Le mataupu

  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14

Feagaiga Tuai

Feagaiga Fou

Hosea 8 O LE TUSI PA'IA - Ekalesia Katoliko Roma (RSCB)

O Mea Leaga e Tutupu ‘ona o Amio Leaga

1. ‘Ia e ili le pū; e sau o ia e pei o se aeto i le ‘āiga o le ALI‘I; auā ‘ua latou soli la‘u feagaiga ma ‘ua latou fouvale i la‘u tulafono.

2. E ‘alalaga i latou ‘iā te a‘u, “Lo matou Atua e, o Isaraelu i matou, ‘ua matou iloa oe.”

3. ‘Ua lafoa‘iina e Isaraelu le mea lelei; e tuliloaina o ia e lē ‘ua ita ‘iā te ia.

4. ‘Ua latou tofia tupu ‘ae lē mai ‘iā te a‘u; ‘ua latou tofia ali‘i ‘ae lē iloa e a‘u; o latou ario ma o latou auro ‘ua latou fai a‘i tupua mo i latou, ‘ina ‘ia fa‘aumatia ai i latou.

5. Samaria e, ‘ua lafoa‘iina oe o lau tama‘i povi; ‘ua tupu lo‘u ita ‘iā te i latou; pe latou te lē mafai se‘ia afea ‘ona mamā?

6. Auā mai ‘iā Isaraelu lava ia; na faia o ia e le tufuga; e lē o le Atua lava ia, o le mea lea e nutilili‘iina ai le tama‘i povi o Samaria.

7. Na latou lūlūina le matagi, o le mea lea latou te selesele mai ai le afā; ‘ua leai sona tino; e le tupu se saito i le fuga, ‘ae ‘āfai e fua, e ‘aina e tagata ‘ese.

8. ‘Ua fa‘aumatia Isaraelu; latou te i ai nei i nu‘u ‘ese, e pei o se ipu e leai se fiafia i ai.

9. Auā ‘ua latou ō a‘e i Asuria, ‘ua se asini o le vao ‘ua nofo to‘atasi; ‘ua fa‘a‘oloaina e Efaraima o ē manana‘o ‘iā te ia.

10. ‘Ae ui ‘ina latou fa‘a‘oloaina nu‘u ‘ese, ‘ou te fa‘apotopoto nei ‘iā te i latou; e le pine ‘ona tigā o i latou ‘ona o le avega mai le tupu o ali‘i.

11. ‘Ua faia e Efaraima fatafaitaulaga e tele, e agasala ai; o le mea lea na ‘avea ai fatafaitaulaga ma mea e agasala ai o ia.

12. ‘Ua ‘ou tusi atu ‘iā te ia o mea tetele i la‘u tulafono; a ‘ua ta‘ua ia mea o mea ‘ese.

13. Latou te fai taulaga i manu e fai ma taulaga mo a‘u ma latou ‘a‘ai ai; a ‘ua lē talia i latou e le ALI‘I; e manatua nei e ia a latou amio leaga ma taui ‘iā latou agasala; latou te toe fo‘i i Aikupito.

14. Auā ‘ua fa‘agalogalo e Isaraelu i Lē na faia o ia, ‘ua fa‘atūina e ia o malumalu; o Iuta fo‘i ‘ua ia fa‘ateleina o ‘a‘ai nofo ‘olo; ‘ou te tu‘uina atu le afi i ana ‘a‘ai, e fa‘aumatia ai ona maota.#