15. dhe as Herodi, sepse ai e ktheu te ne. Ky nuk ka bërë asgjë që të meritojë vdekjen.
17 . Pilati ishte i detyruar të lironte dikë për ta, me rastin e çdo feste.».
18. Atëherë ata bërtitën të gjithë së bashku: «Vrite këtë e na liro Barabën».
19. Barabën e kishin futur në burg për një kryengritje që kishte ndodhur në qytet dhe për vrasje.
20. Pilati, që dëshironte ta lironte Jezuin, iu drejtua përsëri atyre,
21. por ata bërtisnin e thoshin: «Kryqëzoje, kryqëzoje!».
22. Për të tretën herë ai u tha: «Përse, ç’të keqe ka bërë? Nuk kam gjetur tek ai asnjë faj për ta dënuar me vdekje, prandaj do ta ndëshkoj e do ta liroj».
23. Por ata ngulnin këmbë dhe kërkonin me britma të mëdha që të kryqëzohej. Ulërimat e tyre bëheshin gjithnjë e më të forta.
24. Atëherë Pilati vendosi që t’u plotësohej kërkesa.
25. Liroi njeriun që kishin kërkuar, atë që ishte futur në burg për kryengritje dhe vrasje, dhe u dorëzoi Jezuin, siç dëshironin ata.
26. Ndërsa po e çonin për ta kryqëzuar, morën një farë Simoni nga Kirena, i cili po vinte nga ara dhe i ngarkuan kryqin që ta mbartte pas Jezuit.
27. Një turmë e madhe njerëzish shkonin pas tij. Mes tyre ishin edhe disa gra që rrihnin kraharorin dhe qanin për të,
28. por Jezui u kthye drejt tyre dhe u tha:«Bija të Jerusalemit, mos qani për mua, por qani për veten dhe për fëmijët tuaj.