9. Vuya ngenene, ntombindini inguZiyon!Danduluka, wena ntombi inguJerusalem!Khangela, ukumkani wakho uza kuwe enobulungisa, engumoyisi,ethobekile, ekhwele idonki,nditsho ithole, inkonyane yedonki.
10. Ndiya kuzohlutha iinqwelo zokulwa kwaEfrayim,namahashe emfazwe eJerusalem,ke lona utolo lwemfazwe ndiluvikive.Ukumkani wovakalis' uxolo ezizweni,ulawulo lwakhe loziqhakamishel' iilwandle;luya kusuka kumlambo iEfrati,luye kuthi xhaxhe ngeziphelo zehlabathi.
11. Ke nina okunokwenungenxa yegazi lomnqophisondobakhulula abantu bakowenu abangamabanjwa,baphume emhadini ongenamanzi.
12. Buyelani kuyo inqaba, nina mabanjwa anikwe ithemba.Namhlanje ndiyanazisa:ndonibuyisela ngokuphindiweyo.
13. Kuba uJuda ndimbhetya okwesaphetha,uEfrayim yena abe litolo lam.Ndophekuza ngoonyana bakho, Ziyon,babe njengekrele legorha,ndibalekuze oonyana bakho, lizwe lamaGrike.
14. UNdikhoyo uya kuvela phezu kwabo,utolo lwakhe lumenyeze njengombane,itsho ngexilongo iNkosi uNdikhoyo,ingqishe okwezaqhwithe zasezantsi.
15. UNdikhoyo onamandla onke wobakhusela,batsho bazitshabalalise iintshaba zabo ngamatye *eenkwitshi,benze intswahla okwabasele iwayini.Boba yinyhididi ligazi lotshaba,bafane nezitya ezizele ligazi ledini,nqwa neekona zeqonga lamadini mhla ngomnikelo.
16. Ngaloo mini ke uNdikhoyo uThixo wabo wobasindisa.Kaloku bona baba ngabantu abangumhlambi wakhe.Bobengezela elizweni lakheoku kwamatye exabiso ahombisa isithsaba.
17. Hayi ukuba nomtsalane nokuba kuhle kwelo lizwe!Ingqolowa yobatsho babe nenkqubela abafana,namagqiyazana abe njalo yiwayini entsha!