14. Toe hy by Legi kom, het die F’lishtyne hom skreeuend tegemoet gekom. Die Gees van יהוה het magtig oor hom gekom sodat die toue wat aan sy arms was, soos linne, wat in vuur gebrand is, geword het en sy bande het van sy hande afgeval.
15. Hy het ’n vars donkiekakebeen gevind, sy hand uitgesteek en dit gevat en ’n duisend man daarmee doodgemaak.
16. Toe sê Shimshon: “Met die kakebeen van ’n donkie, hope op hope; met die kakebeen van ’n donkie het ek ’n duisend man doodgemaak.”
17. Toe hy klaar gepraat het, gooi hy die kakebeen uit sy hand uit en noem dié plek Ramat-Legi.
18. Toe het hy baie dors geword en hy roep uit na יהוה en sê: “U het hierdie groot bevryding deur die hand van U dienskneg gegee en moet ek nou van dors sterf en in die hand van die onbesnedenes val?”
19. God kloof egter die holte wat by Legi is oop sodat daar water uitkom. Toe hy gedrink het, het sy krag teruggekom en hy is verfris. Hy het dit daarom `Ein-HaKorei genoem, wat vandag nog in Legi is.
20. Hy het Yisra’el in die dae van die F’lishtyne vir twintig jaar lank gerig.