1. Na fa‘afoisia mai e le ALI‘I o Siona nai le tāfeaga,‘ona tusa ai lea o i tatou ma tagata ‘ua fai a latou miti.
2. ‘Ona tumu ai lea o tatou gutu i le featani,ma o tatou laulaufaiva i le leo fiafia;‘ona latou fa‘apea ane lea i nu‘u ‘ese,“‘Ua faia e le ALI‘I mea tetele mo i latou.”
3. ‘Ua faia e le ALI‘I mea tetele mo i tatou;‘ua tatou fiafia ai.
4. Le ALI‘I e,‘ia e fa‘afoisia mai la matou tāfeaga,fa‘apei o vaitafe i le itū i saute.
5. O ē lūlū saito ma loimata,latou te seleseleina ma le ‘alaga fiafia.
6. O lē ‘ua alu atu ma tagi fano,o lo‘o ‘ave le saito e lūlū,e fo‘i mai lava ia ma le ‘alaga fiafia,o lo‘o ‘aumai ana fusi saito.