ma taulaga mū;‘ou te avatua ‘iā te oe mea na ‘ou tautō ai.
14. O mea ia na ‘ou fai atu ai i o‘u laugutu,na ‘ou tautala atu ai i lo‘u gutu i lo‘u puapuagā.
15. ‘Ou te avatua ‘iā te oe taulaga mū i mea pepeti,‘atoa ma mea manogi.‘Ou te saunia mamoe po‘a,o povi po‘a, ‘atoa ma ‘oti po‘a. Selā.
16. ‘Outou uma o ē matata‘u i le Atua,ō mai ia, ‘inā fa‘alogologo mai,‘ona ‘ou ta‘u atu ai lea o mea na na faia mo lo‘u agaga.
17. Na ‘ou ‘alaga atu ‘iā te ia i lo‘u gutu,‘ua vi‘ia fo‘i o ia e lo‘u laulaufaiva.
18. ‘Ana ‘ou manatu i se amio leaga i lo‘u loto,po ‘ua lē fa‘afofoga mai le Ali‘i ‘iā te a‘u.
19. ‘Ae peita‘i ‘ua fa‘afofogaina mai a‘u e le Atua;‘ua ia liliu mai i le leo o la‘u tatalo.
20. ‘Ia fa‘afetaia le Atua,‘ua na lē liliu‘eseina la‘u tatalo,po o lona alofa ‘iā te a‘u.