15. Po kur Perëndisë, që më ndau veç që në barkun e nënës dhe më thirri nëpërmjet hirit të tij, i pëlqeu
16. të më zbulojë Birin e vet për ta predikuar ndër kombet pagane, unë menjëherë, pa u këshilluar me asnjeri
17. dhe pa shkuar në Jerusalem tek ata që ishin apostuj para meje, shkova në Arabi dhe u ktheva përsëri në Damask.
18. Vetëm tre vjet më vonë shkova në Jerusalem për të takuar Pjetrin dhe qëndrova me të pesëmbëdhjetë ditë.
19. Por nuk pashë asnjë nga apostujt e tjerë përveç Jakobit, vëllait të Zotit.
20. Ja, këto gjëra i shkruaj para Perëndisë e nuk gënjej.
21. Pastaj shkova në krahinat e Sirisë dhe Kilikisë.
22. Ndërkohë kishat e Judesë që besojnë në Krishtin, nuk më njihnin personalisht.
23. Ata vetëm kishin dëgjuar: «Ai që më parë na përndiqte, tani predikon besimin që përpiqej ta shkatërronte dikur».
24. Dhe përlëvdonin Perëndinë për mua.