5. Ipapo Dhavhidhi akabvunza jaya rakanga rauya neshoko iri akati, “Unoziva sei kuti Sauro nemwanakomana wake Jonatani vafa?”
6. Jaya riya rakati, “Ini ndakanga ndiri pamusoro peGomo reGiribhoa, uye ndikaona Sauro akasendamira papfumo rake, ipapo ngoro dzavarwi navatasvi zvaivirima zvotosvika paari.
7. Zvino iye akati acheuka akandiona, akandidana, ini ndikati, ‘Ndiri pano?’
8. “Akandibvunza akati, ‘Ndiwe aniko?’“Ndakamupindura ndikati, ‘Ndiri muAmareki.’
9. “Ipapo iye akati kwandiri, ‘Uya umire pandiri undiuraye! Ndiri mukurwadziwa kukuru asi ndichiri mupenyu.’