1. UElihu uqhube wathi:
2. “Ucinga ukuba bubulungisa na obu?Kaloku uthi: ‘Ndiya kugwetyelwa nguThixo.’
3. Kanti ubhekisa kuThixo usithi:‘Khon' ukuba ndonile ke?Kundinceda ngani ukungoni?’
4. “Ke ngoku mna ndiza kukuphendula,wena ngokunjalo nabahlobo bakho.
5. Khawuqethuke ujonge amazulu,uwabone la mafu aphezu kwakho.
6. Noba uyona awumchukumisi nganto uThixo;ewe, awumenzi nto noba ungade uphinda-phinde!
7. Ukulungisa kwakho kumnceda ngantoni ke?Ewe, uThixo akazuzi nto esandleni sakho.
8. Ukona kwakho kuphazamisa kwa-abantu,nokulungisa kwakho kunceda kwabona.
9. “Abantu bayakhala ngenxa yobuninzi bengcinezelo;balangazelela ukukhululeka kwisandla sabanamandla.
10. Kodwa yinqaba ukubhenela kuThixo uMdali waboozisa ithemba xa sukuba lixubayele.
11. Nguye osinika ulwazi kunezilwanyana;yena usenza silumke kuneentaka.
12. Abantu noba sebekhala, uThixo akaphenduli,kuba abakhohlakeleyo bathiwe lwale likratshi.
13. Inene, uThixo akangeke awaphulaphule amampunge;uSomandla akawasi so tu.
14. Kunjalo maxa usithi akumboni uThixo,usithi umcimbi wakho uphambi kwakhe,usithi ulinde yena,
15. naxa uthi uThixo akacaphuki ohlwaye,usithi akasihoyi isono.
16. Ke uYobi uthetha amampunge,wenza umlembelele engenalwazi.”