3. Mos u sillni si sundues mbi ata që ju janë besuar, por bëhuni shembull për grigjën
4. dhe kur të shfaqet Kryebariu do të merrni kurorën e lavdisë që nuk vyshket.
5. Po ashtu edhe ju të rinj nënshtrojuni të moshuarve. Të gjithë bashkë shërbejini njëri-tjetrit me përulësi, sepse Perëndia u kundërvihet kryelartëve, ndërsa të përulurve u jep hir.
6. Përuluni nën dorën e fuqishme të Perëndisë, që ai t’ju lartësojë në kohën e duhur.
7. Gjithë shqetësimet tuaja lërini në dorë të tij dhe ai do të kujdeset për ju.
8. Kini kujdes e rrini zgjuar! Kundërshtari juaj, djalli, sillet rrotull si luan i egërsuar duke kërkuar kë të përpijë.